Mathiơ 6:25 - Sră Goh 2018

²⁵ Behơ̆ tàng Añ đơs mơ bol mê: Bañ kơlôi rcang bơh bơta kis he dê, ñchi ai sa, ñchi ai ñô, hala bơh să jan he dê, ñchi ai soh. Bơta kis ò di la màng rlau mơ phan sa, mơ să jan ò di la màng rlau mơ phan soh ò ơ?

Mathiơ 6:25 Mawu Ofanana

Đơs Crih 55:22

Jào tĕ bơta àñ kơnjơ̆ mê dê Yàng Jehôwa in, Kơnràñ rơp yò đo mê; Kơnràñ ò gơs tŭ lơi lòi cau song ring kong wañ lơnggơh.

Jeremi 45:5

Ai mê, mê gam jòi broă dờng he in ơ? Bañ jòi tai, bơh do, Añ rơp tơndùh bơta rung rài hơđang jơh ală jơi poac să in; ai mê, bulah mê lòt tiah lơi, Añ kung rơp sền gàr bơta kis mê be phan dòp geh bơh bơta tòmlơh.’” Yàng Jehôwa đơs behơ̆.

Mathiơ 10:19

Mơya tòm tŭ bol khai bơtào bol mê, gen bañ kơlôi rcang mbe lơi hala jơnau lơi bol mê pal đơs. Bơh rơp ai bol mê in ală jơnau pal đơs tòm jơ hơ̆.

Mathiơ 13:22

Gar neh sih di tòm lò, hơ̆ la cau kơno jơnau, mơya bơta kơlôi rcang rài do dê mơ bơta pơndòm pơnhòp pas sơm dê lơh gơrềt jơnau hơ̆, gen ò gơlik plai.

Mathiơ 6:31

Behơ̆ gen, bañ kơlôi rcang lah: ‘Ñchi bol he ai sa taih?’ ‘Ñchi ai ñô taih?’ ‘Ñchi ai soh taih?’

Mathiơ 6:34

Behơ̆ gen, bañ kơlôi rcang bơh ngai hìng, bơh ngai hìng rơp kơlôi rcang ngai hìng in. Bơta bòl glar ngai lơi la tơl ngai hơ̆ in.”

Jơnau Niam Jat Mak 13:11

Tòm tŭ bol khai hwài cèng bol mê nàng bơtào, gen bañ kơlôi rcang lài jơnau lơi bol mê rơp đơs, mơya đơs tĕ jơnau rơp ai bol mê in tòm jơ hơ̆, bơh ò di bol mê đơs ò, mơya la Yàng Hwềng Goh gơ dê.

Jơnau Niam Jat Mak 4:19

mơya bơta kơlôi rcang rài do dê, bơta pơrlồm bơta pas sơm dê, mơ ală bơta hàm kòñ ndai gơtơmut tòm nùs bol khai, lơh gơrềt jơnau hơ̆ gen ò gơlik plai.

Luka 12:11

Tòm tŭ cau hwài bol mê lòt tus hơ hìu jum, di đap cau kwang at bồ mơ cau gơs gơnoar, gen bañ kơlôi rcang pal mbe lơi hala jơnau lơi nàng tò să he, mơ pal đơs;

Luka 8:14

Gar sơntìl rung di tòm lò la ală cau neh kơno jơnau, gen lòi bơta kơlôi rcang, pas sơm, chò hòp rài do lơh gơrềt, gen ò dờng.

Rôma 8:32

Kơnràñ neh ò pơlai Kòn tòm Kơnràñ dê, mơya tài bơh jơh ală bol he tàng neh jào phi Kòn hơ̆, gen Kơnràñ ò di kung rơp cèng jơh ală bơta bal mơ kòn hơ̆ mơ ai tơn bol he in ò ơ?

I Kôrintô 7:32

Mơya añ kòñ oh mi ò càng kơlôi rcang. Cau lơi ò gơs bau, gen kơlôi rcang bơh broă Yàng nàng niam nùs Yàng;

Philip 4:6

Bañ kơlôi rcang bơh bơta lơi, mơya tòm jơh ală bơta ai tĕ jơnau hòi dan, rac dan, mơ bơta ưnngài mơ yal tơlik ală bơta kòñ dan he dê Yàng Tom Trồ in git.

II Timôthe 2:4

Ò gơs dô nă cau lơi ơm ling mơ gam gơkòl broă rài do, lơh behơ̆ tồ niam nùs cau tòm hòi khai.

I Pier 5:7

Jào phi tĕ jơh ală bơta kơlôi rcang oh mi dê Kơnràñ in, tài bơh Kơnràñ òs sền gàr oh mi sùm.