Mathiơ 6:20 - Sră Goh 2018

²⁰ Mơya pal prap lòi phan màng he in hơđang trồ, la tiah ò gơs mŏ tu mơ ò gơs è sa siar roh, kung ò gơs cau blơ̆ tò ƀlong mut kơñau.

Mathiơ 6:20 Mawu Ofanana

Esai 33:6

Kơnràñ rơp la bơta kơ̆ nền tŭ tơngai mê dê, la bơta dong klàs tơngkah tơngkañ, bơta jak chài mơ bơta git wă; Bơh bơta duh rngòt di Yàng Jehôwa la đam jàr Siôn dê.

Mathiơ 19:21

Yàng Jesu đơs mơ khai lah: “Dilah mê kòñ gơs wil tơl, gen lòt tĕ tac jơh ală phan mơna mê dê mơ tòmpà cau rƀah lơòi in, gen mê rơp geh phan màng hơđang trồ; lồc behơ̆ tus tĕ jat Añ.”

Mathiơ 6:19

“Bol mê bañ prap lòi phan màng tòm ù, la tiah gơs mŏ tu mơ è sa siar roh, mơ cau blơ̆ tò ƀlong mut kơñau.

Jơnau Niam Jat Mak 10:21

Yàng Jesu sền di khai mơ kòñ gơboh, gen đơs lah: “Mê gam siơ̆u dô bơta lơm. Lòt tĕ tac jơh ală phan mơna mê dê mơ tòmpà cau rƀah lơòi in, gen mê rơp geh phan màng hơđang trồ; lồc behơ̆ tus tĕ jat Añ.”

Luka 12:33

Tac tĕ phan bol mê nàng pà gòi; rcang tĕ he in kơldung priă ò klar siar, phan màng ò roh hơđang trồ, la tiah cau kơñau ò rgơi tus rềp, mŏ tu ò lơh ồm lề.

Luka 18:22

Yàng Jesu kơno bơta hơ̆ gen đơs mơ khai lah: “Mê gam siơ̆u dô bơta: Tac tĕ jơh ală phan mơna mê dê mơ tòmpà cau rƀah lơòi in, gen mê rơp geh phan màng hơđang trồ; lồc behơ̆ tus tĕ jat Añ.”

I Timôthe 6:17

Bơto tĕ kràñ cê cau pas gơs ơm tòm dunnia do bañ pơnhừ să mơ bañ ơn nùs gơn kơnòm di phan mơna ò kơ̆ nền, mơya pal ơn tĕ nùs gơn kơnòm di Yàng Tom Trồ, la Bơtau ai gòi jơh ală phan lìu làc bol he in dòp geh dô bă hòn chò.

I Timôthe 6:19

nàng bol khai in tơrgòm dô nơm mơnàng niam tòm rài tơnơ̆, tồ sơmbat kơ̆ di bơta kis la bơta kis ngan.

Hebrơ 10:34

Bơh oh mi neh gơs nùs nđàc sơngit ală cau kong jàm, gơs nùs hòn chò bulah roh phan mơna, bơh oh mi git he gơs phan mơna niam rlau gam sùm sùm.

Hebrơ 11:26

Khai sền bơta bơtat bơtròh bơh Bơtau Krist la kas rlau mơ phan màng Ejiptơ dê, bơh khai kơp gơn phan ƀàn.

Jakơ 2:5

Ơ oh mi kòñ gơboh añ jê, iat tĕ do: Yàng Tom Trồ ò di neh sac cau rƀah tòm rài do nàng dòp geh bơta pas sơm tòm bơta dòn, mơ pơrdòn lơgar Kơnràñ neh ho pơgon mơ cau kòñ gơboh di Kơnràñ ò ơ?

I Pier 1:4

mơ dòp geh sre brê ò roh rui, ò ƀơ̆ ƀơl, ò ro jrùh, prap lòi hơđang trồ oh mi in,

I Pier 5:4

Tòm tŭ Bơtau Dờng Ê Belàt tơlik mat, gen oh mi rơp dòp geh sơgơn bơtau gơklŏ ò ro jrùh.

Yal Tơlik 2:9

‘Añ git bơta rung rài mơ bơta rƀah lơòi mê dê, bulah mê la cau pas gơs, mơ Añ git ală jơnau bơrsèl tơnhial ală cau sơnđan is să he la cau Juda mơya ò di la cau Juda, bol khai la bal mơ mpồl jơnum cà Satan dê.