Mathiơ 6:2 - Sră Goh 2018

² Behơ̆ tòm tŭ mê pà gòi, bañ uh kơlwòk di đap he, be ală cau ma blac lơh tòm ală hìu jum mơ tòm ală gùng me, nàng geh cau jòng ro. Di ngan Añ đơs mơ bol mê, bol khai neh geh phan ƀàn bol khai dê rau.

Mathiơ 6:2 Mawu Ofanana

Đơs Crih 112:9

Khai tòmpà dờng ơnàng, ai gòi cau rƀah lơòi in; Bơta song ring bol khai dê gam sùm sùm; Gơnoar pràn khai dê rơp geh yò tơngguh dô bă màng ryŭ.

Đơs Crih 37:21

Cau iơh bơsak càn mơ ò rgơi tơm wơl, Ai cau song ring gơs nùs dờng ơnàng mơ ai pà.

Jơnau Pơnđik 19:17

Cau lơi nđàc sơngit cau rƀah, hơ̆ la ai Yàng Jehôwa in càn jồm; Kơnràñ rơp tơm wơl broă bơta nđàc hơ̆ khai in.

Jơnau Pơnđik 20:6

Pơnah oă cau jòng să bơh bơta dòn song he; mơya ñcau rgơi jòi geh dô nă cau nàng gơn kơnòm?

Cau Bơto 11:2

Tòmpà tĕ gơ poh nă hala phàm nă in; bơh mê ò git bơta rung rài lơi rơp gơlik tus hơđang ù.

Esai 10:6

Añ sồr khai lòt tòmdră mơ dô nơm làng bol ò duh rngòt, Añ sồr khai tus tòmlơh mơ dô nơm làng bol mơ Añ gơhào gơjrañ, nàng phà kup mơ tòmpìt ai phan mơna, mơ jă trơm bol khai kung be bŏ tòm ală gùng.

Esai 58:7

Hơ̆ ò di la tòmpà phan sa bol mê dê cau jơgloh in, mơ cèng cau rƀah ò gơs hìu ơm mut tòm hìu bol mê dê, tòm tŭ bol mê gŏ cau ơm kuh lòi rồ gen tơnsoh khai in, mơ ò pồn mat bơh di ală cau gơp bơtiàn bol mê dê ò ơ?

Esai 9:17

Behơ̆ tàng, Yàng Jehôwa ò niam nùs di ală cau pơnu, mơ Kơnràñ kung rơp ò nđàc sơngit cau kòn đòi mơ cau ùr bơnrau, bơh kòp nă bol khai la cau ò duh rngòt mơ iơh bơsak, bơr lơi kung đơs jơnau bơrngơl gơla. Bulah neh gơs jơh ală bơta hơ̆, bơta gơjrañ Kơnràñ dê kung ò pơrlac ngài, tê Kơnràñ dê gam pò tơlik.

Sră Ôse 8:1

Ơn tĕ kơlwòk di sơndồi mê! Cau sò tơm gơlơh be klàng bung neh tus hơđang hìu Yàng Jehôwa dê, tài bơh bol khai neh sang lòi bơta ho bal Añ jê, mơ neh lòt rlau ir mơ bơta boh lam Añ jê.

Mathiơ 15:7

Ơ ală cau ma blac! Esai neh đơs hwơr di ngan bơh bol mê lah:

Mathiơ 16:3

Ai àng drim bol mê đơs lah: ‘Ngai do gơs mìu càl, bơh trồ pơrhê mơ mƀur.’ Bol mê git sền đal bơta gơtòmgơl rùp să trồ dê, mơya ò rgơi sền đal ală tềl sơnio tŭ tơngai dê.

Mathiơ 22:18

Mơya Yàng Jesu git nùs iơh bơsak bol khai dê gen đơs lah: “Ơ ală cau ma blac, ñchi bơh tài bol mê lòng Añ taih?

Mathiơ 23:5

Jơh ală broă bol khai lơh la nàng cau in sền gŏ, bơh bol khai wan gơltau bơta boh lam ơnàng mơ pơnhwài jòng tiang ào,

Mathiơ 23:6

kòñ nggui tiah màng ryŭ tòm bơta ñô sa, mơ nggui cơnòng hơđap tòm hìu jum,

Mathiơ 24:51

Cau tòm rơp pù tac poac khai mơ tơmut khai bal mơ cau ma blac. Tềng hơ̆ rơp gơs ñìm rac mơ rkiat sề.”

Mathiơ 5:18

Bơh di ngan Añ đơs mơ bol mê, trồ tiah rơp roh, mơya dô tềl dềt dô cik tòm bơta boh lam kung ò gơs tŭ lơi roh, jơl tus di tŭ jơh ală bơta gơlik wil tơl.

Mathiơ 6:16

“Tòm tŭ bol mê ơt sa, bañ lơh bơthĭ moat jrùng be cau ma blac, bơh bol khai lơh ñòp muh ñòp mat nàng cau in git bol khai ơt sa. Di ngan Añ đơs mơ bol mê, bol khai neh geh phan ƀàn bol khai dê rau.

Mathiơ 6:3

Mơya tòm tŭ mê pà gòi, bañ lòi tê kiau mê git broă tê ma mê lơh,

Mathiơ 6:5

“Tòm tŭ bol mê hòi dan, bañ lơh be ală cau ma blac, bơh bol khai kòñ ntào hòi dan tòm ală hìu jum mơ di ală mum gùng, nàng cau in gŏ. Di ngan Añ đơs mơ bol mê, bol khai neh geh phan ƀàn bol khai dê rau.

Mathiơ 7:5

Ơ cau ma blac, lài ngan tă tĕ ròc dra bơh di mat mê, gen sồng gŏ loh làng nàng tă thul bơh di mat oh mi mê dê.

Jơnau Niam Jat Mak 12:39

kòñ nggui cơnòng hơđap tòm hìu jum cau Juda mơ nggui tiah màng ryŭ tòm bơta ñô sa,

Jơnau Niam Jat Mak 7:6

Yàng Jesu ho lah: “Ơ cau ma blac, Esai neh đơs hwơr di ngan bơh bol mê, be neh cih lah, Yàng Tom Trồ đơs lah: ‘Làng bol do dòn duh Añ mơ bơr sơndồi gòi, Mơya nùs bol khai ngài ngan bơh Añ.

Luka 11:41

Mơya bol mê ai tĕ bơta gơs tòm dơlam mơ pà gòi dờng ơnàng cau rƀah lơòi in, gen ală bơta la goh bol mê in.

Luka 11:43

Bòl glar bol mê in la cau Pharisi! Bơh bol mê kòñ nggui cơnòng hơđap tòm hìu jum, kòñ gơs cau lùp còp să tòm gùl drà.

Luka 12:33

Tac tĕ phan bol mê nàng pà gòi; rcang tĕ he in kơldung priă ò klar siar, phan màng ò roh hơđang trồ, la tiah cau kơñau ò rgơi tus rềp, mŏ tu ò lơh ồm lề.

Luka 12:56

Ơ ală cau ma blac, bol mê git sền đal bơta gơtòmgơl trồ tiah dê; mbe gơlơh ò git sền đal tŭ tơngai do taih?

Luka 13:15

Mơya Yàng ho mơ khai lah: “Ơ cau ma blac! Kòp nă tòm bol mê tòm ngai Saƀat ò di hồ kơnrồ hala alàng he dê lik bơh bòng ñhơt mơ tề gơ lòt hùc dà ò ơ?

Luka 20:46

“Kơrhia tĕ di ală cau bơto bơta boh lam, la cau kòñ soh ào jrùh mơ lòt yơng, kòñ gơs cau lùp niam să tòm gùl drà, kòñ nggui cơnòng hơđap tòm hìu jum mơ nggui tiah bồ tòm bơta ñô sa.

Luka 6:24

Mơya bòl glar ngan bol mê in la cau pas sơm, bơh neh geh bơta pơndòm pơniang he dê rau!

Luka 6:42

Mbe mê rgơi đơs mơ oh mi mê dê lah: ‘Ơ bi, ai añ in tă thul bơh di mat bi,’ mơ să tòm mê ò gŏ ròc dra tòm mat mê ơ? Ơ cau ma blac, lài ngan tă tĕ ròc dra bơh di mat mê, gen sồng gŏ loh làng nàng tă thul bơh di mat oh mi mê dê.

Jang 13:29

Gơs cau ƀà tồnlah tài bơh Juda gơs kơldung priă, gen tàng Yàng Jesu đơs mơ khai lah: Rwat tĕ phan bol he kòñ ngui tòm tŭ pơjum sa, hala pal pà phan lơi cau rƀah lơòi in.

Jang 5:41

Añ ò jòi bơta gơklŏ bơh di cau ò;

Jang 5:44

Bol mê dòp bơta gơklŏ bal mơ gơp, ò jòi jat bơta gơklŏ tus bơh Yàng Tom Trồ mìng dùl lơm, gen mbe rgơi bol mê dòn taih?

Jang 7:18

Cau lơi đơs is jat nùs he, gen jòi jat bơta gơklŏ is he in, mơya cau lơi jòi jat bơta gơklŏ Bơtau neh sồr he lòt tus, gen la Cau song ngan, mơ tòm khai ò gơs bơta ma blac.

Broă 10:2

Khai la dô nă cau dòn duh, bal mơ jơh hìu nhă khai duh rngòt di Yàng Tom Trồ lơm, jak pà gòi làng bol in, òs hòi dan mơ Yàng Tom Trồ sùm.

Broă 10:31

mơ đơs lah: ‘Ơ Kornai, jơnau hòi dan mê dê neh geh kơno rau, bơta pà gòi mê dê neh geh Yàng Tom Trồ cih kah.

Broă 10:4

Khai rngòt rngơt sền trol di cau gơnrơh, mơ đơs lah: “Ơ Yàng, gơs ñchi broă taih?” Cau gơnrơh ho lah: “Jơnau hòi dan mơ bơta pà gòi mê dê neh guh tus hơ Yàng Tom Trồ, mơ Kơnràñ neh cih kah rau.

Broă 11:29

Ală cau bơtê lơh nền, kòp nă jat be pràn is he, mơ pơyoa phan dong kòl oh mi in tòm Jude.

Broă 24:17

Tơnơ̆ mơ tŭ oă nam ơm ngài bơh Jerusalem, añ rê wơl tềng hơ̆ cèng priă làng bol añ in, mơ ơn phan duh khoai.

Broă 9:36

Tòm ƀòn dờng Jôppe, gơs dô nă cau ùr sơnđan la Tabitha, cih tơlik hơ̆ la Dorkas la cau bơtê; khai lơh oă broă lơbơn niam mơ jak pà gòi cau rƀah lơòi in.

Rôma 12:8

cau lơi bơto tơngkah, gen jơh nùs tĕ bơto tơngkah; cau lơi pà gòi, gen ai tĕ nùs dờng ơnàng nàng pà gòi; cau lơi at bồ gen jơh nùs tĕ nàng lơh broă; cau lơi lơh broă kòñ nđàc, gen ai tĕ nùs chò hòp nàng lơh.

I Kôrintô 13:3

Bulah añ cèng jơh ală phan mơna añ jê nàng ròng siam cau rƀah lơòi, bulah añ phi să jan nàng kong chu, mơ dilah ò gơs bơta kòñ gơboh, gen bơta hơ̆ ò gơs kwơ añ in.

Galati 2:10

Bol khai mìng nting bol hi pal kah di ală cau rƀah lơòi, la bơta añ kung neh jơh nùs lơh.

Ephesô 4:28

Cau òs ntung kơñau bañ ntung kơñau tai, mơya chan kong bòl glar lơh broă, ai tê he lơh broă niam, tồ gơs phan nàng dong cau siơ̆u siar la niam rlau.

I Tesalônika 2:6

Bulah bol hi la cau gơnoar bơto dờng Bơtau Krist dê, gơs gơnoar dan oh mi sền bol hi la dờng màng, mơya kung ò dan bơta gơklŏ bơh di kòn mơnus, hala bơh di oh mi, hala bơh di cau ndai.

I Timôthe 6:18

Bơto kràñ cê bol khai in pal lơh bơta niam, pas gơs tòm broă niam, rcang sir ai gòi mơ chò hòp tòmpà phan he dê cau in ƀà,

Philemôn 1:7

Mơ tai, ơ bi, añ neh geh hòn chò mơ pơndòm pơniang oă ngan bơh nùs kòñ gơboh bi dê, tài bơh kơnòm di bi mơ nùs ală cau sàng goh neh geh rài bòl.

Hebrơ 13:16

Bañ sang lòi bơta lơh niam mơ tòmpà phan he gơs, bơh hơ̆ la kung be phan ơn duh khoai niam nùs Yàng Tom Trồ.

I Pier 4:11

Dilah gơs cau lơi bơto, gen bơto tĕ be bơto yal jơnau Yàng Tom Trồ dê; dilah gơs cau lơi duh broă, gen duh tĕ broă kơnòm di pràn Yàng Tom Trồ ai, nàng Yàng Tom Trồ geh àng sơnđan tòm jơh ală bơta kơnòm di Yàng Jesu Krist. Dan bơta gơklŏ mơ gơnap gơnoar gơrê bal mơ Kơnràñ sùm sùm ò lồi. Amen.

I Samuel 15:30

Gen Sol đơs lah: “Añ neh tìs glài, mơya tŭ do dan sền dờng màng añ di đap ală cau kwang kra làng bol añ jê mơ di đap Israel, mơ rê wơl tĕ mơ añ nàng añ duh khoai Jehôwa Yàng Tom Trồ ồng dê.”