Mathiơ 6:16 - Sră Goh 2018

¹⁶ “Tòm tŭ bol mê ơt sa, bañ lơh bơthĭ moat jrùng be cau ma blac, bơh bol khai lơh ñòp muh ñòp mat nàng cau in git bol khai ơt sa. Di ngan Añ đơs mơ bol mê, bol khai neh geh phan ƀàn bol khai dê rau.

Mathiơ 6:16 Mawu Ofanana

II Samuel 12:16

Dabit hòi dan mơ Yàng Tom Trồ kòn dềt hơ̆ in. Khai ơt sào, mut tòm hìu mơ bic tòm ù mang àng.

II Samuel 12:21

Ală cau dĭ duh broă khai dê lùp khai lah: “Ñchi bơh tài bơtau lơh behơ̆ taih? Tòm tŭ kòn dềt gam kis, bơtau ơt sa mơ ñìm, mơya tŭ do kòn dềt neh chơt rau gen bơtau guh wơl mơ sa!”

I Ală Bơtau 21:27

Tòm tŭ Ahap neh kơno jơnau hơ̆, khai crè ồi ào khai dê; mơ soh ƀào di să mơ ơt sa; yùp mơ ƀào bic tòm tiah mơ ơm pơndêt să.

Nehemi 1:4

Tòm tŭ añ kơno ală jơnau hơ̆ gen añ nggui ñìm mơ moat jrùng bàr pe ngai, ơt sa, mơ hòi dan mơ Yàng Tom Trồ hơđang trồ dê.

Este 4:16

“Lòt pơjum tĕ jơh ală cau Juda ơm tòm Susa, mơ tài bơh añ mơ ơt sa. Bañ sa hala hùc tòm pe ngai mơ pe mang. Añ mơ ală cau ùr duh broă añ kung rơp ơt sa sơl. Tòm tŭ neh lơh behơ̆ rau, añ rơp lòt tus hơ cau bơtau bulah bơta hơ̆ la tìs mơ bơta boh lam. Mơ dilah añ pal chơt gen añ chơt.”

Đơs Crih 109:24

Gơltang añ lơbơn tài bơh añ ơt sa, Să jan añ gơlik rgai.

Đơs Crih 35:13

Ai añ tòm tŭ bol khai kòp jê, añ soh bài sơnò kiat, Ai bơta ơt sa mơ bơklơn să jan añ, Añ kun bồ mơ hòi dan,

Đơs Crih 69:10

Tòm tŭ añ ơt sa nàng bơklơn hwềng soàn añ pơndêt să, Gen bol khai bơtat bơtròh di añ bơh lơh behơ̆.

Daniel 9:3

Behơ̆, añ wèt mat hơ Yàng la Yàng Tom Trồ, jòi jat Kơnràñ bơh bơta hòi dan, rac ròc bal mơ bơta ơt sa, soh ồi ào bài sơnò kiat mơ nggui tòm bùh.

Malaci 3:14

Bol mê neh đơs lah: ‘Duh broă Yàng Tom Trồ la ò kwơ. Ñchi bol he neh dòp geh tòm tŭ prap gàr ală bơta Kơnràñ sồr mơ cơnđòa lòt tòm bơta jê sồt moat jrùng di đap Yàng Jehôwa Gơnap Gơnoar Dờng Làm Jơh taih?

Mathiơ 6:1

“Kơrhia tĕ, tòm tŭ lơh broă niam, bañ lơh di đap cau nàng bol khai in gŏ. Dilah ò behơ̆, gen bol mê ò geh phan ƀàn lơi bơh dê Bèp bol mê ơm hơđang trồ.

Mathiơ 6:2

Behơ̆ tòm tŭ mê pà gòi, bañ uh kơlwòk di đap he, be ală cau ma blac lơh tòm ală hìu jum mơ tòm ală gùng me, nàng geh cau jòng ro. Di ngan Añ đơs mơ bol mê, bol khai neh geh phan ƀàn bol khai dê rau.

Mathiơ 6:5

“Tòm tŭ bol mê hòi dan, bañ lơh be ală cau ma blac, bơh bol khai kòñ ntào hòi dan tòm ală hìu jum mơ di ală mum gùng, nàng cau in gŏ. Di ngan Añ đơs mơ bol mê, bol khai neh geh phan ƀàn bol khai dê rau.

Jơnau Niam Jat Mak 2:18

Mơ tai, cau bơtê Jang dê mơ cau Pharisi ơt sa. Gơs cau lòt tus lùp Yàng Jesu lah: “Ñchi bơh tài cau bơtê Jang dê mơ cau bơtê cau Pharisi dê ơt sa, ai cau bơtê ồng dê ò ơt sa taih?”

Luka 18:12

Añ ơt sa bàr dơ̆ tòm dô poh, añ ơn dô pơnah jơt bơh jơh ală phan añ dòp geh.’

Luka 2:37

mơ do neh ơm bơnrau phàm jơt poan nam rau. Mò ò gơs tŭ lơi lik bơh di hìu duh khoai, ngai mơ mang kư̆ duh broă Yàng, ơt sào mơ hòi dan.

Broă 10:30

Kornai ho lah: “Neh poan ngai do rau, kung di di jơ pe, añ ơm hòi dan, nisơna gơs cau soh ào gơcrà àng lơr, ntào di đap añ,

Broă 14:23

Tơnơ̆ mơ tŭ neh bơtào gơnoar broă ală cau kwang kra tòm kòp nơm Hìu Jum Goh, bàr nă cau gơnoar bơto dờng hòi dan, ơt sa rau, mơ jào ală cau hơ̆ Yàng in la Bơtau bol khai dòn kơnòm.

I Kôrintô 7:5

Bañ ò ròm bal, mìng dilah tòm bàr nă gơs bơta tòmbơyai bal, nàng lòi tŭ hòi dan mơ Yàng dô êt jŏ; gen rê wơl bal, rngòt cà Satan bơh bơta hơ̆ mơ ơniai oh mi mòn.

II Kôrintô 11:27

kong bòl kong glar, oă dơ̆ drơng mang, kong jơgloh tơhìr, oă dơ̆ ơt sào, kong noat mrềt mơ ơm kuh lòi rồ.

II Kôrintô 6:5

pù ơlih, ơm jàm, sơlồng sơlàng, kong bòl glar lơh broă, ò geh bic, kong jơgloh;