Mathiơ 6:10 - Sră Goh 2018

¹⁰ Lơgar Bèp gơs tus; Nùs kòñ Bèp gơs di, tòm ù be trồ!

Mathiơ 6:10 Mawu Ofanana

Nehemi 9:6

Ơ Yàng, mìng dô nă Kơnràñ la Jehôwa. Kơnràñ neh crơng gơs tap trồ, ală tap trồ jơnhoa rlau jơh, bal mơ ală sơmañ, ù mơ ală phan hơđang gơ, dàlềng mơ jơh ală phan tòm gơ. Kơnràñ prap gàr jơh ală phan. Jơh ală mpồl ling hơđang trồ duh khoai Kơnràñ.

Đơs Crih 2:6

“Bulah behơ̆, Añ neh bơtào Bơtau Añ jê Hơđang Siôn, mơnơm sàng goh Añ jê.”

Đơs Crih 40:8

Ơ Yàng Tom Trồ añ jê, añ chò hòp lơh jat nùs kòñ Kơnràñ dê; Bơta boh lam Yàng dê ơm tòm nùs añ.”

Esai 2:2

Tòm ală ngai rơp tus, mơnơm hìu duh khoai Yàng Jehôwa dê rơp geh bơt bơtào jơnhoa hơđang rlau jơh ală mơnơm; gơ rơp geh tơngguh jòng rlau mơ ală dòr, mơ jơh ală làng bol rơp lòt kung be dà hòr tus tềng hơ̆,

Jeremi 23:5

Yàng Jehôwa đơs: “Ală ngai rơp tus nền cê, Tŭ hơ̆ Añ rơp bơtào Dabit in dô Ntê Song Ring. Kơnràñ rơp lơh gơs bơtau ai bơta jak chài at bồ, Lơh bơta song ngan mơ song ring hơđang ù.

Daniel 2:44

Tòm rài ală cau bơtau do, Yàng Tom Trồ ơm hơđang trồ rơp bơtào tơngguh dô nơm lơgar ò gơs tŭ lơi kòl tơnroh hala kong alah. Lơgar hơ̆ rơp jan bơcah mơ tơnroh jơh ală lơgar jơl lồi dut, mơ lơgar hơ̆ rơp bơtào kơ̆ gam sùm sùm.

Daniel 4:35

Jơh ală làng bol tòm ù kòl sền be ò gơs bơta lơi. Kơnràñ lơh jat nùs kòñ Kơnràñ dê digùl ală gơnoar hơđang trồ, mơ digùl ală làng bol tòm ù; Ò gơs cau lơi rgơi kơryan tê Kơnràñ Hala lùp Kơnràñ lah: “Ñchi bơh tài Kơnràñ neh lơh behơ̆ taih?”

Daniel 7:13

Tòm bơta gơtơnggŏ tòm trồ mang, Añ kung gŏ dô Bơtau gơs rùp să be Kòn mơnus tus digùl ală puk mhwal hơđang trồ. Kơnràñ guh tus hơ Bơtau Yau Òr, mơ geh tơlik mat di đap Bơtau hơ̆.

Daniel 7:27

Gen gơnoar bơtau, gơnoar at bồ, mơ bơta dờng ryŭ ală lơgar dê ơm hơđơm jơh trồ do rơp geh ai ală cau sàng goh la làng bol Bơtau Hơđang Rlau Jơh dê. Lơgar bol khai dê rơp la lơgar gam sùm sùm, mơ jơh ală cau at bồ rơp duh broă mơ dòn bơr bol khai.’

Sacari 9:9

Ơ kòn ùr Siôn, hòn chò hừh hơh tĕ! Ơ kòn ùr Jerusalem, driau dờng tĕ! Ne, Bơtau ai dê tus mơ ai, Kơnràñ la Bơtau pha lin mơ ai bơta pha lin rlau, pơndêt să mơ hào hơđang dô nơm alàng, dô nơm alàng kòn, kòn alàng me dê.

Mathiơ 12:50

Bơh cau lơi lơh jat nùs kòñ Bèp Añ jê ơm hơđang trồ, gen cau hơ̆ la oh mi, ruh lŏ mơ mè Añ jê.”

Mathiơ 16:28

Di ngan Añ đơs mơ bol mê, tòm ală cau ntào tềng do, gơs cau rơp ò chơt lài mơ tŭ gŏ Kòn Mơnus tus tòm lơgar Khai dê.”

Mathiơ 26:42

Kơnràñ lòt dơ̆ bàr tai mơ hòi dan lah: “Ơ Bèp, dilah mơngàn do ò rgơi klàs bơh di Kòn, mơ Kòn pal hùc, gen dan nùs kòñ Bèp gơs di.”

Mathiơ 3:2

“Gơjrañ sang glài tĕ, bơh lơgar đang trồ neh tus rềp.”

Mathiơ 4:17

Bơh tŭ hơ̆, Yàng Jesu sơntòm bơto yal lah: “Bol mê gơjrañ sang glài tĕ, bơh lơgar đang trồ neh tus rềp.”

Mathiơ 7:21

“Ò di kòp nă cau đơs mơ Añ lah: ‘Khoai Yàng, khoai Yàng,’ gen geh mut tòm lơgar đang trồ ò, mơya mìng cau lơi lơh jat nùs kòñ Bèp Añ jê ơm hơđang trồ.

Jơnau Niam Jat Mak 11:10

Lơngai lơgar rơp tus, la lơgar Bơtau Dabit, ồng pàng bol he dê! Hôsana jòng ro Yàng Tom Trồ!”

Jơnau Niam Jat Mak 3:35

Bơh cau lơi lơh jat nùs kòñ Yàng Tom Trồ dê, cau hơ̆ la oh mi, ruh lŏ mơ mè Añ jê.”

Luka 19:11

Tòm tŭ bol khai kơno ală jơnau hơ̆, gen Yàng Jesu đơs bơtơl dô jơnau pơnyơu tai, tài bơh Kơnràñ mòr tus rềp hơ Jerusalem, mơ bol khai tồnlah lơgar Yàng Tom Trồ rơp tơlik gơs mo.

Luka 19:38

mơ đơs lah: “Lơngai Bơtau ai sơnđan Yàng mơ tus! Ring lơngai hơđang trồ mơ gơklŏ Yàng Tom Trồ in!”

Luka 22:42

“Ơ Bèp, dilah Bèp kòñ, dan tă mơngàn do bơh di Añ! Bulah behơ̆, ò di jat nùs kòñ Añ, mơya jat nùs kòñ Bèp dê.” [

Jang 4:34

Yàng Jesu đơs lah: “Phan sa Añ jê hơ̆ la lơh jat nùs kòñ Bơtau neh sồr Añ lòt tus, mơ lơh sir broă Kơnràñ dê.

Jang 6:40

Do la nùs kòñ Bèp Añ jê: Hơ̆ la kòp nă cau lơi sền đal Kòn mơ dòn Kơnràñ gen geh bơta kis gam sùm sùm, mơ Añ rơp lơh cau hơ̆ in kis wơl tòm ngai lồi dut.”

Jang 7:17

Dilah cau lơi kòñ lơh jat nùs kòñ Kơnràñ dê, gen rơp git gùng jơnau song hơ̆ la bơh Yàng Tom Trồ hala bơh Añ đơs is Añ jê.

Broă 13:22

Lồc behơ̆ Kơnràñ sang bơtau hơ̆, bơtào Dabit lơh gơs bơtau mơ đơs bơh khai lah: ‘Añ neh jòi bàn Dabit kòn Jese dê, la cau di nùs Añ; khai rơp lơh jat nùs kòñ Añ jê tòm jơh ală bơta.’

Broă 21:14

Tòm tŭ gŏ khai ò bài iat jơnau bơto pơndòm hơ̆, gen bol hi ơm mơ đơs lah: “Dan nùs kòñ Yàng gơs di!”

Broă 22:14

Khai đơs mơ añ lah: ‘Yàng Tom Trồ ồng pàng bol he dê neh sac rwah bi in git nùs kòñ Kơnràñ dê, gŏ dĭ gơna Song Ring Kơnràñ dê, mơ kơno jơnau đơs bơh di bơr Kơnràñ.

Rôma 12:2

Bañ đòm jat rài do, mơya lòi tĕ Yàng Tom Trồ pơrgơl pa nùs kơlôi oh mi dê, gen oh mi rgơi git nùs kòñ Yàng Tom Trồ dê, niam nùs mơ wil tơl Yàng Tom Trồ dê la mbe lơi.

Ephesô 6:6

ò di jat bơta duh broă tòm mat, be cau jòi bơta lơh niam nùs cau, mơya be cau dĭ gơna Bơtau Krist dê, jơh nùs lơh jat nùs kòñ Yàng Tom Trồ dê.

Kôlôse 1:13

Kơnràñ neh dong tă bol he lik klàs bơh gơnoar bơta klam jơngo dê, mơ cèng bol he hơ lơgar Kòn kòñ gơboh Kơnràñ dê.

Kôlôse 1:9

Tài bơh hơ̆, bơh ngai bol hi kơno jơnau hơ̆, gen kung bơh oh mi mơ hòi dan ò dơh, dan oh mi in geh bềng lìu bơta git wă nùs kòñ Yàng Tom Trồ dê tòm jơh ală bơta jak chài mơ bơta git loh đah hwềng,

I Tesalônika 4:3

Bơh nùs kòñ Yàng Tom Trồ dê, hơ̆ la oh mi gơlik gơs sàng goh, bañ tìs glài rềs àr bơrnàn.

I Tesalônika 5:18

Bulah tòm broă lơi kung pal ưnngài Yàng Tom Trồ, bơh nùs kòñ Yàng Tom Trồ dê tòm Yàng Krist Jesu gơwèt mơ oh mi la behơ̆.

Hebrơ 1:14

Jơh ală cau gơnrơh hơ̆ ò di la ală hwềng òs duh broă, kong sồr lòt nàng dong broă ală cau rơp pơrdòn bơta dong klàs ò ơ?

Hebrơ 10:36

Bơh oh mi pal kong jai, nàng tus di tŭ neh lơh wil tơl nùs kòñ Yàng Tom Trồ dê rau, gen rơp dòp geh bơta neh ho pơgon.

Hebrơ 10:7

Gen Añ đơs lah: ‘Ơ Yàng Tom Trồ, do Añ lòt tus Nàng lơh jat nùs kòñ Yàng dê. Tòm dap sră neh cih bơh Añ.’”

Hebrơ 13:21

lơh oh mi in wil tơl tòm jơh ală broă niam nàng lơh jat nùs kòñ Kơnràñ dê, mơ kơnòm di Yàng Jesu Krist mơ lơh gơs bơta niam nùs Kơnràñ tòm oh mi. Dan bơta gơklŏ gơrê hơ Kơnràñ jơl tus sùm sùm ò lồi! Amen.

I Pier 2:15

Bơh nùs kòñ Yàng Tom Trồ dê la oh mi lơh broă niam nàng tơmềm bơr bơrngơl ală cau tùl gơla dê.

I Pier 4:2

nàng tòm ală ngai gam kis tòm poac să gen ò jat tai ală bơta hàm kòñ is kòn mơnus dê, mơya jat nùs kòñ Yàng Tom Trồ dê.

Yal Tơlik 11:15

Cau gơnrơh dơ̆ poh uh kơlwòk, gen gơs ală jơnau dờng hơđang trồ đơs lah: “Lơgar bơtau dunnia dê neh gơlik lơgar Yàng bol he dê mơ Bơtau Krist Kơnràñ dê, Kơnràñ rơp at bồ jơl sùm sùm.”

Yal Tơlik 12:10

Gen añ kơno hơđang trồ gơs jơnau dờng đơs lah: “Tŭ do bơta dong klàs, gơnap gơnoar, lơgar Yàng Tom Trồ bol he dê, mơ gơnoar Bơtau Krist Kơnràñ dê neh tus, bơh cau yă wơn oh mi bol he dê neh kong sơrbì rau, hơ̆ la cau ngai mơ mang yă wơn bol khai di đap Yàng Tom Trồ bol he dê.

Yal Tơlik 19:6

Chòp añ kơno jơnau gơlơh be jơnau dô mpồl bol oă, be jơnau oă dà hòr, mơ be jơnau ntơr kơnàs dờng, đơs lah: “Haleluya! Bơh Yàng la Yàng Tom Trồ bol he dê, la Bơtau Gơnoar Dờng Làm jơh, gơs gơnoar at bồ.

Yal Tơlik 20:4

Gen añ gŏ ală sơbàn, mơ ală cau nggui tềng hơ̆ la cau neh geh gơnoar cahrña. Añ kung gŏ hwềng soàn ală cau neh kong koh bồ tài bơh jơnau lơh cơng bơh Yàng Jesu, mơ tài bơh jơnau Yàng Tom Trồ dê, hơ̆ la ală cau ò duh khoai phan poan jơng mơ rùp gơ, mơ ò dòp tềl gơ di bìng liang mơ di mpàng tê he. Bol khai geh kis wơl mơ at bồ bal mơ Bơtau Krist tòm dô rbô nam.