Mathiơ 6:1 - Sră Goh 2018

¹ “Kơrhia tĕ, tòm tŭ lơh broă niam, bañ lơh di đap cau nàng bol khai in gŏ. Dilah ò behơ̆, gen bol mê ò geh phan ƀàn lơi bơh dê Bèp bol mê ơm hơđang trồ.

Mathiơ 6:1 Mawu Ofanana

II Ală Bơtau 10:16

mơ đơs lah: “Tus tĕ mơ añ, sền nùs ngac ngar añ jê bơh Yàng Jehôwa.” Behơ̆, Jehu mơ khai hào hơđang rơndeh.

II Ală Bơtau 10:31

Mơya Jehu ò jơh nùs lơh jat bơta boh lam Jehôwa Yàng Tom Trồ Israel dê; khai ò sang lòi tồi glài Jerôbôam dê, hơ̆ la glài neh lơh cau Israel in tìs glài.

Đơs Crih 112:9

Khai tòmpà dờng ơnàng, ai gòi cau rƀah lơòi in; Bơta song ring bol khai dê gam sùm sùm; Gơnoar pràn khai dê rơp geh yò tơngguh dô bă màng ryŭ.

Ejekiel 33:31

Bol khai tus mơ mê jat be bol khai òs tus; bol khai nggui di đap mê mơ iat ală jơnau mê dê, mơya bol khai ò bài lơh jat ală jơnau hơ̆. Bơr bol khai yal tơlik bơta dòn duh, mơ nùs bol khai ya hàm hà cồng nha ò song ring.

Daniel 4:27

Behơ̆ tàng, Ơ bơtau, dan iat jơnau añ bơto tơngkah: Dan bơtau lơh jat tĕ bơta song ring nàng tơwài ală bơta tồi glài bơtau dê, nđàc sơngit tĕ di ală cau kong rồn bơklơn nàng tơwài ală bơta iơh bơsak bơtau dê. Behơ̆ digơlan bơta pas gơs lơngai lơngò bơtau dê gơ rơp gam gơs jŏ jòng rlau.”

Sacari 13:4

Tòm ngai hơ̆, kòp nă cau gơnoar hwơr rơp ƀàssìl bơh bơta gơtơnggŏ đơs hwơr khai dê; khai rơp ò soh ồi ào mơ sơnò be cau gơnoar hwơr nàng pơrlồm cau tai.

Sacari 7:5

“Lùp tĕ jơh làng bol tòm lơgar bal mơ ală cau gơnoar ơn phan duh khoai lah: ‘Tòm tŭ bol mê ơt sa mơ ñìm rac tòm kơnhai pram kơnhai poh neh poh jơt sơnam do rau, ngan sơl la tài bơh Añ mơ bol mê ơt sa hơ̆ sơl ơ?

Mathiơ 16:27

Bơh Kòn Mơnus rơp ai bơta gơklŏ Bèp Khai dê mơ tus bal mơ ală cau gơnrơh. Gen Khai rơp ai phan ƀàn kòp nă cau in jat be broă bol khai neh lơh.

Mathiơ 16:6

Yàng Jesu đơs mơ bol khai lah: “Kơrhia tĕ mơ kơrmap gàr să he bơh kañ cau Pharisi mơ cau Saduse dê.”

Mathiơ 23:13

“Bòl glar bol mê in, cau bơto bơta boh lam mơ cau Pharisi, la cau ma blac! Tài bơh bol mê til mpồng lơgar đang trồ di đap cau; să tòm bol mê ò bài mut mơ cau lơi kòñ mut gen bol mê kung ò ai. [

Mathiơ 23:5

Jơh ală broă bol khai lơh la nàng cau in sền gŏ, bơh bol khai wan gơltau bơta boh lam ơnàng mơ pơnhwài jòng tiang ào,

Mathiơ 25:40

Cau Bơtau rơp ho lah: ‘Di ngan Añ đơs mơ bol mê, tòm tŭ bol mê neh lơh broă hơ̆ mơ dô nă cau dềt rhền rlau jơh tòm ală oh mi Añ, hơ̆ la lơh să tòm Añ in.’

Mathiơ 5:16

Behơ̆, bơta àng bol mê dê pơnđàng tĕ di đap ală cau, nàng bol khai in gŏ ală broă niam bol mê dê, mơ jòng ro Bèp bol mê ơm hơđang trồ.”

Mathiơ 5:46

Dilah bol mê kòñ gơboh di ală cau kòñ gơboh di he, gen gơs phan ƀàn lơi taih? Ală cau dar dia ò di lơh behơ̆ ò ơ?

Mathiơ 5:48

Behơ̆ bol mê gơlik gơs tĕ wil tơl, be Bèp bol mê hơđang trồ la wil tơl.”

Mathiơ 6:16

“Tòm tŭ bol mê ơt sa, bañ lơh bơthĭ moat jrùng be cau ma blac, bơh bol khai lơh ñòp muh ñòp mat nàng cau in git bol khai ơt sa. Di ngan Añ đơs mơ bol mê, bol khai neh geh phan ƀàn bol khai dê rau.

Mathiơ 6:9

Behơ̆ bol mê hòi dan tĕ be do: ‘Khoai Bèp bol hi ơm hơđang trồ; sơnđan Bèp gơs sàng goh;

Jơnau Niam Jat Mak 8:15

Kơnràñ bơto tơngkah bol khai lah: “Kơrhia tĕ, kơrmap gàr să he bơh kañ cau Pharisi mơ kañ Herôt dê.”

Luka 11:35

Behơ̆ kơrmap gàr tĕ, rngòt bơta àng tòm mê gơlik bơta klam jơngo mòn.

Luka 12:1

Tòm tŭ hơ̆ mpồl làng bol pơjum bal oă, rbô rhiang nă cau, tian gơs bol khai jă jơlềt bal mơ gơp, gen sơnròp ngan Yàng Jesu sơntòm đơs mơ ală cau bơtê lah: “Kơrhia tĕ bơh kañ cau Pharisi dê, la bơta ma blac.

Luka 12:15

Gen Kơnràñ đơs mơ bol khai lah: “Kơrhia tĕ, mơ kơrmap gàr tĕ să he bơh jơh ală bơta hàm hà, bơh bơta kis cau dê ò di bơh gơs phan mơna tơngkah tơngkañ ò.”

Luka 16:15

Kơnràñ đơs mơ bol khai lah: “Bol mê kòp is să he la song ring di đap ală cau, mơya Yàng Tom Trồ git nùs bol mê; bơh bơta lơi la ryŭ ryơm digùl kòn mơnus la ngkòr ngkàc di đap Yàng Tom Trồ.

Jang 12:43

bơh bol khai hàm kòñ bơta gơklŏ kòn mơnus dê rlau mơ bơta gơklŏ Yàng Tom Trồ dê.

Jang 5:44

Bol mê dòp bơta gơklŏ bal mơ gơp, ò jòi jat bơta gơklŏ tus bơh Yàng Tom Trồ mìng dùl lơm, gen mbe rgơi bol mê dòn taih?

Broă 3:12

Pier gŏ behơ̆ gen đơs mơ làng bol lah: “Ơ ală cau Israel, ñchi bơh tài ală oh mi ai lơh krơi bơh broă do taih? Ñchi bơh tài ală oh mi sền trol di bol hi, gơlơh be bol hi neh kơnòm di gơnap gơnoar is hala bơta duh rngòt is hi dê nàng lơh cau do in tus lòt taih?

Galati 6:12

Ală cau lơi kòñ ràng tơlik bơta niam poac să dê, gen bơklơn oh mi pal kong siat gơltau, tồ bol khai pleh klàs di bơta kup kơryan bơh chi pơng Bơtau Krist dê.

Yal Wơl 24:13

Ai wơl tĕ ào jrùh khai in tòm tŭ mattơngai mut tồ khai rgơi bic mang tòm ào hơ̆. Gen khai rơp kah bơta nđàc bol mê dê, mơ bơta hơ̆ geh kòp la dô nơm broă song ring di đap mat Jehôwa Yàng Tom Trồ bol mê dê.

Hebrơ 11:26

Khai sền bơta bơtat bơtròh bơh Bơtau Krist la kas rlau mơ phan màng Ejiptơ dê, bơh khai kơp gơn phan ƀàn.

Hebrơ 2:1

Gen tàng, bol he sơlo pal ơn nùs kơlôi nền cê di ală bơta he neh kơno, rngòt bol he kòl pơrdô mòn.

Hebrơ 6:10

Bơh Yàng Tom Trồ ò di la ò song ring mơ hŭi ală broă mơ bơta kòñ gơboh oh mi neh yal tơlik bơh sơnđan Kơnràñ, tòm tŭ neh duh broă ală cau sàng goh in mơ kung gam duh broă tai sơl.

II Jang 1:8

Oh mi pal kơrmap gàr tĕ să he, tồ ò roh tơngai broă bol he dê, mơya rơp dòp geh phan ƀàn wil tơl.