Mathiơ 5:9 - Sră Goh 2018

⁹ Lơngai ală cau lơh gơtòmsòr in, bơh rơp geh sơnđan la kòn Yàng Tom Trồ!

Mathiơ 5:9 Mawu Ofanana

I Yal Yau 12:17

Dabit lik lòt wă rò bol khai, mơ đơs mơ bol khai lah: “Dilah bol mê tus mơ añ be cau bơyô nàng dong kòl añ, gen nùs añ rơp gơlik gơs dô bă bal mơ bol mê. Mơya dilah bol mê tus nàng tòmdră mơ añ be cau sò tơm añ jê, bulah tê añ jê ò lơh bơta tìs; gen dan ồng pàng bol he dê sền gŏ mơ cahrña bol mê.”

Đơs Crih 120:6

Añ neh ơm jŏ ir digùl ală cau gơjrañ kơuềng di bơta ring lơngai.

Đơs Crih 34:12

Ñcau la cau kòñ bơta kis, Mơ gơboh oă ngai nàng dòp bơta lơngai taih?

Mathiơ 5:45

nàng bol mê in lơh gơs kòn Bèp bol mê dê ơm hơđang trồ, bơh Kơnràñ sồr mattơngai lik pơnđàng cau iơh bơsak in mơ cau lơbơn niam in sơl, ai mìu cau song ring in mơ cau ò song ring in sơl.

Mathiơ 5:48

Behơ̆ bol mê gơlik gơs tĕ wil tơl, be Bèp bol mê hơđang trồ la wil tơl.”

Luka 20:36

Bol khai rơp ò chơt tai, bơh bol khai tòm toh be ală cau gơnrơh mơ la kòn Yàng Tom Trồ dê, hơ̆ la kòn bơta kis wơl dê.

Luka 6:35

Mơya kòñ gơboh tĕ di ală cau sò tơm, lơh niam tĕ, ai càn tĕ mơ bañ kơp kòñ tơm wơl, gen phan ƀàn bol mê dê rơp la dờng mơ bol mê rơp lơh gơs kòn Bơtau Hơđang Rlau Jơh dê; bơh Kơnràñ la kơ̆ dơn gơwèt mơ ală cau ò kah bơta nđàc mơ ală cau iơh bơsak.

Broă 7:26

Ngai tơnơ̆, khai lòt tus gŏ bol khai ơm tòmlơh bal, gen khai kòñ dong bol khai gơtòmsòr bal, mơ đơs lah: ‘Ơ ală ồng, ală ồng la oh mi bal; ñchi bơh tài lơh iơh di gơp behơ̆ taih?’

Rôma 12:18

Dilah rgơi lơh, gen jơh tĕ pràn he nàng geh tòmsòr mơ jơh tơl nă cau.

Rôma 8:14

Bơh jơh ală cau lơi gơs Hwềng Yàng Tom Trồ dê tề lam hơ̆ la kòn Yàng Tom Trồ dê.

Rôma 8:16

Să tòm Yàng Hwềng mơ hwềng nùs bol he dê lơh cơng lah bol he la kòn sau Yàng Tom Trồ dê.

Rôma 8:19

Bơh ală phan tòm trồ tiah jơh nùs kơp kòñ mơ gơn kơp bơta ràng tơlik ală kòn sau Yàng Tom Trồ dê.

I Kôrintô 6:6

Mơya oh mi yă wơn cau dòn, mơ cèng di đap cau ò dòn dê.

II Kôrintô 13:11

Tơnơ̆ wơl, ơ oh mi, hòn chò tĕ, gơs wil tơl tĕ; chồl pơndòm tĕ, gơs dô nùs kơlôi bal, gơtòmsòr bal tĕ, gen Yàng Tom Trồ la Bơtau ai bơta kòñ gơboh mơ bơta lơngap lơngai rơp ơm bal mơ oh mi. Ngac yơ!

II Kôrintô 5:20

Behơ̆ bol hi la cau gơnoar ala mat Bơtau Krist dê, kung be Yàng Tom Trồ bơh bol hi mơ bơto tơngkah; bol hi ai sơnđan Bơtau Krist dan oh mi gơtòmsòr wơl tĕ mơ Yàng Tom Trồ.

Galati 5:22

Mơya plai Yàng Hwềng dê hơ̆ la kòñ gơboh, hòn chò, lơngap lơngai, kong ơt, kơ̆ dơn, lơbơn niam, dòn song,

Ephesô 4:1

Behơ̆, añ la cau ơm jàm tài bơh Yàng, rac dan oh mi pal kis dô bă di pal mơ bơta hòi sac mơ Yàng neh hòi sac oh mi.

Philip 4:2

Añ bơto tơngkah Ebôdi mơ Sintikơ pal gơs dô nùs kơlôi bal tòm Yàng.

Kôlôse 3:13

Dilah cau do gơs bơta yoam joh mơ cau ne, gen kong ơt tĕ bal mơ gơp mơ toh glài tĕ bal mơ gơp; be Yàng neh toh glài oh mi be lơi, gen oh mi kung pal toh glài behơ̆ sơl.

Hebrơ 12:14

Ting jat tĕ bơta ring lơngai gơwèt mơ tơl nă cau, bal mơ bơta gơlik gơs sàng goh, bơh dilah ò gơlik gơs sàng goh gen ò gơs cau lơi rơp gŏ Yàng.