Mathiơ 5:8 - Sră Goh 2018

⁸ Lơngai ală cau gơs nùs sàng goh in, bơh rơp gŏ Yàng Tom Trồ!

Mathiơ 5:8 Mawu Ofanana

Sơnròp Gơlik Gơs 32:30

Jakôp sơnđan tiah hơ̆ la Peniel bơh khai đơs lah: “Añ neh gŏ tòm toh mat mơ Yàng Tom Trồ mơ bơta kis añ jê gam geh dong klàs.”

II Samuel 22:27

Gơwèt mơ cau sàng goh, Yàng yal tơlik să tòm Kơnràñ la sàng goh, mơya gơwèt mơ cau gơs nùs rkwet rkwe, Yàng yal tơlik să tòm Kơnràñ la sò tơm.

Đơs Crih 15:2

Hơ̆ la cau lòt jat bơta song ngan, lơh bơta song ring, Mơ đơs jơnau song tòm nùs khai dê.

Đơs Crih 18:26

Gơwèt hơ cau sàng goh, gen Yàng ràng tơlik Kơnràñ la sàng goh; Ai gơwèt hơ cau sòdră, gen Yàng ràng tơlik Kơnràñ la kràñ cê.

Đơs Crih 24:4

Hơ̆ la cau gơs tê ò lơh tìs glài mơ gơs nùs sàng goh, Ò wèt hwềng soàn he hơ bơta ma blac, Kung ò srat să blac pơrlồm.

Đơs Crih 51:10

Ơ Yàng Tom Trồ, dan crơng gơs tòm añ dô nơm nùs sàng goh; Mơ ơn tòm añ dô nơm hwềng nùs pa mơ song ngan.

Đơs Crih 51:6

Do, Yàng kòñ gơs jơnau song tòm dơlam nùs, Gen tàng, dan bơto añ in bơta jak chài tòm tiah ndơp ndơr tòm nùs añ jê.

Đơs Crih 73:1

Ngan Yàng Tom Trồ gơwèt niam mơ cau song ngan, La cau gơs nùs sàng goh.

Jơnau Pơnđik 22:11

Cau lơi mềr gơboh nùs sàng goh, mơ gơs bơr sơndồi lơbơn niam, rơp geh cau bơtau lơh yô.

Broă 15:9

Kơnràñ ò di cah is bol he mơ cau làng bol bơdìh ò, mơya Kơnràñ toh glài bol khai in bơh bơta dòn.

I Kôrintô 13:12

Tŭ do bol he sền ò loh be sền tòm krơh lu li, mơya tòm tŭ hơ̆ mat tòm toh mơ mat; tŭ do añ git ò wil tơl, mơya tòm tŭ hơ̆ añ rơp git jơh kung be Yàng neh git loh bơh añ.

II Kôrintô 7:1

Ơ oh mi kòñ gơboh, bơh bol he neh gơs jơnau ho pơgon behơ̆, gen lơh goh tĕ jơh ală bơta ƀơ̆ ƀơl đah poac să mơ đah hwềng, ai bơta duh rngòt di Yàng Tom Trồ nàng lơh wil tơl bơta sàng goh.

Sră Pơyoa Pol Dê Pơyoa Tit In 1:15

Jơh ală bơta la sàng goh gơwèt mơ ală cau sàng goh, mơya ò gơs bơta lơi la sàng goh gơwèt mơ ală cau ƀơ̆ ƀơl mơ cau ò dòn; gơpơrlơ̆ wơl, nùs kơlôi mơ nùs tồr bol khai dê la ƀơ̆ ƀơl lơm.

Hebrơ 10:22

mơ bơh neh gơs nùs geh rào goh bơh nùs tồr iơh, să jan geh rào goh mơ dà sàng, gen tàng bol he pal ai nùs song bal mơ bơta dòn kơ̆ nền wil tơl mơ lòt tus rềp hơ Yàng Tom Trồ.

Hebrơ 12:14

Ting jat tĕ bơta ring lơngai gơwèt mơ tơl nă cau, bal mơ bơta gơlik gơs sàng goh, bơh dilah ò gơlik gơs sàng goh gen ò gơs cau lơi rơp gŏ Yàng.

Hebrơ 9:14

tơ ài lah mhàm Bơtau Krist dê, la Bơtau kơnòm di Yàng Hwềng Goh gam sùm sùm mơ ơn să tòm Kơnràñ ò sồt rmàñ Yàng Tom Trồ in, gen rơp rào goh nùs tồr oh mi dê lin rlau tai klàs bơh ală broă chơt nàng duh broă Yàng Tom Trồ gam kis sùm.

Jakơ 3:17

Mơya bơta jak chài bơh đang jòng gen lài ngan la sàng goh, tơnơ̆ tai la lơbơn niam, gơtòmsòr bal, ơt ơl, bềng lìu nùs kòñ nđàc mơ plai niam. Ò sền òsơp cau lơi hala ma blac.

Jakơ 4:8

Tus tĕ rềp mơ Yàng Tom Trồ gen Kơnràñ rơp tus rềp mơ oh mi. Ơ ală cau glài, rào tĕ tê he; ơ ală cau gơs bàr đah nùs, lơh tĕ sàng goh nùs he.

I Pier 1:22

Oh mi neh dòn jat jơnau song mơ lơh sàng goh hwềng nùs he dê, tồ kòñ gơboh di oh mi he dô bă song ngan, gen kòñ gơboh tĕ bal mơ gơp dô bă jơh nùs đềt mềr.

Yal Tơlik 22:4

Bol khai rơp gŏ mat Kơnràñ, mơ di bìng liang bol khai dê gơs sơnđan Kơnràñ dê.