Mathiơ 5:7 - Sră Goh 2018

⁷ Lơngai ală cau gơs nùs kòñ nđàc in, bơh rơp geh kòñ nđàc!

Mathiơ 5:7 Mawu Ofanana

II Samuel 17:28

cèng bềl bic ồi tơ̆, mơngàn jơrlŭ mơ ală gri mơ ù. Bol khai kung cèng kòi mi, kòi tràng, kơmbuh phe mi, gar ceh, khoah, khoah prum,

II Samuel 22:26

Gơwèt mơ cau dòn song, Yàng yal tơlik să tòm Kơnràñ la dòn song, gơwèt mơ cau wil tơl, Yàng yal tơlik să tòm Kơnràñ la wil tơl.

Đơs Crih 112:4

Bol khai pơnđàng tòm bơta jơngo be dô bơta àng cau song ngan in; Yàng Jehôwa ai bơta nđàc, gơs nùs nđàc sơngit mơ song ring.

Đơs Crih 112:9

Khai tòmpà dờng ơnàng, ai gòi cau rƀah lơòi in; Bơta song ring bol khai dê gam sùm sùm; Gơnoar pràn khai dê rơp geh yò tơngguh dô bă màng ryŭ.

Đơs Crih 18:25

Gơwèt hơ cau dòn song, gen Yàng ràng tơlik Kơnràñ la dòn song; Gơwèt hơ cau wil tơl, gen Yàng ràng tơlik Kơnràñ la wil tơl.

Đơs Crih 37:26

Tŭ lơi khai kung gơs nùs sơrmah sơrmài mơ ai càn, Kòn sau khai dê gơlik gơs cat lơngai cau in.

Jơnau Pơnđik 11:17

Cau lơbơn niam geh kwơ hwềng soàn he in; Ai cau rhung rhang lơh iơh să tòm he in.

Jơnau Pơnđik 11:25

Cau gơs nùs dờng ơnàng rơp geh hòm lai; Ai cau chò nùs pà gòi rơp geh pà gòi.

Jơnau Pơnđik 14:21

Cau lơi sền òsơp cau gơp ƀòn he, la ală cau tìs glài; Lơngai cau lơi in nđàc sơngit cau dồn sa rƀah.

Jơnau Pơnđik 19:17

Cau lơi nđàc sơngit cau rƀah, hơ̆ la ai Yàng Jehôwa in càn jồm; Kơnràñ rơp tơm wơl broă bơta nđàc hơ̆ khai in.

Esai 57:1

Cau song ring chơt roh, ò gơs cau lơi ơn nùs kơlôi tus; Cau dòn duh kong tă tơlik, ò gơs cau lơi git wă lah cau song ring kong tă tơlik klàs bơh di bơta rung rài;

Daniel 4:27

Behơ̆ tàng, Ơ bơtau, dan iat jơnau añ bơto tơngkah: Dan bơtau lơh jat tĕ bơta song ring nàng tơwài ală bơta tồi glài bơtau dê, nđàc sơngit tĕ di ală cau kong rồn bơklơn nàng tơwài ală bơta iơh bơsak bơtau dê. Behơ̆ digơlan bơta pas gơs lơngai lơngò bơtau dê gơ rơp gam gơs jŏ jòng rlau.”

Sră Ôse 1:6

Gômer bun tai mơ deh dô nă kòn ùr. Yàng Jehôwa đơs mơ Ôse lah: “Tơmoh tĕ sơnđan khai la Lôruhamah, tài bơh Añ rơp ò yal tơlik bơta kòñ gơboh dê làng bol Israel tai, mơ kung ò tai toh glài bol khai in!

Sră Ôse 2:1

“Đơs tĕ mơ oh mi mê la Ammi, mơ lŏ ùr mê la Ruhamah.

Sră Ôse 2:23

Añ rơp tam khai Añ in tòm lơgar; Añ rơp nđàc sơngit di Lôruhama, mơ Añ rơp đơs mơ Lôammi, ‘Mê la làng bol Añ jê;’ mơ khai rơp đơs lah: ‘Kơnràñ la Yàng Tom Trồ añ jê.’”

Mice 6:8

Ơ kòn mơnus, Kơnràñ neh yal mê in bơta lơi la niam; Bơta mơ Yàng Jehôwa jòi lùp mê. Hơ̆ ò di la lơh bơta song ring, gơboh bơta lơbơn niam, mơ cơnđoà lòt dô bă pơndêt să mơ Yàng Tom Trồ ò ơ?

Jơnau Niam Jat Mak 11:25

Tòm tŭ bol mê ntào hòi dan, dilah gơs bơta lơi gơtòmkal mơ cau lơi, gen toh glài tĕ nàng Bèp bol mê ơm hơđang trồ kung rơp toh glài bol mê in sơl.” [

Luka 6:35

Mơya kòñ gơboh tĕ di ală cau sò tơm, lơh niam tĕ, ai càn tĕ mơ bañ kơp kòñ tơm wơl, gen phan ƀàn bol mê dê rơp la dờng mơ bol mê rơp lơh gơs kòn Bơtau Hơđang Rlau Jơh dê; bơh Kơnràñ la kơ̆ dơn gơwèt mơ ală cau ò kah bơta nđàc mơ ală cau iơh bơsak.

Rôma 11:30

Be oh mi la làng bol bơdìh, lài òr oh mi neh ò dòn bơr Yàng Tom Trồ, mơya tŭ do oh mi geh kòñ nđàc tài bơh bơta ò dòn bơr cau Juda dê,

I Kôrintô 7:25

Bơh đah cau gam ơruh añ ò gơs jơnau sồr bơh Yàng; mơya añ yal tơlik bơta kơlôi añ jê, be dô nă cau neh geh Yàng kòñ nđàc, nàng lơh gơs cau di pal dòn kơnòm.

II Kôrintô 4:1

Behơ̆, bơh bơta nđàc sơngit Yàng Tom Trồ dê neh ai bol he geh gơnoar broă do, gen tàng bol hi ò gơplơ̆ nùs;

Ephesô 4:32

Ai tĕ bơta kơ̆ dơn, nùs nđàc sơngit ơm gơròm bal, toh glài bal, kung be Yàng Tom Trồ neh toh glài oh mi tòm Bơtau Krist behơ̆ sơl.

Kôlôse 3:12

Behơ̆ oh mi la cau sac rwah Yàng Tom Trồ dê, cau sàng goh mơ đềt mềr Kơnràñ dê, gen soh tĕ nùs nđàc sơngit, kơ̆ dơn, pơndêt să, niam lơnhơn, kong ơt.

I Timôthe 1:13

bulah lài òr añ la cau tràl sơrbil, kup kơryan, jàñ bơsak, mơya añ neh geh Yàng kòñ nđàc, tài bơh añ neh lơh ală bơta hơ̆ tòm tŭ añ gam bơrngơl gơla òhềt dòn.

I Timôthe 1:16

Mơya añ neh geh Yàng kòñ nđàc, tồ Yàng Krist Jesu in yal tơlik bơta kong ơt wil tơl Kơnràñ dê tòm añ la cau glài kơnjơ̆ rlau jơh, nàng lơh krơh ală cau in rơp dòn Kơnràñ tồ geh bơta kis gam sùm sùm.

Hebrơ 4:16

Behơ̆ bol he kơ̆ tĕ nùs tus rềp di sơbàn Bơtau ai bơta nđàc dê, nàng dòp geh bơta nđàc sơngit mơ jòi geh bơta kòñ nđàc nàng dong kòl bol he tòm tŭ pal càng.

Hebrơ 6:10

Bơh Yàng Tom Trồ ò di la ò song ring mơ hŭi ală broă mơ bơta kòñ gơboh oh mi neh yal tơlik bơh sơnđan Kơnràñ, tòm tŭ neh duh broă ală cau sàng goh in mơ kung gam duh broă tai sơl.

Jakơ 2:13

Bơh bơta cahrña ò kòñ nđàc di cau ò gơs bơta kòñ nđàc, mơya bơta kòñ nđàc pha rlau mơ bơta cahrña.

Jakơ 3:17

Mơya bơta jak chài bơh đang jòng gen lài ngan la sàng goh, tơnơ̆ tai la lơbơn niam, gơtòmsòr bal, ơt ơl, bềng lìu nùs kòñ nđàc mơ plai niam. Ò sền òsơp cau lơi hala ma blac.

I Pier 2:10

Bơh yau òr oh mi ò di la dô nơm làng bol, mơya tŭ do la làng bol Yàng Tom Trồ dê, lài ò geh kòñ nđàc, mơya tŭ do neh geh kòñ nđàc rau.