Mathiơ 5:6 - Sră Goh 2018

⁶ Lơngai ală cau in jơgloh tơhìr bơh bơta song ring, bơh rơp geh hòm!

Mathiơ 5:6 Mawu Ofanana

Đơs Crih 107:9

Bơh Kơnràñ lơh cau tơhìr in geh hừh hơh, Lơh cau jơgloh in geh bềng lìu phan bơkah.

Đơs Crih 145:19

Kơnràñ lơh hừh nùs jơh ală cau duh rngòt di Kơnràñ, Kung iat jơnau hòi dan bol khai dê mơ dong klàs bol khai.

Đơs Crih 17:15

Ai añ, añ rơp sền gŏ mat Kơnràñ dê tòm bơta song ring. Tòm tŭ añ kah rngal, añ rơp hừh nùs mơ sền gŏ rùp să Yàng dê.

Đơs Crih 63:5

Hwềng soàn añ geh hòm lai gơlơh be neh sa khu mơ dơngi; Bơr sơndồi añ jòng ro Kơnràñ dô bă chò hòp,

Đơs Crih 65:4

Lơngai cau lơi in geh Kơnràñ sac rwah mơ cèng tus rềp, Nàng ơm tòm tiah ơm Kơnràñ dê. Bol hi rơp geh hừh hơh bơh ală bơta niam tòm hìu Kơnràñ dê, la Hìu Duh Khoai Sàng Goh Kơnràñ dê.

Đơs Crih 84:2

Hwềng soàn añ kơp kòñ tian gơs bòl glar ngan bơh tiah ơm Yàng Jehôwa dê; Nùs mơ poac să añ chò hòp đơs chò jòng ro Yàng Tom Trồ gam kis sùm.

Jơnau Pơnđik 10:24

Bơta lơi cau iơh bơsak rngòt rngơt, ngan rơp tus hơđang bol khai; Mơya cau song ring rơp geh be nùs he kơp kòñ.

Jơnau Pơnđik 21:21

Cau lơi jòi jat bơta song ring mơ bơta kơ̆ dơn, rơp jòi bàn bơta kis, bơta song ring, mơ bơta dờng màng.

Đơs Chò 5:1

Ơ oh ùr añ, bau ùr pa añ jê, añ neh mut tòm suơn añ rau! Añ neh pic tơrgòm cài trŭ mơ chi ƀô bơlhu añ jê, Añ sa sìng lơwe mơ dà lơwe añ jê, añ ñô tơrnòm mơ dà toh añ jê. Ơ ală cau bơyô, sa tĕ; ơ ală cau bơyô đềt mềr, ñô bơñul tĕ bơta kòñ gơboh!

Esai 25:6

Hơđang mơnơm do, Yàng Jehôwa Gơnap Gơnoar Dờng rơp rcang yò ală làng bol in dô bơta ñô sa dờng gơs oă phan sa bơkah, dô bơta ñô sa dờng gơs tơrnòm yau, gơs phan dơngi gơs khu mơ tơrnòm bơkah rlau jơh.

Esai 41:17

Ală cau rƀah lơòi mơ cau siơ̆u siar jòi dà mơya ò gơs; lơmpiat bol khai dê ro rañ tài bơh tơhìr. Mơya Yàng Jehôwa rơp ho wơl bol khai; Añ la Yàng Tom Trồ Israel dê, rơp ò sang lòi bol khai.

Esai 44:3

Bơh Añ rơp tuh dà hơđang ù rañ rsơh, ai ală croh dà tòm tiah ro rañ. Añ rơp tuh Hwềng Añ hơđang jơi bơtiàn mê dê, mơ bơta lơngai lơngò hơđang ală kòn sau mê dê.

Esai 65:13

Behơ̆ tàng Yàng Jehôwa la Yàng Tom Trồ đơs be do: “Ală cau duh broă Añ rơp sa, mơya bol mê rơp kong jơgloh; ală cau duh broă Añ rơp hùc, mơya bol mê rơp kong tơhìr; ală cau duh broă Añ rơp hòn chò, mơya bol mê rơp kong ƀàssìl ƀàsso.

Esai 66:11

Bơh bol mê rơp pô toh mơ geh hòm lai, mơ geh pơndòm pơniang bơh dà toh gơ dê; bol mê rơp hùc hòm ngan mơ chò hòp bơh bơta tơngkah tơngkañ gơ dê.

Jeremi 31:25

Añ rơp ai cau bòl glar in geh pràn wơl, Ai cau gơplơ̆ nùs in geh hừh hơh.”

Luka 1:53

Ai cau jơgloh in bềng phan bơkah, Mơ cau pas rê gòi.

Luka 6:21

Lơngai bol mê in ơm jơgloh, Bơh rơp geh hòm! Lơngai bol mê in ơm ñìm, bơh rơp ñŏ!

Luka 6:25

Bòl glar ngan bol mê in la cau hòm, bơh rơp jơgloh! Bòl glar ngan bol mê in la cau ơm ñŏ, bơh rơp moat jrùng mơ ñìm rac!

Jang 4:14

mơya cau lơi hùc dà Añ rơp ai gen ò gơs tŭ lơi tơhìr tai. Dà Añ ai rơp gơlik gơs dô nơm dà cat tòm cau hơ̆, gơđat tus di bơta kis gam sùm sùm.”

Jang 6:27

Bañ lơh broă bơh phan sa roh rui, mơya bơh phan sa gam wơl tus di bơta kis gam sùm sùm, la bơta Kòn Mơnus rơp ai bol mê in, bơh hơ̆ la Bơtau mơ Yàng Tom Trồ la Bèp neh tap ƀang kì cơng tàng.”

Jang 7:37

Ngai lồi dut, la ngai dờng màng tòm ală ngai pơjum sa, Yàng Jesu ntào, hòi dờng lah: “Dilah cau lơi tơhìr, tus tĕ hơ Añ mơ hùc.

Yal Tơlik 7:16

Bol khai rơp ò gam jơgloh, ò gam tơhìr tai; mattơngai hala bơta duh trơàl lơi kung rơp ò lơh iơh di bol khai sơl.