Mathiơ 5:48 - Sră Goh 2018

⁴⁸ Behơ̆ bol mê gơlik gơs tĕ wil tơl, be Bèp bol mê hơđang trồ la wil tơl.”

Mathiơ 5:48 Mawu Ofanana

Sơnròp Gơlik Gơs 17:1

Tòm tŭ Abram neh tơl sin jơt sin nam, gen Yàng Jehôwa tơlik mat mơ khai mơ đơs lah: “Añ la Yàng Tom Trồ Gơnap Gơnoar Làm Jơh, mê lòt tĕ di đap Añ mơ lơh gơs dô nă cau wil tơl.

II Samuel 22:31

Gơwèt mơ Yàng Tom Trồ ală gùng dà Yàng Tom Trồ la wil tơl, jơnau ho Yàng Jehôwa dê la song ngan. Kơnràñ la dô nơm khèl jơh ală cau in kìng crŭ tòm Kơnràñ.

Đơs Crih 37:37

Ai tĕ nùs kơlôi di cau ò gơs tiah geh lah pơrhơng, mơ sền tĕ di cau song ring, Bơh cau ring lơngai geh kòn sau rơ̆sơmpài ràipơjềng.

Lebi 11:44

Añ la Jehôwa Yàng Tom Trồ bol mê dê; ơn is tĕ sàng goh să tòm bol mê dê mơ gơlik gơs tĕ sàng goh, tài bơh Añ la sàng goh. Bañ lơh să tòm bol mê in gơlik gơs ò goh tài bơh dô nơm phan neh geh crơng gơs lơi wìn hơđang ù.

Lebi 19:2

“Yal tĕ jơh mpồl jơnum Israel dê mơ đơs mơ bol khai lah: ‘Sàng goh tĕ tài bơh Añ Jehôwa Yàng Tom Trồ bol mê dê, la sàng goh.

Lebi 20:26

Bol mê pal la sàng goh Añ in, tài bơh Añ, Yàng Jehôwa, la sàng goh, mơ Añ neh cah is bol mê bơh di ală làng bol nàng bol mê gơrê is bal mơ Añ.

Mathiơ 5:16

Behơ̆, bơta àng bol mê dê pơnđàng tĕ di đap ală cau, nàng bol khai in gŏ ală broă niam bol mê dê, mơ jòng ro Bèp bol mê ơm hơđang trồ.”

Mathiơ 5:45

nàng bol mê in lơh gơs kòn Bèp bol mê dê ơm hơđang trồ, bơh Kơnràñ sồr mattơngai lik pơnđàng cau iơh bơsak in mơ cau lơbơn niam in sơl, ai mìu cau song ring in mơ cau ò song ring in sơl.

Mathiơ 5:47

Mơ dilah bol mê mìng lùp còp să oh mi he lơm, gen gơs ñchi krơi mơ cau ndai taih? Ală làng bol bơdìh ò di lơh behơ̆ ò ơ?

Luka 6:36

Kòñ nđàc tĕ be Bèp bol mê òs kòñ nđàc.

Luka 6:40

Cau bơtê ò lin rlau mơ cau bơto, mơya dilah cau bơtê geh bơto wil tơl gen rơp be cau bơto.

II Kôrintô 13:11

Tơnơ̆ wơl, ơ oh mi, hòn chò tĕ, gơs wil tơl tĕ; chồl pơndòm tĕ, gơs dô nùs kơlôi bal, gơtòmsòr bal tĕ, gen Yàng Tom Trồ la Bơtau ai bơta kòñ gơboh mơ bơta lơngap lơngai rơp ơm bal mơ oh mi. Ngac yơ!

II Kôrintô 13:9

Bulah bol hi lơbơn lơño mơ oh mi geh pràn kơldang, gen bol hi kung hòn chò; ai bơta bol hi hòi dan do hơ̆ la tồ oh mi in geh wil tơl.

II Kôrintô 7:1

Ơ oh mi kòñ gơboh, bơh bol he neh gơs jơnau ho pơgon behơ̆, gen lơh goh tĕ jơh ală bơta ƀơ̆ ƀơl đah poac să mơ đah hwềng, ai bơta duh rngòt di Yàng Tom Trồ nàng lơh wil tơl bơta sàng goh.

Ephesô 3:1

Tài bơh hơ̆, añ la Pol, lơh gơs cau ơm jàm Yàng Jesu Krist dê tài bơh oh mi la cau làng bol bơdìh,

Yal Wơl 18:13

Bol mê pal ò gơs tiah geh lah pơrhơng di đap Jehôwa Yàng Tom Trồ bol mê dê.

Yal Wơl 27:10

Gen tàng dòn bơr tĕ Jehôwa Yàng Tom Trồ bol mê dê mơ lơh jat ală jơnau sồr mơ ală bơta lơh nền Kơnràñ dê mơ añ ai bol mê in tòm ngai do.”

Kôlôse 1:28

Bol he bơto yal bơh Kơnràñ mơ ai jơh ală bơta jak chài bơto tơngkah kòp nă cau, bơto sồr kòp nă cau nàng tơlik mat bol khai dô bă wil tơl tòm Bơtau Krist.

Kôlôse 4:12

Epapras cau gơp ƀòn oh mi dê, dĭ gơna Yàng Krist Jesu dê, còp să oh mi; khai bơh oh mi mơ òs tòmlơh tòm bơta hòi dan, nàng oh mi gơs bơta dòn kơ̆ nền mơ dòn bơr wil tơl jat nùs kòñ Yàng Tom Trồ dê.

Jakơ 1:4

Mơ bơta kơ̆ nùs pal gơlik cồng nha wil tơl tồ oh mi in geh dờng wil tơl, ò siơ̆u dô bơta lơi.

I Jang 3:3

Cau lơi gơs bơta gơn kơnòm hơ̆ tòm Kơnràñ, gen kơrmap gàr să he sàng goh, kung be Kơnràñ la sàng goh.