Mathiơ 5:44 - Sră Goh 2018

⁴⁴ Mơya Añ đơs mơ bol mê: Kòñ gơboh tĕ di cau sò tơm di bol mê, mơ hòi dan tĕ cau lơi in kup kơryan bol mê,

Mathiơ 5:44 Mawu Ofanana

II Ală Bơtau 6:22

Elise ho lah: “Ò di tơnchơt. Ală cau bơtau ngui đào mơ àtak kup ơm jàm, bơtau kòñ tơnchơt bol khai ơ? Yò tĕ di đap bol khai phan sa mơ dà, nàng bol khai in sa mơ hùc, mơ lòi bol khai rê wơl mơ cau tòm bol khai dê.”

Đơs Crih 7:4

Dilah añ neh sal wơl bơta iơh di cau ơm gơtòmsòr mơ añ, Dilah añ neh nisơna tòmpìt kơñau phan cau sòdră di añ,

Jơnau Pơnđik 19:11

Cau gơs bơta jak chài òbat gơhào gơjrañ; khai bơh pơnro sơnđan mơ sang lòi bơta tìs glài.

Luka 23:34

Yàng Jesu đơs lah: “Ơ Bèp, dan toh glài bol khai in, bơh bol khai ò git bơta bol khai lơh.” Chòp bol khai tă khà nàng tòmpà ồi ào Kơnràñ dê.

Jang 13:34

Añ ai bol mê in dô bơta sồr lam pa, hơ̆ la bol mê kòñ gơboh tĕ bal mơ gơp; Añ neh kòñ gơboh di bol mê be lơi, gen bol mê kung kòñ gơboh tĕ bal mơ gơp behơ̆ sơl.

Broă 16:28

Mơya Pol hòi dờng lah: “Bañ lơh iơh di să tòm behơ̆, jơh ală bol hi gam lơm do.”

Broă 7:60

Gen khai cùn gơltang, hòi dờng lah: “Khoai Yàng, dan bañ tuh glài do hơđang bol khai!” Lồc khai đơs jơnau hơ̆ gen bic tơn.

Rôma 12:14

Ai tĕ bơta lơngai cau in kup kơryan di oh mi; ai tĕ bơta lơngai, bañ srat rma.

I Tesalônika 5:15

Kơrhia tĕ, bañ gơs cau lơi ai bơta iơh bơsak sal wơl bơta iơh bơsak, mơya jòi jat tĕ sùm bơta niam gơwèt bal mơ gơp hala gơwèt mơ tơl nă cau.

I Pier 2:23

Tòm tŭ Kơnràñ kong cau lah sơrpah, gen Kơnràñ ò lah sơrpah wơl; tòm tŭ kong bòl glar jê sồt, gen ò đơs pơhìn, mơya Kơnràñ kư̆ jào phi să tòm Kơnràñ dê Bơtau cahrña dô bă song ring.

I Pier 3:9

Bañ ai bơta iơh sal wơl bơta iơh, kung bañ ai bơta lah sơrpah sal wơl bơta lah sơrpah; mơya gơpơrlơ̆ wơl, pal ai lơngai, bơh bơta hơ̆ mơ oh mi geh hòi sac nàng pơrdòn bơta lơngai lơngò.

I Samuel 24:17

Lồc behơ̆ khai đơs mơ Dabit lah: “Mê la song ring rlau mơ añ; mê neh lơh niam gơwèt mơ añ, mơya añ neh lơh iơh gơwèt mơ mê.