Mathiơ 5:34 - Sră Goh 2018

³⁴ Mơya Añ đơs mơ bol mê: Bañ srat să bơh bơta lơi; bañ sơnio trồ, tài bơh gơ la sơbàn Yàng Tom Trồ dê;

Mathiơ 5:34 Mawu Ofanana

Đơs Crih 11:4

Yàng Jehôwa ơm tòm Hìu Duh Khoai Sàng Goh Kơnràñ dê; sơbàn Yàng Jehôwa dê ơm hơđang trồ; Mat Kơnràñ sền gŏ, gar mat Kơnràñ sền sơwì kòn sau kòn mơnus dê.

Cau Bơto 9:2

Jơh ală bơta gơlik tus rài kis cau in ndròm bal: cau song ring hala cau iơh bơsak, cau lơbơn niam mơ cau iơh, cau goh mơ cau ò goh, cau ơn phan ơn duh khoai hala cau ò ơn, cau niam kung be cau gơs glài, cau srat să kung be cau pleh bơh jơnau srat să.

Esai 57:15

Bơh Bơtau hơđang jòng rlau jơh, la Bơtau ơm tòm tiah gam sùm sùm, Sơnđan Kơnràñ la Bơtau Sàng Goh, đơs be do: “Añ ơm tòm dô bă tiah jơnhoa mơ sàng goh, mơya kung ơm mơ cau gơs nùs jê sồt gơjrañ sang glài mơ pơndêt să, nàng lơh pa wơl hwềng nùs cau pơndêt să, mơ lơh pa wơl nùs cau gơjrañ sang glài.

Esai 66:1

Yàng Jehôwa đơs be do: “Trồ la sơbàn Añ, mơ plai ù la kơrnòl jơng Añ. Bol mê rơp bơt hìu mbe lơi Añ in taih? Mơ tiah ơm rlô bòl Añ jê mbe lơi taih?

Broă 7:49

‘Yàng đơs lah: Trồ la sơbàn Añ, Ù tiah la kơrnòl jơng Añ, Bol mê rơp lơh hìu lơi Añ in taih? Ntềng đah la tiah ơm rlô Añ jê taih?

Jakơ 5:12

Mơya lài ngan, ơ oh mi añ jê, bañ srat să, bañ sơnio trồ, bañ sơnio tiah, kung bañ sơnio phan lơi ndai mơ srat să; mơya di gen đơs di, ò gen đơs ò, tồ klàs di bơta lơh nền glài.