Mathiơ 5:29 - Sră Goh 2018

²⁹ Behơ̆ dilah mat đah ma mê lơh mê in gơtup tìs, gen kơlwĕ tĕ mơ sang gơ; chan dô pơnah să mê kong roh rui la niam rlau mơ jơh să jan mê kong sơrbì tòm brah tìng.

Mathiơ 5:29 Mawu Ofanana

Sră Jop 20:13

Bulah bol khai ò bài sang lòi gơ, mơ prap lòi gơtòm bơr bol khai dê,

Mathiơ 10:28

Bañ rngòt di cau tơnchơt să jan mơ ò rgơi tơnchơt hwềng soàn; mơya chan rngòt tĕ di Bơtau rgơi tơnroh hwềng soàn bal mơ să jan tòm brong ồs.

Mathiơ 11:6

Lơngai cau lơi in ò gơtup tìs tài bơh Añ!”

Mathiơ 16:26

Dilah cau lơi geh jơh dunnia mơ roh hwềng soàn he, gen gơs ñchi kwơ cau hơ̆ in taih? Hala ñchi ai nàng tòmgơl mơ hwềng soàn he taih?

Mathiơ 17:27

Mơya tồ bol he ò lơh kai gơtup tìs bol khai in, gen lòt tĕ đàr ka tòm dàlềng, kup ka lơi mê geh lài. Mê tè bơr gơ gen rơp gŏ dô đong priă, ai tĕ mơ boh dia Añ mơ mê in.”

Mathiơ 19:12

Bơh gơs cau kơndời bơh tòm kơndul mè, gơs cau kơndời bơh cau ndai, mơ gơs cau kơndời la bơh să tòm khai lơh is tài bơh lơgar đang trồ. Cau lơi rgơi dòp jơnau hơ̆ gen dòp tĕ.”

Mathiơ 23:15

Bòl glar bol mê in, cau bơto bơta boh lam mơ cau Pharisi, la cau ma blac! Bơh bol mê lòt làm dàlềng làm ù nàng lam dô nă cau mut tòm gùng duh khoai; dơ̆ khai mut rau, gen bol mê lơh khai in gơlik kòn sau brah tìng bàr dơ̆ rlau mơ bol mê.

Mathiơ 23:33

Ơ jơi bơs, jơi bơtiàn bơs tur ne, mbe bol mê geh klàs di bơta lơh glài brah tìng dê taih?

Mathiơ 5:22

Mơya Añ đơs mơ bol mê: Dilah cau lơi gơjrañ dê oh mi he, gen ò rgơi pleh dê bơta cahrña; cau lơi wàc oh mi he, gen ò rgơi pleh di Mpồl Kwang Tơrña; ai cau lơi lah sơrpah oh mi he, gen ò rgơi pleh di ồs brah tìng.

Mathiơ 5:30

Mơ dilah tê ma mê lơh mê in gơtup tìs, gen koh tĕ mơ sơrbì gơ; chan dô pơnah să mê kong roh rui la niam rlau mơ jơh să jan mê kong sơrbì tòm brah tìng.”

Jơnau Niam Jat Mak 8:36

Dilah cau lơi geh jơh dunnia mơ roh hwềng soàn he, gen gơs ñchi kwơ cau hơ̆ in taih?

Luka 12:5

Mơya Añ sơnio bol mê in git pal rngòt di ñcau: pal rngòt di Bơtau tơnơ̆ mơ tŭ neh tơnchơt să jan rau, kung gơs gơnoar sơrbì tòm brah tìng tai; ngan Añ đơs mơ bol mê, pal rngòt tĕ di Bơtau hơ̆!

Rôma 6:6

Bơh git lah cau yau bol he dê neh kong pơng hơđang chi pơng bal mơ Kơnràñ, tồ să jan tồi glài dê kòl tơnroh, mơ bol he ò gam lơh gơs dĭ gơna tồi glài tai,

Rôma 8:13

Bơh dilah oh mi kis jat poac să gen pal chơt; mơya dilah oh mi kơnòm di Yàng Hwềng tơnchơt ală broă să jan dê gen oh mi rơp geh kis.

I Kôrintô 9:27

Mơya añ bơklơn să jan añ jê mơ sồr gơ pal kong; rngòt tơnơ̆ mơ tŭ añ neh bơto yal ală cau ndai in, gen să tòm añ rơp ò di pal mòn.

Galati 5:24

Mơ tai, ală cau gơrê bal mơ Yàng Jesu Krist neh tơnchơt nùs nhơm poac să dê bal mơ nùs kòñ tìs mơ hàm kòñ is gơ dê hơđang chi pơng rau.

Kôlôse 3:5

Behơ̆ tơnchơt tĕ ală pơnah să jan oh mi dê tòm ù, hơ̆ la rềs àr bơrnàn, ngkòr ngkàc, gơboh kơnhơl lềng làng, hàm kòñ bơta iơh, mơ hàm hà la bơta duh rùp ràk.