Mathiơ 5:24 - Sră Goh 2018

²⁴ gen lòi tĕ phan ơn di đap cơnòng duh khoai, mơ rê wơl lơh gơtòmsòr mơ oh mi he lài, gen sồng tus ơn phan mê dê.

Mathiơ 5:24 Mawu Ofanana

Sră Jop 42:8

Gen tàng, tŭ do kup tĕ poh nơm kơnrồ dam mơ poh nơm belàt dam mơ lòt tus hơ Jop la cau duh broă Añ jê, mơ ơn tĕ phan ơn chu pơrguc să tòm mê in; mơ cau duh broă Añ jê la Jop rơp hòi dan bol mê in; mơ Añ rơp dòp jơnau hòi dan khai dê, mơ ò lơh bol mê in jat be bơta bơrngơl gơla bol mê dê, bơh bol mê ò đơs bơh Añ dô bă di pal kung be cau duh broă Añ jê la Jop neh đơs.”

Jơnau Pơnđik 25:9

Tòm yal tĕ tơnggume broă kòn mơ cau ơm rềp mơ kòn, mơya bañ yal tơlik bơta ndơp ndơr cau ndai dê;

Mathiơ 23:23

Bòl glar bol mê in, cau bơto bơta boh lam mơ cau Pharisi, la cau ma blac! Bơh bol mê ơn pơnah jơt tòm biap trau, biap ƀô mơ biap krồng, mơ sang lòi bơta dờng màng rlau tòm bơta boh lam, la bơta song ring bơta kòñ nđàc, mơ bơta dòn. Ală bơta do bol mê pal lơh, mơ kung ò di lơh ñhòt ală bơta ne sơl.

Mathiơ 5:23

Behơ̆, tòm tŭ mê ơn phan di cơnòng duh khoai, mơ kah wơl oh mi he gơs bơta gơtòmsò mơ he,

Jơnau Niam Jat Mak 9:50

Boh la phan niam, mơya dilah boh roh ƀă gen ñchi ai nàng lơh gơ in ƀă wơl taih? Bol mê gơs tĕ boh tòm he, mơ gơtòmsòr tĕ bal mơ gơp.”

I Kôrintô 11:28

Behơ̆ kòp nă pal sơwì is să he, gen sồng rgơi sa piang lă mơ hùc mơngàn hơ̆.

I Timôthe 2:8

Behơ̆ añ kòñ ală cau klau pò tê sàng goh hơđang nàng hòi dan tòm kòp bă tiah, bañ gơs bơta gơjrañ mañ mơ bơta tòm pơndang bal.

Jakơ 5:16

Behơ̆ yal glài tĕ bal mơ gơp, mơ hòi dan tĕ bal mơ gơp, tồ ală oh mi in geh sơmbòi. Jơnau hòi dan cau song ring dê gơs gơnap gơnoar dờng ƀă tàm ngan.