Mathiơ 5:19 - Sră Goh 2018

¹⁹ Behơ̆ dilah cau lơi lơh tìs dô bơta dềt rlau jơh tòm ală bơta sồr lam do mơ bơto cau lơh behơ̆, gen khai rơp geh sơnđan la dềt rlau jơh tòm lơgar đang trồ. Ai dilah cau lơi lơh jat mơ bơto sồr ală bơta sồr lam hơ̆, gen rơp geh sơnđan la dờng tòm lơgar đang trồ.

Mathiơ 5:19 Mawu Ofanana

Đơs Crih 119:128

Ngan, añ lòt jat jơh ală jơnau sồr Yàng dê; Añ gơjrañ kơuềng di kòp nơm gùng dà ma blac.

Đơs Crih 119:6

Gen añ rơp ò gơkòl ƀàssìl, Bơh añ sền song di ală bơta sồr lam Kơnràñ dê.

Daniel 12:3

Ală cau jak chài rơp gơcrà kung be bơta àng ală tap trồ dê; mơ ală cau tề lam oă cau tus hơ bơta song ring rơp gơcrà be ală sơmañ gam sùm sùm ò lồi.

Mathiơ 11:11

Di ngan Añ đơs mơ bol mê, tòm ală cau deh bơh cau ùr, ò gơs cau lơi dờng màng rlau mơ Jang Ƀaptis, mơya cau dềt rlau jơh tòm lơgar đang trồ la dờng rlau mơ khai.

Mathiơ 19:28

Yàng Jesu ho lah: “Di ngan Añ đơs mơ bol mê, tus di tŭ jơh ală bơta gơs wơl pa, la tŭ Kòn Mơnus rơp nggui hơđang sơbàn gơklŏ Kơnràñ dê, gen bol mê la cau neh jat Añ kung rơp nggui hơđang jơt bàr nơm sơbàn mơ cahrña jơt bàr jơi bơtiàn làng bol Israel.

Mathiơ 20:26

Mơya tòm bol mê gen ò di behơ̆ ò; gơpơrlơ̆ wơl, cau lơi kòñ gơs dờng, gen pal lơh gơs cau duh broă.

Mathiơ 28:20

Mơ bơto bol khai lơh jat jơh ală bơta Añ neh sồr bol mê. Mơ do, Añ ơm sùm mơ bol mê jơl tus di lồi dut rài.”

Luka 1:15

Bơh khai rơp la dờng màng di đap Yàng, ò gơs ñô tơrnòm hala alak, mơ geh bềng lìu Yàng Hwềng Goh bơh tòm kơndul mè.

Luka 11:42

Mơya bòl glar bol mê in la cau Pharisi! Bơh bol mê neh ơn dô pơnah jơt biap trau, biap krồng mơ ală biap ndai, mơ sang lòi bơta song ring mơ nùs kòñ gơboh di Yàng Tom Trồ. Ală bơta do bol mê pal lơh mơ kung ò di lơi hŭi ală bơta ne sơl.

Luka 9:48

mơ đơs mơ bol khai lah: “Dilah cau lơi bơh sơnđan Añ mơ wă rò kòn dềt do, hơ̆ la wă rò Añ; ai cau lơi wă rò Añ hơ̆ la wă rò Bơtau neh sồr Añ lòt tus. Bơh cau lơi dềt rhền rlau jơh digùl bol mê, hơ̆ la cau dờng rlau jơh.”

Broă 1:1

Ơ ồng dờng Theôphilus, tòm sră dơ̆ dùl, añ neh cih jơh ală bơta Yàng Jesu neh lơh mơ bơto bơh sơnròp,

Rôma 3:8

Behơ̆ gen mbe bol he ò lơh bơta iơh tồ geh bơta niam taih? Be cau đơs iơh di bol hi lah bol hi bơto behơ̆. Bơta cahrña di cau hơ̆ la di pal ngan.

Rôma 6:1

Behơ̆, mbe bol he kòñ đơs taih? Bol he kư̆ ơm sùm tòm tồi glài tồ bơta nđàc in geh bơtơl lìu làc ơ?

Rôma 6:15

Behơ̆ gen mbe lơh taih? Bol he ò di ơm tòm gơnoar bơta boh lam mơya ơm tòm gơnoar bơta nđàc dê, gen bol he rơp kư̆ tìs glài sơl ơ? Ò di behơ̆!

Yal Wơl 12:32

Bol mê kơrhia tĕ lơh jat jơh ală jơnau añ sồr bol mê; bañ bơtơl jơnau lơi hala tă pơndut jơnau lơi bơh di gơ.

Yal Wơl 27:26

‘Pal srat sơntơm cau lơi ò prap gàr ală jơnau bơta boh lam do nàng lơh jat.’ Gen jơh làng bol rơp đơs lah: ‘Amen!’”

I Timôthe 6:11

Mơya, ơ kòn la cau Yàng Tom Trồ dê, pleh tĕ di ală bơta hơ̆, mơ jòi jat bơta song ring, bơta duh rngòt, bơta dòn, bơta kòñ gơboh, bơta ơt ơl, bơta niam lơnhơn.

Sră Pơyoa Pol Dê Pơyoa Tit In 3:8

Jơnau hơ̆ la nền cê ngan, añ kòñ mê đơs nền ală bơta hơ̆ dô bă pràn kơldang tồ ală cau in neh dòn jat Yàng Tom Trồ gen jơh nùs tơryang tơryồng lơh ală broă niam, hơ̆ la ală bơta niam mơ gơs kwơ cau in.

I Pier 5:4

Tòm tŭ Bơtau Dờng Ê Belàt tơlik mat, gen oh mi rơp dòp geh sơgơn bơtau gơklŏ ò ro jrùh.

I Jang 3:4

Cau lơi tìs glài, hơ̆ la tòmdră mơ bơta boh lam; mơ tồi glài la bơta tòmdră mơ bơta boh lam.

Yal Tơlik 2:20

Mơya bơta Añ ò bài mê, hơ̆ la mê lòi Jesabel, cau ùr sơnđan is să he la cau gơnoar hwơr, khai bơto sồr mơ pơrlồm ơniai ală dĭ gơna Añ jê tìs glài rềs àr bơrnàn mơ sa phan duh khoai rùp ràk.

I Samuel 2:30

Gen tàng Jehôwa Yàng Tom Trồ Israel dê đơs be do: ‘Añ neh ho lah hìu mê mơ hìu ồng pàng mê rơp duh broă di đap Añ sùm sùm.’ Mơya tŭ do Yàng Jehôwa đơs lah: ‘Bơta hơ̆ ngài ngan bơh di Añ! Bơh cau lơi ki ngàm di Añ gen Añ rơp ki ngàm di bol khai, ai ală cau lơi sền òsơp di Añ gen bol khai rơp kong sền òsơp.