Mathiơ 5:18 - Sră Goh 2018

¹⁸ Bơh di ngan Añ đơs mơ bol mê, trồ tiah rơp roh, mơya dô tềl dềt dô cik tòm bơta boh lam kung ò gơs tŭ lơi roh, jơl tus di tŭ jơh ală bơta gơlik wil tơl.

Mathiơ 5:18 Mawu Ofanana

Đơs Crih 102:26

Trồ tiah rơp roh rui, mơya Yàng gam sùm sùm; Trồ tiah rơp puh lơho be ào; Yàng rơp tòmgơl trồ tiah be ào, mơ gơ roh thit.

Đơs Crih 111:8

Ală jơnau hơ̆ geh bơtào kơ̆ gam sùm sùm, Pal lơh jat dô bă dòn song mơ song ring.

Đơs Crih 119:152

Jat ală jơnau sồr kràñ cê Yàng dê, Bơh yau òr añ neh git lah Kơnràñ neh bơtào ală jơnau hơ̆ gam sùm sùm.

Esai 40:8

Ñhơt ro, bơkào jrùh; mơya jơnau đơs Yàng Tom Trồ bol he dê rơp ơm kơ̆ gam sùm sùm.”

Esai 44:26

la Bơtau neh lơh gơlik gơs tòm toh be jơnau đơs ală cau duh broă Añ jê, mơ lơh gơlik di ngan ală jơnau đơs lài ală cau kong sồr Añ jê, la Bơtau neh đơs bơh Jerusalem lah: ‘Gơ rơp gơs cau ơm tòm hơ̆,’ bơh ală ƀòn dờng Juda lah: ‘Gơ rơp geh bơt bơtào, Añ rơp bơt bơtào wơl ală tiah hơ̆;’

Esai 51:6

Pò tĕ mat bol mê dê tơnggòr ală tap trồ, sền tĕ di plai ù hơđơm; ală tap trồ rơp roh thit be ñhŭ, plai ù rơp klar lơho be ồi ào, mơ ală làng bol ơm hơđang plai ù rơp chơt be smềt. Mơya bơta dong klàs Añ jê rơp gam sùm sùm, bơta dong tă Añ jê rơp ò tŭ lơi lồi.

Mathiơ 10:15

Di ngan Añ đơs mơ bol mê, tòm ngai cahrña, lơgar Sôdôm mơ Gômôrơ rơp kong nggòc rlau mơ ƀòn dờng hơ̆.”

Mathiơ 10:23

Tòm tŭ bol khai kup kơryan bol mê tòm ƀòn dờng do, gen dô tĕ tòm ƀòn dờng ne; bơh di ngan Añ đơs mơ bol mê, bol mê òhềt lòt làm ală ƀòn dờng Israel dê, gen Kòn mơnus neh tus rau.

Mathiơ 10:42

Cau lơi ai dô nă tòm mpồl kơnòm dềt do in mìng hùc dô mơngàn dà ngềt lơm, tài bơh kơnòm hơ̆ la cau bơtê Añ jê, di ngan Añ đơs mơ bol mê, cau hơ̆ rơp ò gơs tŭ lơi roh phan ƀàn khai dê.”

Mathiơ 11:11

Di ngan Añ đơs mơ bol mê, tòm ală cau deh bơh cau ùr, ò gơs cau lơi dờng màng rlau mơ Jang Ƀaptis, mơya cau dềt rlau jơh tòm lơgar đang trồ la dờng rlau mơ khai.

Mathiơ 13:17

Di ngan Añ đơs mơ bol mê, gơs oă cau gơnoar hwơr mơ cau song ring neh kòñ gŏ ală bơta bol mê gŏ mơ ò geh gŏ, kòñ kơno ală jơnau bol mê kơno mơ ò geh kơno.”

Mathiơ 16:28

Di ngan Añ đơs mơ bol mê, tòm ală cau ntào tềng do, gơs cau rơp ò chơt lài mơ tŭ gŏ Kòn Mơnus tus tòm lơgar Khai dê.”

Mathiơ 17:20

Kơnràñ ho lah: “Tài bơh bol mê gơs dô êt bơta dòn. Bơh di ngan Añ đơs mơ bol mê, dilah bol mê gơs bơta dòn be dô nơm gar sơbê, gen rơp đơs mơ mơnơm do lah: ‘Ñă lòt tĕ bơh tềng do tus hơ ne,’ gen gơ lòt; mơ ò gơs bơta lơi la bol mê ò rgơi lơh.” [

Mathiơ 18:18

“Di ngan, Añ đơs mơ bol mê, bơta lơi bol mê kơt tòm ù, gen kung rơp kơt hơđang trồ, mơ bơta lơi bol mê hồ tòm ù gen kung rơp geh hồ hơđang trồ sơl.

Mathiơ 18:3

mơ đơs lah: “Di ngan Añ đơs mơ bol mê, dilah bol mê ò tòmgơl mơ gơlik gơs be kơnòm dềt, gen ò tŭ lơi geh mut tòm lơgar đang trồ.

Mathiơ 19:23

Gen Yàng Jesu đơs mơ ală cau bơtê lah: “Di ngan Añ đơs mơ bol mê, cau pas sơm mut tòm lơgar đang trồ la kalke ngan.

Mathiơ 19:28

Yàng Jesu ho lah: “Di ngan Añ đơs mơ bol mê, tus di tŭ jơh ală bơta gơs wơl pa, la tŭ Kòn Mơnus rơp nggui hơđang sơbàn gơklŏ Kơnràñ dê, gen bol mê la cau neh jat Añ kung rơp nggui hơđang jơt bàr nơm sơbàn mơ cahrña jơt bàr jơi bơtiàn làng bol Israel.

Mathiơ 21:21

Yàng Jesu ho lah: “Di ngan Añ đơs mơ bol mê, dilah bol mê gơs bơta dòn mơ ò pin wil wơl dô êt lơi, gen bol mê ò di mìng rơp lơh bơta Añ neh lơh di chi ƀal lơm ò, mơ bulah bol mê đơs mơ mơnơm do lah: ‘Yò tĕ să mơ ntruñ tòm dàlềng,’ gen bơta hơ̆ kung rơp gơlik gơs ngan.

Mathiơ 21:31

Tòm bàr nă kòn hơ̆, kòn lơi lơh jat nùs kòñ bèp dê taih?” Bol khai ho lah: “Kòn sơnròp.” Yàng Jesu đơs mơ bol khai lah: “Di ngan Añ đơs mơ bol mê, ală cau dar dia mơ ală cau dri tơlàr rơp geh mut tòm lơgar Yàng Tom Trồ lài mơ bol mê.

Mathiơ 23:36

Di ngan Añ đơs mơ bol mê, jơh ală bơta hơ̆ rơp gơlik tus hơđang jơi bơtiàn do.”

Mathiơ 24:2

Kơnràñ đơs lah: “Bol mê gŏ jơh ală bơta hơ̆ sơl? Di ngan Añ đơs mơ bol mê, rơp ò gơs pơnai lŭ lơi ơm hơđang pơnai lŭ ndai tòm tiah do mơ ò gơtìp tơrlơm.”

Mathiơ 24:47

Di ngan Añ đơs mơ bol mê, cau tòm rơp bơtào cau hơ̆ sền gàr jơh ală phan mơna khai dê.

Mathiơ 25:12

Mơya cau tòmho lah: ‘Di ngan añ đơs mơ bol ai, añ ò git bol ai ò.’

Mathiơ 25:40

Cau Bơtau rơp ho lah: ‘Di ngan Añ đơs mơ bol mê, tòm tŭ bol mê neh lơh broă hơ̆ mơ dô nă cau dềt rhền rlau jơh tòm ală oh mi Añ, hơ̆ la lơh să tòm Añ in.’

Mathiơ 25:45

Kơnràñ rơp ho lah: ‘Di ngan Añ đơs mơ bol mê, tòm tŭ bol mê ò lơh broă hơ̆ mơ dô nă cau dềt rhền rlau jơh do, hơ̆ la bol mê ò lơh să tòm Añ in.’

Mathiơ 5:26

Di ngan Añ đơs mơ mê, mê gam siơ̆u dô su, kung ò geh lik klàs bơh hơ̆ sơl.”

Mathiơ 6:16

“Tòm tŭ bol mê ơt sa, bañ lơh bơthĭ moat jrùng be cau ma blac, bơh bol khai lơh ñòp muh ñòp mat nàng cau in git bol khai ơt sa. Di ngan Añ đơs mơ bol mê, bol khai neh geh phan ƀàn bol khai dê rau.

Mathiơ 6:2

Behơ̆ tòm tŭ mê pà gòi, bañ uh kơlwòk di đap he, be ală cau ma blac lơh tòm ală hìu jum mơ tòm ală gùng me, nàng geh cau jòng ro. Di ngan Añ đơs mơ bol mê, bol khai neh geh phan ƀàn bol khai dê rau.

Mathiơ 8:10

Yàng Jesu kơno jơnau hơ̆ gen ai lơh krơi, đơs mơ ală cau lòt jat lah: “Di ngan Añ đơs mơ bol mê, Añ òhềt gŏ bơta dòn dờng be do tòm làng bol Israel.

Jơnau Niam Jat Mak 10:15

Di ngan Añ đơs mơ bol mê, cau lơi ò dòp lơgar Yàng Tom Trồ be dô nă kơnòm dềt, gen ò geh mut tòm hơ̆ ò.”

Jơnau Niam Jat Mak 10:29

Yàng Jesu ho lah: “Di ngan Añ đơs mơ bol mê, cau lơi bơh Añ mơ bơh Jơnau Niam mơ sang hìu đam, oh mi, ruh lŏ, mè bèp, oh kòn hala sre brê,

Jơnau Niam Jat Mak 11:23

Di ngan Añ đơs mơ bol mê, cau lơi đơs mơ mơnơm do lah: ‘Yò tĕ să mơ ntruñ tòm dàlềng,’ dilah khai ò pin wil wơl tòm nùs mơya dòn nền cê jơnau he đơs rơp gơlik gơs ngan, gen ngan bơta hơ̆ rơp gơlik gơs.

Jơnau Niam Jat Mak 12:43

Chòp Kơnràñ hòi ală cau bơtê tus mơ đơs lah: “Di ngan Añ đơs mơ bol mê, cau ùr bơnrau rƀah do neh ơn tòm hồp ơn priă oă rlau mơ jơh ală cau ndai.

Jơnau Niam Jat Mak 13:30

Jơh ală bơta rơp gơlik tus lài mơ tŭ jơi kòn mơnus kis tòm rài do chơt jơh.

Jơnau Niam Jat Mak 14:18

Tòm tŭ nggui sa, Yàng Jesu đơs lah: “Di ngan Añ đơs mơ bol mê, dô nă tòm bol mê nggui sa bal mơ Añ do rơp pơrlơ̆ dră di Añ.”

Jơnau Niam Jat Mak 14:25

Di ngan Añ đơs mơ bol mê, Añ ò hùc dà plai ño do tai, jơl tus di ngai Añ rơp hùc dà plai ño pa tòm lơgar Yàng Tom Trồ.”

Jơnau Niam Jat Mak 14:30

Yàng Jesu ho lah: “Di ngan Añ đơs mơ mê, ngai do, tòm mang do tơn, lài mơ tŭ iar òhềt nrau bàr dơ̆, gen mê rơp pơndang sang Añ pe dơ̆.”

Jơnau Niam Jat Mak 14:9

Di ngan Añ đơs mơ bol mê, làm jơh dunnia tòm tiah lơi Jơnau Niam geh bơto yal, gen kung yal wơl broă khai neh lơh hơ̆ nàng kah bơh khai.”

Jơnau Niam Jat Mak 3:28

Añ đơs ngan mơ bol mê, jơh ală tồi glài rơp geh toh kòn sau jơi kòn mơnus in, mơ jơh ală jơnau tràl sơrbil bol khai đơs kung behơ̆ sơl;

Jơnau Niam Jat Mak 6:11

Tiah lơi cau ò bài wă rò bol mê mơ ò bài iat jơnau bol mê dê, tòm tŭ lik bơh hơ̆, gen rtuh tĕ thul bơh di jơng bol mê dê nàng lơh cơng tơrwơl di bol khai.”

Jơnau Niam Jat Mak 8:12

Yàng Jesu tă nhơm dờng mơ đơs lah: “Ñchi bơh tài jơi bơtiàn do dan dô nơm tềl krơi taih? Di ngan Añ đơs mơ bol mê, rơp ò ai jơi bơtiàn do in dô nơm tềl krơi lơi ò.”

Jơnau Niam Jat Mak 9:1

Kơnràñ đơs tai mơ ală cau bơtê lah: “Di ngan Añ đơs mơ bol mê, tòm ală cau ntào tềng do, ngan gơs cau rơp ò chơt lài mơ tŭ gŏ lơgar Yàng Tom Trồ ai gơnap gơnoar mơ tus.”

Jơnau Niam Jat Mak 9:41

Behơ̆ dilah cau lơi ai bol mê in hùc dô mơngàn dà bơh bol mê la bal mơ Bơtau Krist, di ngan Añ đơs mơ bol mê, cau hơ̆ rơp ò gơs tŭ lơi roh phan ƀàn khai dê ò.”

Luka 11:51

bơh mhàm Abel jơl tus di mhàm Sacari, la cau neh gơkòl tơnchơt digùl cơnòng duh khoai mơ hìu duh khoai. Di ngan Añ đơs mơ bol mê, rơp kư̆ lùp wơl mhàm hơ̆ di jơi bơtiàn do,

Luka 12:37

Lơngai ală cau dĭ gơna hơ̆ in, dơ̆ cau tòm rê, gŏ bol khai ơm drơng kơp! Di ngan Añ đơs mơ bol mê, cau tòm rơp kơt but he, ai bol khai in nggui, mơ tus duh broă bol khai in.

Luka 13:35

Do, hìu bol mê dê rơp lòi srau gòi. Añ đơs mơ bol mê, bol mê rơp ò gŏ Añ tai, jơl tus di tŭ bol mê rơp đơs lah: ‘Lơngai Bơtau ai sơnđan Yàng mơ tus!’”

Luka 16:17

Trồ tiah roh la ƀuơn rlau mơ roh dô cik tòm bơta boh lam.

Luka 18:17

Kah tĕ jơnau Añ đơs mơ bol mê do, cau lơi ò dòp lơgar Yàng Tom Trồ be dô nă kơnòm dềt, gen ò geh mut tòm hơ̆ ò.”

Luka 18:29

Kơnràñ đơs lah: “Di ngan Añ đơs mơ bol mê, ò gơs cau lơi bơh lơgar Yàng Tom Trồ mơ sang hìu đam, bau ùr, oh mi, mè bèp, kòn sau,

Luka 23:43

Kơnràñ đơs mơ khai lah: “Di ngan Añ đơs mơ mê, ngai do mê rơp ơm bal mơ Añ tòm lơgar Paradis.”

Luka 4:24

Gen Kơnràñ đơs lah: “Di ngan Añ đơs mơ bol mê, ò gơs cau gơnoar hwơr lơi geh dòp rò tòm ƀòn tòm khai dê.

Jang 1:51

Kơnràñ đơs tai lah: “Di ngan, Añ đơs mơ bol mê, bol mê rơp gŏ trồ gơ pò, mơ ală cau gơnrơh Yàng Tom Trồ dê guh mơ mù hơđang Kòn Mơnus.”

Jang 10:1

“Ngan, Añ đơs ngan mơ bol mê, cau lơi ò bơh mpồng mơ mut tòm wàng belàt, mơya hào mut bơh gùng ndai, cau hơ̆ la cau ntung, cau kơñau.

Jang 10:7

Behơ̆, Yàng Jesu đơs tai lah: “Ngan, Añ đơs ngan mơ bol mê, Añ la mpồng belàt dê.

Jang 12:24

Ngan, Añ đơs ngan mơ bol mê, dilah gar kòi ò rung tòm ù mơ chơt, gen gơ mìng dô gơnar lơm; mơya dilah gơ chơt, gen gơlik gơs oă plai.

Jang 13:16

Di ngan, di ngan, Añ đơs mơ bol mê, cau dĭ ò di dờng rlau mơ cau tòm, cau geh sồr lòt kung ò dờng rlau mơ bơtau sồr khai lòt.

Jang 13:38

Yàng Jesu ho lah: “Mê rơp bơh Añ mơ phi bơta kis mê dê ơ? Di ngan, di ngan, Añ đơs mơ mê, tŭ iar òhềt nrau, gen mê neh pơndang sang Añ pe dơ̆ rau.”

Jang 14:12

Di ngan, di ngan, Añ đơs mơ bol mê, cau lơi dòn Añ, gen rơp lơh ală broă Añ lơh sơl; mơ khai rơp lơh ală broă dờng rlau tai, tài bơh Añ rê wơl hơ Bèp.

Jang 16:20

Ngan, Añ đơs ngan mơ bol mê, bol mê rơp ñìm mơ rac ròc, ai dunnia rơp hòn chò; bol mê rơp moat jrùng, mơya bơta moat jrùng bol mê dê rơp gơlik gơs bơta hòn chò.

Jang 16:23

Tòm ngai hơ̆ bol mê rơp ò lùp Añ bơh bơta lơi tai. Ngan, Añ đơs ngan mơ bol mê, bơta lơi bol mê rơp dan mơ Bèp, gen Kơnràñ rơp bơh sơnđan Añ mơ ai bol mê in.

Jang 21:18

Di ngan, Añ đơs ngan mơ mê, tòm tŭ mê gam pơnu, mê kơt is but mê dê, kòñ lòt tiah lơi khat gơboh; mơya tòm tŭ mê kra, gen mê rơp pò tê, cau ndai kơt but mê in mơ hwài mê lòt tus di tiah mê ò bài.”

Jang 3:11

Di ngan, di ngan, Añ đơs mơ mê, bol hi đơs bơta hi git, lơh cơng bơta hi neh gŏ; ai bol mê ò dòp jơnau lơh cơng bol hi dê.

Jang 3:3

Yàng Jesu ho lah: “Di ngan, Añ đơs ngan mơ mê, dilah cau lơi ò deh wơl pa, gen ò rgơi gŏ lơgar Yàng Tom Trồ dê ò.”

Jang 3:5

Yàng Jesu ho lah: “Di ngan, di ngan, Añ đơs mơ mê, dilah cau lơi ò bơh dà mơ Yàng Hwềng mơ deh, gen ò rgơi mut tòm lơgar Yàng Tom Trồ dê ò.

Jang 5:19

Behơ̆, Yàng Jesu đơs mơ bol khai lah: “Di ngan, di ngan, Añ đơs mơ bol mê, Kòn ò rgơi lơh is bơta lơi, mìng lơh bơta Kòn gŏ Bèp lơh; bơh bơta lơi Bèp lơh gen Kòn kung lơh behơ̆ sơl.

Jang 6:26

Yàng Jesu ho lah: “Di ngan, Añ đơs ngan mơ bol mê, bol mê jòi Añ ò di bơh neh gŏ ală tềl krơi, mơya bơh bol mê neh sa hòm piang lă jat be nùs kòñ.

Jang 6:32

Yàng Jesu đơs lah: “Di ngan, Añ đơs ngan mơ bol mê, ò di Môise neh ai bol mê in piang lă bơh đang trồ ò, mơya Bèp Añ ai bol mê in piang lă ngan bơh đang trồ.

Jang 6:47

Di ngan, Añ đơs ngan mơ bol mê, cau lơi dòn Añ gen geh bơta kis gam sùm sùm.

Jang 6:53

Yàng Jesu đơs mơ bol khai lah: “Di ngan, Añ đơs ngan mơ bol mê, dilah bol mê ò sa poac mơ ò hùc mhàm Kòn Mơnus dê, gen ò gơs bơta kis gam sùm sùm.

Jang 8:34

Yàng Jesu ho lah: “Di ngan, Añ đơs ngan mơ bol mê, cau lơi tìs glài la lơh dĭ gơna tồi glài in.

Jang 8:51

Di ngan, Añ đơs ngan mơ bol mê, dilah cau lơi prap gàr jơnau Añ, gen rơp ò tŭ lơi gŏ bơta chơt ò.”

Jang 8:58

Yàng Jesu đơs lah: “Di ngan, Añ đơs ngan mơ bol mê, lài mơ tŭ gơs Abraham, Añ neh gơs mơ gam gơs sùm sùm.”

I Pier 1:25

Mơya jơnau đơs Yàng dê gam sùm sùm.” Mơ jơnau hơ̆ la Jơnau Niam neh geh bơto yal oh mi in.

Yal Tơlik 20:11

Chòp añ gŏ dô nơm sơbàn dờng mơ bò bal mơ Bơtau nggui hơđang sơbàn; trồ tiah dô jơh bơh di đap Kơnràñ, ò gơs tiah lơi bol gơ in tai.