Mathiơ 5:14 - Sră Goh 2018

¹⁴ Bol mê la bơta àng dunnia dê. Dô nơm ƀòn dờng bơt hơđang mơnơm gen ò rgơi ndơp.

Mathiơ 5:14 Mawu Ofanana

Jơnau Pơnđik 4:18

Mơya gùng lòt cau song ring dê la kung be bơta àng àng drim dê, Gơ pơnđàng sòl sơlo àng rlau tai jơl tus di trồ gùl ngai.

Ejekiel 5:5

Yàng Jehôwa đơs be do: “Do la Jerusalem, Añ neh ơn gơ digùl ală làng bol, bal mơ ală lơgar ơm gùt dar gơ.

Jang 12:36

Tòm tŭ bol mê gam gơs bơta àng, gen dòn tĕ bơta àng, tồ gơlik gơs kòn sau bơta àng dê.” Neh sir đơs behơ̆, Yàng Jesu lòt mơ dô pleh bơh di bol khai.

Jang 5:35

Jang la be ồs đèng neh chu mơ pơnđàng, ai bol mê gen kòñ hòn chò ing tòm bơta àng khai dê.

Jang 8:12

Yàng Jesu đơs tai mơ bol khai lah: “Añ la bơta àng dunnia dê; cau lơi jat Añ rơp ò lòt tòm bơta klam jơngo, mơya gơs bơta àng bơta kis dê.”

Jang 9:5

Tòm tŭ Añ gam ơm tòm dunnia, Añ la bơta àng dunnia dê.”

II Kôrintô 6:14

Bañ tui yô bal mơ cau ò dòn, bơh bơta song ring mơ bơta iơh bơsak gơs gơtòmsòr bal sơl ơ? Bơta àng mơ bơta jơngo gơs gơtòmklac bal sơl ơ?

Philip 2:15

tồ ală oh mi in ò gơs tiah geh lah pơrhơng mơya song ngan, lơh gơs kòn sau Yàng Tom Trồ dê ò sồt rmàñ ơm digùl jơi bơtiàn rkwet rkwe mơ jak tòmdră, digùl bol khai oh mi pal sòl pơnđàng kung be ală sơmañ àng tòm dunnia,

I Tesalônika 5:5

Bơh oh mi jơh tơl nă la cau gơrê bal tòm bơta àng mơ trồ ngai. Bol he ò di bal mơ trồ mang, kung ò di bal mơ bơta klam jơngo.

Yal Tơlik 1:20

Ai bơta ndơp ndơr bơh poh nơm sơmañ mơ mê neh gŏ tòm tê ma Añ, mơ bơh poh nơm jơng ồs đèng mơ màh, gen poh nơm sơmañ la ală cau gơnrơh poh nơm Hìu Jum Goh dê, mơ poh nơm jơng ồs đèng la poh nơm Hìu Jum Goh.”

Yal Tơlik 2:5

Behơ̆ kah tĕ bơh tiah lơi mê neh gơhuc, gơjrañ sang glài tĕ, mơ lơh wơl ală broă mê neh lơh bơh sơnròp. Dilah ò behơ̆, Añ rơp tus hơ mê, mơ Añ rơp tă tơlik jơng ồs đèng mê dê bơh di tiah gơ.