Mathiơ 5:11 - Sră Goh 2018

¹¹ Lơngai bol mê in tài bơh Añ mơ gơkòl cau bơtat bơtròh, kup kơryan, mơ yă blac jơh ală bơta iơh.

Mathiơ 5:11 Mawu Ofanana

Đơs Crih 35:11

Ală cau lơh cơng iơh rmơh bơtào tơngguh, Bol khai lùp añ ală bơta añ ò git.

Đơs Crih 44:22

Ngan tài bơh Yàng tàng bol hi kong cau tơnchơt kòp ngai; Bol khai sền bol hi be belàt cau neh lơh nền nàng lơh poac.

Esai 25:8

Gen Jehôwa Yàng Tom Trồ rơp jùt dà mat bơh di jơh ală mat, mơ bơta sền òsơp làng bol Kơnràñ dê rơp tă tơlik jơh bơh di plai ù, Yàng Jehôwa neh đơs behơ̆.

Esai 51:7

Iat tĕ Añ! Ơ bol mê la ală cau git bơta song ring, la làng bol gơs bơta bơto sồr Añ jê tòm nùs bol mê dê; Bañ rngòt di bơta lah pơrhơng kòn mơnus dê, hala rngòt rơm să di jơnau lah sơrpah bol khai dê.

Esai 66:5

Iat tĕ jơnau Yàng Jehôwa dê, Ơ bol mê la cau kơno jơnau Kơnràñ dê mơ rngòt rơm să: “Làng bol bol mê dê gơjrañ di bol mê, mơ sang lòi bol mê tài bơh sơnđan Añ; mơ neh đơs lah: ‘Dan Yàng Jehôwa in geh gơklŏ, nàng bol hi in gŏ bơta hòn chò bol mê dê!’ Mơya bol khai la cau rơp kong ƀàssìl.”

Jeremi 37:14

Jeremi ho lah: “Đơs ală alai! Añ ò kong alah cau Kalde ò.” Mơya Irija ò bài iat, kư̆ kup Jeremi mơ lam tus di đap ală kwang at bồ.

Mathiơ 10:18

Bol mê rơp kòl hwài tus di đap ală cau kwang đơng lơgar mơ ală cau bơtau tài bơh Añ, nàng lơh cơng di đap bol khai mơ ală làng bol Bơdìh.

Mathiơ 10:22

Bol mê rơp gơkòl jơh ală cau gơjrañ kơuềng tài bơh sơnđan Añ. Mơya cau lơi kơ̆ nùs jơl tus di lồi dut, gen rơp geh dong klàs.

Mathiơ 10:25

Cau bơtê gơs be cau bơto, cau dĭ gơs be cau tòm, gen tơl rau. Dilah cau tòm hìu kung neh kòl cau sơnđan la Beeljebul, tơ ài lah cau ơm tòm hìu.”

Mathiơ 10:39

Cau lơi jòi bàn bơta kis he, gen rơp roh; ai cau lơi tài bơh Añ mơ roh bơta kis he, gen rơp jòi bàn wơl.”

Mathiơ 19:29

Dilah cau lơi bơh sơnđan Añ mơ sang hìu đam, oh mi, ruh lŏ, mè bèp, oh kòn, hala sre brê, gen cau hơ̆ rơp dòp leng dô rhiang dơ̆ rlau mơ hơ̆, mơ pơrdòn bơta kis gam sùm sùm.

Mathiơ 24:9

Tŭ hơ̆ cau rơp tơmut bol mê tòm bơta rung rài mơ tơnchơt; bol mê rơp kong jơh ală làng bol gơjrañ kơuềng bơh sơnđan Añ.

Mathiơ 27:39

Ală cau lòt gan dơñŏ tơnhial, rtơs bồ,

Jơnau Niam Jat Mak 13:13

Bol mê rơp gơkòl jơh ală cau gơjrañ kơuềng tài bơh sơnđan Añ, mơya cau lơi kơ̆ nùs jơl tus di lồi dut gen rơp geh dong klàs.”

Jơnau Niam Jat Mak 13:9

Ai bol mê gen kơrhia tĕ să he, bơh bol khai rơp bơtào bol mê tòm Mpồl Kwang Tơrña, pù lơh bol mê tòm ală hìu jum; mơ tài bơh Añ tàng bol mê rơp ntào di đap ală cau kwang đơng lơgar mơ ală cau bơtau nàng lơh cơng bol khai in.

Jơnau Niam Jat Mak 4:17

mơya tòm bol khai ò gơs ryas, mìng ơm ing dô êt, tus di tŭ tìp bơta rung rài hala kup kơryan tài bơh jơnau hơ̆, gen gơtup tìs mo.

Jơnau Niam Jat Mak 8:35

Bơh dilah cau lơi kòñ dong klàs bơta kis he gen gơ rơp roh, ai cau lơi tài bơh Añ mơ Jơnau Niam mơ roh bơta kis he gen rơp geh dong klàs.

Luka 21:12

Mơya lài mơ tŭ gơs ală bơta hơ̆, cau rơp ai tê kup bol mê mơ kup kơryan bol mê, bơtào tòm hìu jum, tơmut tòm hìu jàm, hwài bol mê tus di đap ală cau bơtau mơ ală cau kwang đơng lơgar tài bơh sơnđan Añ.

Luka 21:17

Bol mê rơp gơkòl jơh ală cau gơjrañ kơuềng tài bơh sơnđan Añ.

Luka 6:22

Lơngai bol mê in tòm tŭ bơh Kòn Mơnus mơ cau gơjrañ kơuềng di bol mê, ò dòp rò bol mê, bơtat bơtròh di bol mê, sang sơnđan bol mê be phan ƀơ̆!

Luka 9:24

Bơh cau lơi kòñ dong klàs bơta kis he dê gen gơ rơp roh, ai cau lơi tài bơh Añ mơ roh bơta kis he gen rơp geh dong klàs.

Jang 15:21

Mơya tài bơh sơnđan Añ mơ bol khai rơp lơh jơh ală bơta hơ̆ di bol mê, tài bơh bol khai ò git Bơtau neh sồr Añ lòt tus.

Jang 9:28

Gen bol hơ̆ lah sơrpah khai mơ đơs lah: “Mê la cau bơtê ồng hơ̆ dê, ai bol hi la cau bơtê Môise dê.

Broă 9:16

Añ kung rơp ai khai in git oă bơta jê sồt khai pal kong bơh sơnđan Añ.”

Rôma 8:36

Be neh cih lah: “Tài bơh Yàng tàng bol he kong cau tơnchơt ngai mho; Bol khai sền bol he be belàt cau neh lơh nền nàng lơh poac.”

I Kôrintô 4:10

Bol hi la cau tùl gơla bơh Bơtau Krist, mơya oh mi geh jak chài tòm Bơtau Krist; bol hi lơbơn lơño, mơya oh mi pràn kơldang; oh mi geh sền dờng màng, mơya bol hi kong sền òsơp.

II Kôrintô 4:11

Bơh bol hi la cau kis òs kong bơtào bơta chơt in tài bơh Yàng Jesu, tồ bơta kis Yàng Jesu dê kung geh yal tơlik tòm poac să òs chơt bol hi dê.

Philip 1:29

Tài bơh Yàng Tom Trồ neh ai bơta nđàc ală oh mi in ò di mìng dòn Kơnràñ lơm ò, mơya kung pal kong jê sồt bơh Kơnràñ sơl;

I Pier 2:23

Tòm tŭ Kơnràñ kong cau lah sơrpah, gen Kơnràñ ò lah sơrpah wơl; tòm tŭ kong bòl glar jê sồt, gen ò đơs pơhìn, mơya Kơnràñ kư̆ jào phi să tòm Kơnràñ dê Bơtau cahrña dô bă song ring.

I Pier 4:14

Dilah oh mi bơh sơnđan Bơtau Krist mơ kong bơtat bơtròh, gen oh mi geh lơngai, tài bơh Hwềng gơklŏ Yàng Tom Trồ dê ơm hơđang oh mi.

Yal Tơlik 2:3

Añ git mê òs kong ơt; mê neh kong bòl glar bơh sơnđan Añ mơ ò gơplơ̆ nùs.