Mathiơ 4:4 - Sră Goh 2018

⁴ Kơnràñ ho lah: “Gơs jơnau cih lah: ‘Kòn mơnus kis ò di mìng kơnòm di piang lă lơm ò, mơya kung kơnòm di ală jơnau đơs lik bơh di bơr Yàng Tom Trồ sơl.’”

Mathiơ 4:4 Mawu Ofanana

Lik Ejiptơ 16:15

Tòm tŭ cau Israel gŏ gen lùp bal mơ gơp lah: “Phan hơ̆ la ñchi taih?” Bơh bol khai ò git phan hơ̆ la ñchi. Gen Môise đơs mơ bol khai lah: “Hơ̆ la piang lă mơ Yàng Jehôwa ai bol mê in lơh gơs phan sa.

Lik Ejiptơ 16:35

Cau Israel sa mana tòm poan jơt nam, jơl tus di tŭ bol khai mut tòm lơgar bol khai ơm; bol khai sa mana jơl tus di tŭ bol khai tus di nhàr lơgar Kanaan.

Lik Ejiptơ 16:8

Môise kung đơs lah: “Bol mê rơp git hơ̆ la Yàng Jehôwa tòm tŭ Kơnràñ ai poac bol mê in sa tòm trồ mho, mơ jơh ală piang lă bol mê kòñ gơs tòm àng drim, bơh Kơnràñ neh kơno bol mê yoam tòmdră mơ Kơnràñ rau. Bol hi la ñcau taih? Bol mê ò di yoam tòmdră mơ bol hi ò, mơya la yoam tòmdră mơ Yàng Jehôwa.”

Lik Ejiptơ 23:15

Pơjum sa tĕ ngai wèr Piang Lă Ò Gơs Kañ jat be jơnau Añ neh sồr bol mê; sa tĕ piang lă ò gơs kañ tòm poh ngai. Lơh tĕ behơ̆ tòm jơ neh lơh nền tòm kơnhai Abip, bơh tòm kơnhai hơ̆ bol mê lik klàs bơh di Ejiptơ. Bañ gơs cau lơi tơlik mat di đap Añ mơ mpàng tê gòi.

Mathiơ 15:11

Ò di phan mut tòm bơr lơh ƀơ̆ ƀơl cau in ò, mơya phan lik bơh di bơr cau dê sồng lơh ƀơ̆ ƀơl cau in.”

Mathiơ 4:10

Gen Yàng Jesu đơs mơ gơ lah: “Ơ cà Satan, ruc tĕ. Bơh gơs jơnau cih lah: ‘Mê duh khoai tĕ Yàng la Yàng Tom Trồ mê dê, mơ duh broă mìng dô nă Kơnràñ lơm.’”

Mathiơ 4:7

Yàng Jesu đơs lah: “Kung gơs jơnau cih lah: ‘Mê bañ lòng Yàng la Yàng Tom Trồ mê dê.’”

Jơnau Niam Jat Mak 7:20

Kơnràñ đơs tai lah: “Bơta lơi lik bơh tòm dơlam cau, sồng lơh ƀơ̆ ƀơl cau hơ̆ in.

Luka 4:12

Yàng Jesu ho: “Neh đơs tòm Sră Goh lah: ‘Mê bañ lòng Yàng la Yàng Tom Trồ mê dê.’”

Luka 4:4

Yàng Jesu ho: “Gơs jơnau cih tòm sră Goh lah: ‘Jơi kòn mơnus kis ò di mìng kơnòm dê piang lă lơm ò.’”

Luka 4:8

Yàng Jesu đơs mơ gơ lah: “Gơs jơnau cih tòm Sră Goh lah: ‘Mê duh khoai tĕ Yàng la Yàng Tom Trồ mê dê, mơ duh broă mìng dô nă Kơnràñ lơm.’”

Jang 15:26

Mơya tŭ lơi Bơtau Pơndòm pơniang tus, la Bơtau Añ rơp sồr bơh di Bèp mơ lòt tus hơ bol mê, hơ̆ la Hwềng Jơnau song dê lik bơh di Bèp, Bơtau hơ̆ rơp lơh cơng bơh Añ.

Jang 6:63

Hơ̆ la hwềng ai bơta kis, poac să ò kwơ dô êt lơi. Ală jơnau Añ neh đơs mơ bol mê hơ̆ la hwềng mơ bơta kis.

Rôma 15:4

Bơh ală bơta neh cih bơh yau la cih nàng bơto sồr bol he, tồ bơh bơta kơ̆ nền mơ bơta chồl pơndòm Sră Goh dê mơ bol he geh bơta gơn kơnòm.

Ephesô 6:17

Kung ndau tĕ sơgơn la bơta dong klàs, mơ at đào Yàng Hwềng dê, la jơnau Yàng Tom Trồ dê.

Yal Wơl 8:3

Kơnràñ tơnliah bol mê, lơh bol mê in kong jơgloh lồc behơ̆ siam bol mê mơ mana mơ bol mê hala ồng pàng bol mê dê kung òhềt tŭ lơi git, nàng bơto bol mê in git lah kòn mơnus ò di kis bơh piang lă lơm ò, mơya bơh kòp jơnau neh đơs bơh bơr Yàng Jehôwa dê.