Mathiơ 4:23 - Sră Goh 2018

²³ Yàng Jesu lòt làm Galile, bơto sồr tòm ală hìu jum, bơto yal Jơnau Niam lơgar đang trồ dê, mơ sơmbòi tơl ală bơta kòp jê tòm làng bol.

Mathiơ 4:23 Mawu Ofanana

Đơs Crih 103:3

Hơ̆ la Kơnràñ toh jơh ală tồi glài iơh bơsak mê dê, Sơmbòi jơh ală bơta kòp jê mê dê.

Đơs Crih 74:8

Bol khai đơs tòm nùs lah: “Bol he rơp kup bol khai dòn duh jơh.” Bol khai neh chu jơh ală tiah pơjum Yàng Tom Trồ dê tòm lơgar.

Mathiơ 11:5

cau jơngo geh àng, cau pă geh lòt, cau dun geh goh, cau tĭ geh klo, cau chơt geh kis wơl, cau rƀah lơòi geh kơno bơto yal Jơnau Niam.

Mathiơ 12:9

Yàng Jesu lik lòt bơh hơ̆ mơ mut tòm hìu jum cau Juda.

Mathiơ 13:19

Cau lơi iat jơnau lơgar đang trồ dê mơ ò git wă, gen cà iơh bơsak tus sơmbrơt bơta neh sih tòm nùs khai dê. Hơ̆ la gar neh sih di gah gùng.

Mathiơ 13:54

Kơnràñ tus hơ ƀòn tòm Kơnràñ dê, gen bơto sồr làng bol tòm hìu jum, tian gơs bol khai ai lơh crih crài mơ đơs lah: “Mbơh cau do geh bơta jak chài mơ ală broă gơnap gơnoar do taih?

Mathiơ 14:14

Kơnràñ lik bơh ơhò, gŏ mpồl làng bol oă gen nđàc sơngit di bol khai mơ sơmbòi ală cau kòp jê in.

Mathiơ 24:14

Jơnau Niam bơh lơgar Yàng Tom Trồ rơp geh bơto yal làm jơh dunnia, tồ lơh cơng jơh ală làng bol in; tŭ hơ̆ bơta lồi dut rơp tus.”

Mathiơ 3:2

“Gơjrañ sang glài tĕ, bơh lơgar đang trồ neh tus rềp.”

Mathiơ 9:35

Yàng Jesu lòt làm ală ƀòn dờng ƀòn dềt, bơto sồr tòm ală hìu jum, bơto yal Jơnau Niam lơgar đang trồ dê, mơ sơmbòi ală bơta kòp jê lơbơn lơño.

Jơnau Niam Jat Mak 1:14

Tơnơ̆ mơ tŭ Jang gơkòl ơm jàm, Yàng Jesu lòt tus hơ Galile, bơto yal Jơnau Niam Yàng Tom Trồ dê,

Jơnau Niam Jat Mak 1:21

Yàng Jesu mơ ală cau bơtê lòt tus hơ Kapenaum; di di ngai Saƀat, Kơnràñ mut mo tòm hìu jum mơ bơto sồr tềng hơ̆.

Jơnau Niam Jat Mak 1:39

Kơnràñ lòt làm jơh kơnhwàl Galile, bơto yal tòm ală hìu jum mơ bơtrơh cà.

Jơnau Niam Jat Mak 3:10

Bơh Kơnràñ neh sơmbòi oă cau kòp jê gen tàng cau lơi gơs bơta kòp jê lơi kung ntềt sơrlèt nàng ƀư di Kơnràñ.

Jơnau Niam Jat Mak 6:2

Tus dê ngai Saƀat, Kơnràñ rơp sơntòm bơto sồr tòm hìu jum cau Juda. Oă cau gơs mat tềng hơ̆, kơno Kơnràñ bơto gen ai lơh crih crài mơ đơs lah: “Mbơh cau do geh ală bơta do taih? Bơta jak chài mơ khai dòp geh hơ̆ la ñchi, mơ mbe lơi tê khai lơh gơs ală broă gơnap gơnoar behơ̆ taih?

Jơnau Niam Jat Mak 6:6

Kơnràñ ai lơh krơi bơh bơta ò dòn bol khai dê. Lồc behơ̆ Kơnràñ lòt làm jơh ală ƀòn gùt dar mơ bơto sồr.

Luka 10:9

Kung sơmbòi tĕ cau kòp jê tềng hơ̆, mơ đơs mơ bol khai lah: ‘Lơgar Yàng Tom Trồ neh tus rềp mơ bol mê.’

Luka 13:10

Gơs dô ngai Saƀat, Yàng Jesu bơto sồr tòm dô nơm hìu jum.

Luka 16:16

Gơs bơta boh lam mơ ală jơnau cau gơnoar hwơr jơl tus di Jang; gen bơh tŭ hơ̆ Jơnau Niam lơgar Yàng Tom Trồ dê geh bơto yal, mơ kòp nă cau pơnđơl jơh pràn mut tòm hơ̆.

Luka 20:1

Gơs dô ngai ne, Yàng Jesu ơm bơto sồr làng bol tòm hìu duh khoai mơ bơto yal Jơnau Niam, nisơna ală cau gơnoar lam bồ ơn phan duh khoai, ală cau bơto bơta boh lam, mơ ală cau kwang kra lòt tus bal,

Luka 4:14

Yàng Jesu rê hơ Galile tòm gơnap gơnoar Yàng Hwềng mơ rê hơ Galile; tiơng pơnro Kơnràñ làm ală tiah gùt dar.

Luka 5:17

Dô ngai ne, Yàng Jesu ơm bơto sồr, gơs ală cau Pharisi mơ cau bơto bơta boh lam bơh kòp nơm ƀòn tòm Galile, Jude mơ Jerusalem lòt tus nggui di gah hơ̆, gơnap gơnoar Yàng dê ơm bal mơ Kơnràñ nàng sơmbòi kòp jê.

Luka 6:17

Lồc behơ̆ Kơnràñ mù bal mơ bol khai, ntào di tiah ring bal mơ oă cau bơtê. Làng bol gal ngan bơh làm Jude, Jerusalem, mơ di gah dàlềng Tirơ mơ Sidôn dê lòt tus nàng iat Kơnràñ mơ geh sơmbòi bơta kòp jê.

Luka 6:6

Dô ngai Saƀat ndai, Yàng Jesu mut tòm hìu jum cau Juda nàng bơto sồr. Tềng hơ̆ gơs dô nă cau klau siar mpàng tê ma.

Luka 7:21

Mơ tai, tòm tŭ hơ̆ Yàng Jesu sơmbòi oă cau kòp jê pluh plàng, gơkòl cà lơh, mơ oă cau jơngo geh àng.

Luka 7:22

Kơnràñ ho lah: “Rê tĕ yal Jang in ală bơta bol mê neh gŏ mơ kơno: cau jơngo gơs àng, cau kwet gơlte gơs lòt, cau dun gơs goh, cau tĭ gơs klo, cau chơt gơs kis wơl, mơ cau rƀah lơòi gơs kơno bơto yal Jơnau Niam.

Luka 8:1

Tơnơ̆ mơ hơ̆ dô êt jŏ, Yàng Jesu lòt làm bơh ƀòn dờng do tus hơ ƀòn dờng ne, ƀòn do tus hơ ƀòn dă, bơto tơnggit mơ bơto yal Jơnau Niam lơgar Yàng Tom Trồ dê. Gơs jơt bàr nă cau bơtê lòt bal mơ Kơnràñ,

Luka 9:11

Mơya mpồl làng bol git behơ̆ gen lòt jat. Kơnràñ wă rò bol khai, tòmbơhbơr, mơ bơto bol khai in bơh lơgar Yàng Tom Trồ, mơ sơmbòi ală cau pal càng geh sơmbòi.

Luka 9:60

Mơya Kơnràñ đơs lah: “Lòi tĕ cau chơt tơp cau chơt bol khai dê; ai mê lòt tĕ bơto yal bơh lơgar Yàng Tom Trồ.”

Jang 18:20

Yàng Jesu ho lah: “Añ neh đơs loh làng mơ dunnia, Añ òs bơto sồr sùm tòm hìu jum mơ tòm hìu duh khoai, la tiah jơh ală cau Juda pơjum, Añ ò đơs bơta lơi ndơp ndơr ò.

Jang 6:59

Yàng Jesu đơs ală bơta hơ̆ tòm tŭ bơto sồr tòm hìu jum tòm Kapenaum.

Jang 7:1

Tơnơ̆ mơ broă hơ̆, Yàng Jesu lòt làm jơh Galile. Kơnràñ ò bài lòt tòm Jude, tài bơh cau Juda jòi nàng tơnchơt Kơnràñ.

Broă 10:38

mbe lơi Yàng Tom Trồ neh bong mơñà Yàng Jesu Cau Nasaret in mơ Yàng Hwềng Goh bal mơ gơnap gơnoar, lồc behơ̆ Kơnràñ lòt làm jơh, lơh broă lơbơn niam mơ sơmbòi jơh ală cau cà ràk bơklơn, bơh Yàng Tom Trồ ơm bal mơ Kơnràñ.

Broă 18:4

Kòp ngai Saƀat Pol bơto sồr tòm hìu jum cau Juda, mơ chồl pơndòm ală cau Juda mơ cau Grek.

Broă 20:25

Mơ tŭ do, añ git lah jơh ală oh mi la cau mơ añ neh bơto yal bơh lơgar Yàng Tom Trồ, gen ò gơs dô nă lơi rơp gŏ mat añ tai.

Broă 28:31

bơto yal bơh lơgar Yàng Tom Trồ mơ bơto sồr bơh Yàng Jesu Krist dô bă khin cha ngan, ò gơs cau lơi bơkơŭ kơryan khai dô êt lơi.

Rôma 10:15

Mơ dilah ò gơs cau geh sồr lòt, gen mbe rgơi bơto yal taih? Be neh cih lah: “Ală mpàng jơng cau bơto yal Jơnau Niam la hàng mơnĕ ò git lơh!”