Mathiơ 3:6 - Sră Goh 2018

⁶ yal glài he, mơ Jang lơh Ƀaptem bol khai in tòm hiòng Jordan.

Mathiơ 3:6 Mawu Ofanana

Ejra 10:1

Tòm tŭ Ejra hòi dan mơ yal glài, ñìm rac mơ tơmbic să di đap hìu Yàng Tom Trồ dê, gơs dô mpồl gal ngan cau Israel, cau klau, cau ùr mơ cau kơnòm dềt, pơjum bal gùt dar khai, bol khai kung ñìm rac sràt bơtang ngan.

Đơs Crih 32:5

Añ neh yal tơlik glài añ jê Yàng in, ò pồn bơta tồi glài iơh bơsak añ jê; Añ đơs lah: “Añ rơp yal ală bơta tìs glài añ jê Yàng Jehôwa in,” Gen Yàng neh toh bơta tồi glài añ jê.

Jơnau Pơnđik 28:13

Cau lơi pồn prap tồi glài he rơp ò geh bơtoah; mơya cau lơi yal tơlik gơ mơ sang lòi gơ gen rơp geh nđàc sơngit.

Ejekiel 36:25

Añ rơp rsìh dà sàng goh hơđang bol mê; mơ bol mê rơp geh sàng goh; Añ rơp lơh bol mê in goh jơh bơh di ală bơta ƀơ̆ ƀơl bol mê dê mơ bơh di jơh ală rùp ràk bol mê dê.

Daniel 9:4

Behơ̆, añ hòi dan mơ Jehôwa Yàng Tom Trồ añ jê, yal glài mơ đơs lah: “Ơ Yàng la Yàng Tom Trồ dờng rlau jơh mơ pal rơm să rngòt, Kơnràñ prap gàr jơnau ho bal tòm bơta kòñ gơboh kơ̆ dơn gơwèt hơ ală cau kòñ gơboh dê Kơnràñ mơ lơh jat ală bơta sồr lam Kơnràñ dê.

Lebi 16:21

Khai pal ơn bàr đah tê hơđang bồ be gam kis hơ̆ mơ yal tơlik hơđang gơ jơh ală bơta iơh bơsak mơ tòmdră cau Israel dê, hơ̆ la jơh ală bơta tồi glài bol khai dê, mơ ơn ală bơta tồi glài hơ̆ hơđang bồ be. Khai rơp sồr dô nă cau klau neh geh pồ bơtào lam behơ̆ tus hơ ƀlàng bràs.

Lebi 26:40

Mơya dilah bol khai rơp yal ală bơta tồi glài bol khai dê mơ ală bơta tồi glài ală ồng pàng bol khai dê, hơ̆ la bơta neh tòmdră mơ Añ mơ ală bơta neh sò tơm di Añ,

Khà Làng Bol 5:7

mơ khai pal yal bơta tồi glài khai neh tìs. Khai pal tơm wơl wil tơl bơh bơta tìs khai dê, bơtơl tai dô pơnah pram tòm phan hơ̆ mơ jào jơh ală phan hơ̆ cau mơ khai neh lơh tìs in.

Mathiơ 3:11

Đah mơ añ, añ lơh ƀaptem bol mê in mơ dà nàng yal tơlik bơta gơjrañ sang glài. Mơya Bơtau tus tơnơ̆ añ gơs gơnoar pràn rlau mơ añ, añ ò di pal at gơltau jă Kơnràñ dê. Kơnràñ rơp lơh ƀaptem bol mê in mơ Yàng Hwềng Goh mơ ồs.

Jơnau Niam Jat Mak 1:5

Làm lơgar Jude mơ jơh làng bol tòm Jerusalem lòt tus hơ khai, yal glài he, mơ khai lơh ƀaptem bol hơ̆ in tòm hiòng Jordan.

Luka 1:16

Khai rơp lam oă kòn sau Israel rê wơl hơ Yàng la Yàng Tom Trồ bol khai dê;

Luka 3:16

gen Jang ho mơ tơl nă cau lah: “Añ lơh ƀaptem bol mê in mơ dà, mơya gơs dô Bơtau rơp tus gơs gơnoar pràn rlau mơ añ, añ ò pal hồ che gơltau jă Kơnràñ dê; Kơnàñ rơp lơh ƀaptem bol mê in mơ Yàng Hwềng Goh mơ ồs.

Broă 1:5

Bơh ngan Jang neh lơh ƀaptem mơ dà, mơya tòm dô êt ngai tai bol mê rơp gơs ƀaptem mơ Yàng Hwềng Goh.”

Broă 11:16

Gen añ kah wơl jơnau Yàng neh đơs lah: ‘Jang neh lơh ƀaptem mơ dà, mơya bol mê rơp gơs ƀaptem mơ Yàng Hwềng Goh.’

Broă 19:18

Tòm mpồl cau neh dòn gơs oă cau lòt tus yal glài mơ yal loh ală broă iơh he neh lơh.

Broă 22:16

Tŭ do, ñchi bơh tài bi gam gơn tai taih? Ntào tĕ, gơs ƀaptem mơ hòi dan tồ tồi glài bi geh rào goh.’”

I Kôrintô 10:2

jơh tơl nă bol khai gơs ƀaptem hơđơm mhwal mơ tòm dàlềng nàng jat Môise.

Kôlôse 2:12

Bơh oh mi neh kơnòm di ƀaptem mơ geh tơp bal mơ Kơnràñ, kung bơh hơ̆ neh geh kis wơl bal mơ Kơnràñ bơh bơta dòn di broă lơh gơnap gơnoar Yàng Tom Trồ dê, la Bơtau neh lơh Kơnràñ in kis wơl bơh bơta chơt.

Hebrơ 6:2

bơta bơto bơh ƀaptem, bơta ơn tê, bơta kis wơl bơh bơta chơt, mơ bơta cahrña gam sùm sùm.

Hebrơ 9:10

bơh hơ̆ la bơta sồr lam đah poac să dê gơwèt hơ ală phan sa, phan ñô, mơ bơta um rào, geh bơtào gơs jơl tus di tŭ tơngai Yàng Tom Trồ rơndap pa wơl.

Jakơ 5:16

Behơ̆ yal glài tĕ bal mơ gơp, mơ hòi dan tĕ bal mơ gơp, tồ ală oh mi in geh sơmbòi. Jơnau hòi dan cau song ring dê gơs gơnap gơnoar dờng ƀă tàm ngan.

Jôsue 7:19

Gen Jôsue đơs mơ Akan lah: “Ơ kòn klau añ jê, lơh gơklŏ tĕ Jehôwa Yàng Tom Trồ Israel dê, mơ yal glài tĕ mơ Kơnràñ; tŭ do yal tĕ añ in ñchi mê neh lơh, bañ pồn bơta hơ̆ bơh di añ.”

I Pier 3:21

Dà hơ̆ lơh rùp sơnio bơh bơta ƀaptem tòm tŭ do dong klàs oh mi, ò di la tă sang bơta ngkòr ngkàc poac să dê ò, mơya la dô bơta rac dan mơ Yàng Tom Trồ nàng gơs nùs tồr niam, kơnòm di bơta kis wơl Yàng Jesu Krist dê,

I Jang 1:9

Dilah bol he yal glài he dê, gen Kơnràñ la Bơtau lơh jat jơnau ho Kơnràñ dê mơ la Bơtau song ring rơp toh glài bol he in, mơ rào bol he in goh jơh ală bơta ò song ring.