Mathiơ 28:5 - Sră Goh 2018

⁵ Gen cau gơnrơh đơs mơ ală cau ùr hơ̆ lah: “Bañ rngòt, bơh añ git bol ai jòi Yàng Jesu, Bơtau neh kong pơng di chi pơng.

Mathiơ 28:5 Mawu Ofanana

Esai 35:4

Đơs tĕ mơ ală cau gơs nùs rngòt rngơt lah: “Kơ̆ tĕ nùs, bañ rngòt; do la Yàng Tom Trồ bol mê dê, Kơnràñ rơp tus nàng sal tê; bal mơ bơta rngòt cù kìr mơ bơta sal wơl. Kơnràñ rơp tus nàng dong klàs bol mê.”

Esai 41:10

Bañ rngòt, bơh Añ ơm bal mơ mê; bañ rngòt rngơt, bơh Añ la Yàng Tom Trồ mê dê. Añ rơp lơh mê in pràn kơldang, Añ rơp dong kòl mê mơ rơp yò tơngguh mê mơ tê ma pha lin rlau Añ jê.

Esai 41:14

Ơ tu rhài Jakôp dê, bañ rngòt! Ơ kih rhài Israel dê! Añ rơp dong kòl mê, Yàng Jehôwa behơ̆ đơs! Bơtau Dong Tơwài mê, la Bơtau Sàng Goh Israel dê đơs behơ̆.

Daniel 10:12

Gen khai đơs pơnjat tai lah: “Ơ Daniel, bañ rngòt, tài bơh di ngai sơnròp mơ mê neh jơh nùs jòi jat nàng git wă, mơ pơndêt să mê di đap Yàng Tom Trồ mê dê, gen ală jơnau mê dê neh geh kơno, mơ añ neh lòt tus nàng ho wơl mê in.

Daniel 10:19

Bơtau hơ̆ đơs mơ añ lah: “Ơ cau geh kòñ gơboh ngan, bañ rngòt, ơm tĕ lơngai. Pràn kơldang mơ khin cha tĕ!” Tòm tŭ Bơtau hơ̆ đơs mơ añ gen añ gơs wơl pràn kơldang mơ đơs lah: “Ơ Yàng añ jê, dan đơs tĕ, bơh Yàng neh ai añ in gơs pràn kơldang.”

Mathiơ 14:27

Yàng Jesu đơs mo mơ bol khai lah: “Kơ̆ tĕ nùs; Añ do, bañ rngòt.”

Mathiơ 28:10

Yàng Jesu đơs mơ bol khai lah: “Bañ rngòt, lòt tĕ yal ală oh mi Añ in tus hơ Galile; tềng hơ̆ bol khai rơp tìp Añ.”

Mathiơ 28:4

Ală cau ling drơng kơp rngòt rngơt, rơm să mơ gơlik be cau chơt.

Jơnau Niam Jat Mak 16:6

Cau hơ̆ đơs mơ bol khai lah: “Bañ rngòt, bol ai jòi Yàng Jesu Cau Nasaret, la Bơtau neh kong pơng di chi pơng. Kơnràñ neh kis wơl rau, ò ơm tềng do tai. Sền tĕ tiah neh tơp Kơnràñ.

Luka 1:30

Gen cau gơnrơh đơs lah: “Ơ Mari, bañ rngòt, bơh ai neh geh nđàc di đap Yàng Tom Trồ.

Luka 24:5

Bol khai nrơt rngòt ngan, drup mat di ù, gen bàr nă cau hơ̆ đơs mơ bol khai lah: “Ñchi bơh tài bol ai jòi cau kis digùl cau chơt taih?

Broă 2:24

Mơya Yàng Tom Trồ neh dong tă Kơnràñ bơh bơta jê sồt bơta chơt dê mơ lơh Kơnràñ in kis wơl, tài bơh bơta chơt ò rgơi kup Kơnràñ.

Hebrơ 1:14

Jơh ală cau gơnrơh hơ̆ ò di la ală hwềng òs duh broă, kong sồr lòt nàng dong broă ală cau rơp pơrdòn bơta dong klàs ò ơ?