3 Rùp să cau gơnrơh àng be puhlèp, mơ ào bò be piar.
Kơnràñ ngui càl lơh gơs cau kong sồr Kơnràñ dê, Ngui ồs mơ lơmpiat ồs lơh gơs cau duh broă Kơnràñ dê.
“Añ tơnggòr sền jơl tus di tŭ ală sơbàn neh ơn, mơ gơs Bơtau Yau Òr nggui hơđang sơbàn Kơnràñ dê. Ào Kơnràñ bò be piar, mơ sŏ di bồ Kơnràñ bò be sơnò belàt dê. Sơbàn Kơnràñ dê la ală lơmpiat ồs, mơ ală kong rơndeh la ồs hơng.
Kơnràñ srơh să di dap bol khai, muh mat Kơnràñ àng gơcrà be mattơngai, ào Kơnràñ gơlik bò be bơta àng.
Ală cau ling drơng kơp rngòt rngơt, rơm să mơ gơlik be cau chơt.
Behơ̆ bol khai mut tòm bơtô ƀồc, gŏ dô nă cau pơnu ơm nggui đah ma, soh ào jrùh bò gen bol khai rngòt ngan.
Ồi ào Kơnràñ dê gơlik àng lơr mơ bò gơcrà lul, tian gơs ò gơs cau chài pìh lơi ơm tòm ù rgơi pìh gơs bò behơ̆.
Gŏ bàr nă cau gơnrơh soh ào bò, dô nă nggui đah bồ, dô nă nggui đah jơng, di tiah neh tơmbic ƀồc Yàng Jesu.
Tŭ ală cau hơ̆ ơm tơnggòr sền hơđang trồ tòm tŭ Kơnràñ guh rê, nisơna gơs bàr nă cau klau soh ào bò ntào di gah bol khai,
Chòp añ gŏ dô nă cau gơnrơh pràn kơldang ndai mù bơh đang trồ, soh mhwal be ào, di bồ gơs dô nơm bơrlangkang, mat khai be mattơngai, mơ jơng khai be jrong ồs.
Tơnơ̆ mơ hơ̆, añ gŏ dô nă cau gơnrơh ndai mù bơh đang trồ, gơs gơnoar dờng ngan; bơta gơklŏ khai dê àng gơcrà làm jơh plai ù.
