Mathiơ 28:19 - Sră Goh 2018

¹⁹ Behơ̆, lòt tĕ lơh jơh ală làng bol in gơlik gơs cau bơtê Añ jê, ai sơnđan tĕ Yàng Bèp, Yàng Kòn mơ Yàng Hwềng Goh, lơh ƀaptem bol khai in.

Mathiơ 28:19 Mawu Ofanana

Sơnròp Gơlik Gơs 1:26

Yàng Tom Trồ đơs lah: “Bol He lơh gơs tĕ kòn mơnus be rùp He mơ tòm toh be He nàng khai at bồ ală ka tòm dàlềng, ală sềm hơđang trồ, ală phan poan jơng tòm hìu, ală phan poan jơng tòm brê hơđang ù, mơ ală phan wìn nsròng lam jơh ù tiah.”

Esai 48:16

Tus tĕ rềp mơ Añ mơ iat jơnau do: Bơh sơnròp Añ òhềt đơs tòm bơta ndơp ndơr; bơh di tŭ bơta hơ̆ gơlik gơs, Añ neh gơs tềng hơ̆ rau. Mơ tŭ do, Yàng Jehôwa At Bồ Hơđang Jơh neh sồr Añ, bal mơ Hwềng Kơnràñ dê.”

Esai 49:6

Kơnràñ đơs lah: “Hơ̆ la dô nơm broă dềt rhền mơ mê geh lơh gơs cau duh broă Añ jê nàng bơtào wơl ală jơi bơtiàn Jakôp dê, mơ cèng brê wơl ală cau Israel gam kis. Añ rơp lơh mê in gơs dô bơta àng ală làng bol in, tồ mê in cèng bơta dong klàs Añ jê tus hơ ală tiah lồi dut plai ù.”

Esai 52:10

Yàng Jehôwa rơp ràng tơlik tơwòr tê sàng goh Kơnràñ dê di đap mat jơh ală lơgar; mơ jơh ală tiah lồi dut plai ù rơp gŏ bơta dong klàs Yàng Tom Trồ bol he dê.

Mathiơ 13:52

Kơnràñ đơs tai lah: “Tài behơ̆ kòp nă cau bơto bơta boh lam mơ neh gơlik gơs cau bơtê lơgar đang trồ dê la kung be dô nă cau tòm hìu cèng tơlik ală phan pa mơ phan yau bơh tòm đam khai dê.”

Mathiơ 25:32

Jơh ală làng bol pơjum bal di đap Kơnràñ, gen Kơnràñ cah is làng bol do mơ làng bol ndai, kung be cau ê cah belàt mơ be,

Broă 1:2

jơl tus di ngai Kơnràñ geh guh rê hơđang trồ, tơnơ̆ mơ tŭ Kơnràñ kơnòm di Yàng Hwềng Goh nàng bơto sồr ală cau gơnoar bơto dờng Kơnràñ neh sac rwah.

Broă 1:8

Mơya tòm tŭ Yàng Hwềng Goh mù hơđang bol mê, gen bol mê rơp dòp geh gơnap gơnoar, mơ rơp lơh gơs cau lơh cơng bơh Añ tòm ƀòn dờng Jerusalem, jơh lơgar Jude, lơgar Samari, jơl tus làm plai ù.”

Broă 14:21

Tòm tŭ bàr nă cau gơnoar bơto dờng neh sir bơto Jơnau Niam tòm ƀòn dờng hơ̆ rau, mơ lơh oă cau gơlik gơs cau bơtê, gen rê wơl hơ Listrơ, Ikôni mơ Antiôt,

Broă 2:41

Behơ̆ ală cau dòn jơnau hơ̆ gen gơs ƀaptem; mơ tòm ngai hơ̆ gơs pơgap pe rbô nă cau bơtơl tai tòm mpồl bol khai.

Broă 28:28

Behơ̆ oh mi git tĕ lah bơta dong klàs do Yàng Tom Trồ dê neh geh lòt tus hơ cau làng bol bơdìh; mơ bol khai kung rơp iat sơl.” [

Broă 9:18

Tŭ hơ̆ mo gơs phan be ngkàp rung bơh di mat khai, gen khai geh àng mat wơl; lồc behơ̆ khai ntào mơ gơs ƀaptem.

Rôma 10:18

Mơya añ lùp lah: Bol khai òhềt kơno ơ? Ngan neh kơno rau, “Jơnau ntas bol khai dê neh pơnro làm ù, Mơ jơnau bol khai dê neh gơyal tơlik làm jơh dunnia.”

I Kôrintô 15:29

Dilah ò behơ̆, gen ñchi kwơ cau gơs ƀaptem ala cau chơt in taih? Dilah ngan ală cau chơt ò geh kis wơl, gen ñchi bơh tài gơs cau tài bơh bol khai mơ gơs ƀaptem taih?

Galati 3:27

Cau lơi tòm oh mi neh gơs ƀaptem tòm Bơtau Krist hơ̆ la neh dòp soh să tòm Bơtau Krist.

Ephesô 2:18

Bơh kơnòm di Kơnràñ mơ bol he jơh bàr đah tòm dô nă Yàng Hwềng mơ geh mut di đap Yàng Bèp.

Kôlôse 1:23

Mìng la oh mi kư̆ ơm tòm bơta dòn, kơ̆ cê, ò gơlơnggac lơnggơr, ò gơtơrđeh bơh bơta gơn kơnòm tòm Jơnau Niam mơ oh mi neh kơno, gơ neh geh bơto yal digùl jơh ală làng bol hơđơm trồ; să tòm añ la Pol kung neh geh lơh gơs cau gơnoar duh broă Jơnau Niam hơ̆ dê.

I Pier 3:21

Dà hơ̆ lơh rùp sơnio bơh bơta ƀaptem tòm tŭ do dong klàs oh mi, ò di la tă sang bơta ngkòr ngkàc poac să dê ò, mơya la dô bơta rac dan mơ Yàng Tom Trồ nàng gơs nùs tồr niam, kơnòm di bơta kis wơl Yàng Jesu Krist dê,

I Jang 5:7

Yàng Hwềng lơh cơng, tài bơh Yàng Hwềng la jơnau song.