Mathiơ 28:18 - Sră Goh 2018

¹⁸ Yàng Jesu tus, đơs mơ bol khai lah: “Jơh gơnoar hơđang trồ mơ tòm ù neh jào Añ in.

Mathiơ 28:18 Mawu Ofanana

Đơs Crih 89:19

Tòm rài yau, tòm bơta gơtơnggŏ, gơs Yàng đơs mơ cau dòn song Kơnràñ dê lah: “Añ neh tơndau sơgơn bơtau hơđang dô nă cau gơs gơnoar pràn, Añ neh yò tơngguh dô nă cau geh sac rwah bơh digùl làng bol.

Đơs Crih 89:27

Mơ Añ rơp lơh khai in gơlik gơs kòn tơnhoa Añ jê, Gơlik gơs bơtau hơđang rlau jơh mơ ală cau bơtau tòm plai ù.

Jơnau Pơnđik 8:15

Kơnòm di añ, ală cau bơtau at bồ, mơ ală cau at bồ tơlik gơnoar sồr song ngan.

Mathiơ 11:27

Bèp Añ neh jào jơh ală bơta Añ in; rlau mơ Bèp, ò gơs cau lơi git Kòn. Rlau mơ Kòn, cau lơi Kòn kòñ yal tơlik, kung ò gơs cau lơi git Bèp.

Mathiơ 16:28

Di ngan Añ đơs mơ bol mê, tòm ală cau ntào tềng do, gơs cau rơp ò chơt lài mơ tŭ gŏ Kòn Mơnus tus tòm lơgar Khai dê.”

Mathiơ 26:64

Yàng Jesu ho lah: “Ngan be ồng neh đơs. Mơya Añ đơs mơ bol mê, bơh do jơl hìng nau bol mê rơp gŏ Kòn Mơnus nggui đah ma Bơtau Gơnap Gơnoar dê, ơm hơđang mhwal trồ mơ tus.”

Luka 10:22

Bèp Añ jào jơh ală bơta Añ in; rlau mơ Bèp ò gơs cau lơi git Kòn la ñcau; rlau mơ Kòn mơ cau lơi Kòn kòñ yal tơlik gen kung ò gơs cau lơi git Bèp la ñcau sơl.”

Jang 13:3

Yàng Jesu git lah Bèp neh jào jơh ală bơta tòm tê Kơnràñ, mơ Kơnràñ bơh Yàng Tom Trồ mơ tus, kung rơp rê wơl hơ Yàng Tom Trồ,

Jang 17:2

Bơh Bèp neh ai Kòn in gơnoar hơđang jơh ală poac să, nàng ai bơta kis gam sùm sùm ală cau mơ Bèp neh ai Kòn in.

Jang 3:31

Cau bơh đang tus la hơđang rlau jơh. Cau bơh ù lik la bal mơ ù, đơs kung la bal mơ ù; ai Cau bơh đang trồ tus la hơđang rlau jơh.

Jang 3:35

Bèp kòñ gơboh di Kòn mơ neh jào jơh ală bơta tòm tê Kơnràñ.

Broă 10:36

Yàng Tom Trồ ai Jơnau Kơnràñ dê kòn sau Israel in, bơto yal Jơnau Niam lơngap lơngai, bơh Yàng Jesu Krist la Yàng jơh tơl nă cau dê

Broă 2:36

Behơ̆, jơh hìu Israel git tĕ nền lah Jesu do, la Bơtau ală oh mi neh pơng di chi pơng, gen Yàng Tom Trồ neh bơtào lơh gơs Yàng mơ Bơtau Krist.”

Rôma 14:9

Bơtau Krist neh chơt mơ neh kis wơl, nàng lơh gơs Yàng cau chơt mơ cau kis in sơl.

I Kôrintô 15:27

Bơh Sră Goh cih lah: “Yàng Tom Trồ ơn jơh ală phan hơđơm jơng Bơtau Krist.” Mơya tòm tŭ Kơnràñ đơs lah: “Jơh ală phan pal dòn duh Kơnràñ, gen loh làng lah ò kòp să tòm Yàng Tom Trồ la Bơtau neh ơn jơh ală phan dòn duh Bơtau Krist.”

Kôlôse 2:10

Oh mi kung geh bềng tơl tòm Kơnràñ, la Bơtau lam bồ jơh ală gơnoar at bồ, mơ jơh ală gơnoar.

Hebrơ 1:2

tus di ală ngai lồi dut do Kơnràñ đơs mơ bol he bơh Kòn mơ Kơnràñ neh pồ bơtào nàng pơrdòn jơh ală phan, kung kơnòm di Kòn mơ Kơnràñ neh crơng gơs dunnia.

Hebrơ 2:8

Ơn jơh ală phan dòn duh hơđơm jơng Khai.” Kơnràñ neh ơn jơh ală phan dòn duh Khai, gen ò lòi dô nơm phan lơi ò dòn duh Khai. Mơya tòm tŭ do bol he òhềt gŏ jơh ală phan dòn duh Khai.

I Pier 3:22

la Bơtau neh guh hơ trồ, tŭ do ơm nggui đah ma Yàng Tom Trồ; ală cau gơnrơh, ală gơnoar at bồ, mơ ală gơnoar pràn dòn duh Kơnràñ.

Yal Tơlik 11:15

Cau gơnrơh dơ̆ poh uh kơlwòk, gen gơs ală jơnau dờng hơđang trồ đơs lah: “Lơgar bơtau dunnia dê neh gơlik lơgar Yàng bol he dê mơ Bơtau Krist Kơnràñ dê, Kơnràñ rơp at bồ jơl sùm sùm.”

Yal Tơlik 17:14

Bol khai rơp tòmlơh mơ Belàt Kòn. Belàt Kòn rơp geh pha lin rlau, bơh Kơnràñ la Yàng ală yàng dê, Bơtau ală bơtau dê; mơ ală cau ơm bal mơ Kơnràñ la ală cau geh hòi sac, sac rwah mơ dòn song.”

Yal Tơlik 19:16

Hơđang ào mơ di bơnô Kơnràñ dê gơs cih dô sơnđan lah: BƠTAU ALĂ BƠTAU DÊ MƠ YÀNG ALĂ YÀNG DÊ.