Mathiơ 27:32 - Sră Goh 2018

³² Tòm tŭ lik lòt, bol khai tìp dô nă cau Siren sơnđan la Simôn, mơ kup bơklơn khai tui chi pơng Kơnràñ dê.

Mathiơ 27:32 Mawu Ofanana

I Ală Bơtau 21:10

ơn tĕ di đap mat khai bàr nă cau gơlềng gơlàng lơh cơng blac tòmdră mơ khai, lah: ‘Mê neh srat rma Yàng Tom Trồ mơ bơtau.’ Gen lam tĕ khai lik bơh ƀòn, cơm lŭ jơl chơt tơn.”

I Ală Bơtau 21:13

Bàr nă cau gơlềng gơlàng tus nggui di đap Nabôt, mơ bol khai yă blac tòmdră mơ Nabôt di đap làng bol, lah: “Nabôt neh srat rma Yàng Tom Trồ mơ bơtau.” Gen bol khai lam Nabôt lik hơ bơdìh ƀòn dờng, mơ cơm lŭ tơnchơt khai.

Lebi 4:12

hơ̆ la jơh ală phan gam wơl bơh di kơnrồ, khai pal cèng tus hơ đah bơdìh tiah sàl ơm, tus di tiah neh ơn is sàng goh, la tiah tuh sang bùh, mơ chu gơtòm lòng ồs sa hơđang gơnru bùh.

Lebi 4:21

Lồc behơ̆, khai rơp cèng kơnrồ dam hơ đah bơdìh tiah sàl ơm mơ chu gơtòm ồs kung be khai neh chu kơnrồ ne. Hơ̆ la phan ơn tơwài glài mpồl làng bol dê.

Lebi 4:3

Dilah la cau gơnoar ơn phan duh khoai neh geh bong mơñà mơ tìs glài, cèng bơta tồi glài hơ̆ hơđang làng bol in, gen khai pal cèng Yàng Jehôwa in dô nơm kơnrồ dam gam dềt ò gơs tềl sồt lơh gơs phan ơn duh khoai tơwài glài mơ khai neh tìs.

Mathiơ 16:24

Chòp Yàng Jesu đơs mơ ală cau bơtê lah: “Dilah cau lơi kòñ jat Añ, gen pơndang sang tĕ să he, tui chi pơng he mơ jat Añ.

Mathiơ 5:41

Hala cau lơi kòñ kup mê lòt dô kơsồ, gen lòt tĕ bàr kơsồ bal mơ khai.

Jơnau Niam Jat Mak 15:21

Gơs dô nă cau sơnđan la Simôn cau Siren, la bèp Aleksandria mơ Ruphus, bơh ƀòn dềt guh hơ ƀòn dờng, lòt gan tềng hơ̆; cau ling kup bơklơn khai tui chi pơng Yàng Jesu dê.

Luka 23:26

Tòm tŭ bol khai cèng Yàng Jesu lòt, gen kup dô nă cau Siren sơnđan la Simôn, rê mut tòm ƀòn dờng, tơntui chi pơng hơđang khai, sồr lòt jat tơnơ̆ Kơnràñ.

Jang 19:17

Yàng Jesu tui chi pơng lòt tus hơ Dòr Ntìng Bồ, jơnau Hebrơ sơnđan la Gôgôtha.

Broă 11:20

Bulah behơ̆, tòm mpồl ală cau hơ̆ gơs cau ƀà ơm tòm Ciprus mơ Siren lòt tus hơ Antiôt, kung bơto Jơnau Niam cau Grek in sơl, mơ bơto yal bơh Yàng la Yàng Jesu bol khai in.

Broă 13:1

Tòm Hìu Jum Goh Antiôt gơs ală cau gơnoar hwơr mơ ală cau bơto; hơ̆ la Banaba, Simeôn sơnđan la Nije, Lusius cau Siren, Manahen la oh ròng Herôt bơtau oh dê, mơ Sol sơl.

Broă 2:10

Phriji, Pamphili, Ejiptơ, tiah Libi rềp Siren, mơ ală cau nac tus bơh Rôma,

Broă 6:9

Tŭ hơ̆ gơs mpồl cau tòm hìu jum sơnđan la hìu jum bơnòr khat gơboh dê, bal mơ cau Siren mơ cau Aleksandria dê, mơ ală cau Juda ơm tòm lơgar Silisi mơ lơgar Asi, ntào pơndang mơ Etien.

Broă 7:58

hwài tơlik hơ bơdìh ƀòn dờng, gen cơm lŭ di khai. Ală cau lơh cơng ơn ồi ào bol khai di jơng dô nă cau pơnu sơnđan la Sol.