Mathiơ 27:30 - Sră Goh 2018

³⁰ Bol khai choh hơđang Kơnràñ, ai gai proh pù di bồ Kơnràñ.

Mathiơ 27:30 Mawu Ofanana

Esai 49:7

Yàng Jehôwa đơs be do: Bơtau Dong Tơwài Israel dê mơ la Bơtau Sàng Goh Kơnràñ dê, mơ cau kong sền òsơp, kong ƀòn lơgar sền ngkòr ngkàc cù kìr, la dĭ gơna ală cau kwang at bồ, lah: “Ală cau bơtau rơp gŏ mê mơ ñă ntào, ală cau kwang dờng rơp gŏ mơ tơmbic să, tài bơh Yàng Jehôwa la Bơtau dòn song, Bơtau Sàng Goh Israel dê la Bơtau neh sac rwah mê.”

Esai 50:6

Añ neh ai ngkòi Añ cau in pù lơh, ai tơrmồ Añ cau in dŭi sơnò tềp; Añ ò pồn mat bơh di cau dơñŏ tơnhial mơ choh dà diau hơđang Añ.

Esai 52:14

Kung be gơs oă cau gŏ Kơnràñ mơ ai lơh krơi, muh mat Kơnràñ ò niam rlau mơ jơh ală cau ndai, rùp să Kơnràñ ò gam be rùp să kòn mơnus tai.

Esai 53:3

Kơnràñ neh kong cau sền òsơp mơ sang lòi, git làm bơta moat jrùng, mòng mơ bơta jê sồt; be dô nă cau neh kong sền òsơp kung be cau mơ kòn mơnus pồn mat ò bài sền; bol he kung sền òsơp di Kơnràñ sơl.

Esai 53:7

Kơnràñ neh kong rồn bơklơn mơ neh kong pơnjê pơngkồr, bulah behơ̆ Kơnràñ neh ò pò bơr Kơnràñ dê; Kơnràñ neh kong tề kung be dô nơm belàt kòn tus hơ tiah lơh poac, kung be dô nơm belàt ơm mŏ mŏ di đap cau siat sơnò gơ, Kơnràñ neh ò pò bơr Kơnràñ dê.

Mice 5:1

Tŭ do, bol mê gơrwàng gùt dar be dô nơm dơrñang! Gơrwàng tòmdră mơ bol hi; Bol khai ai gai pòng di tơrmồ cau at bồ Israel dê.

Mathiơ 26:67

Gen bol khai choh di mat Kơnràñ mơ pòng lơh di Kơnràñ; cau ƀà pah Kơnràñ,

Jơnau Niam Jat Mak 10:34

Bol khai rơp dơñŏ tơnhial di Khai, choh di Khai, pù lơh Khai mơ tơnchơt tơn. Mơya tơnơ̆ mơ pe ngai Khai rơp kis wơl.”

Jơnau Niam Jat Mak 14:65

Gơs cau choh di Kơnràñ, lềt mat Kơnràñ, tap di Kơnràñ mơ đơs mơ Kơnràñ lah: “Đơs hwơr tĕ ih!” Ală cau ling sơmbat di Kơnràñ mơ pah Kơnràñ.

Jơnau Niam Jat Mak 15:19

Bol khai ai gai proh pù di bồ Kơnràñ, choh di Kơnràñ, mơ cùn khoai di đap Kơnràñ.