Mathiơ 27:29 - Sră Goh 2018

²⁹ Bol khai tàñ dô nơm sơgơn mơ lò tơndau di bồ Kơnràñ, mơ ơn dô nơm gai proh tòm tê ma Kơnràñ. Bol khai cùn gơltang di đap Kơnràñ mơ dơñŏ tơnhial lah: “Khoai Bơtau làng bol Juda dê!”

Mathiơ 27:29 Mawu Ofanana

Đơs Crih 69:7

Hơ̆ la tài bơh Kơnràñ mơ añ kong cau bơtat bơtròh, Mơ kòl bơta ƀàssìl gơ jơm hơđang mat añ.

Esai 49:7

Yàng Jehôwa đơs be do: Bơtau Dong Tơwài Israel dê mơ la Bơtau Sàng Goh Kơnràñ dê, mơ cau kong sền òsơp, kong ƀòn lơgar sền ngkòr ngkàc cù kìr, la dĭ gơna ală cau kwang at bồ, lah: “Ală cau bơtau rơp gŏ mê mơ ñă ntào, ală cau kwang dờng rơp gŏ mơ tơmbic să, tài bơh Yàng Jehôwa la Bơtau dòn song, Bơtau Sàng Goh Israel dê la Bơtau neh sac rwah mê.”

Esai 53:3

Kơnràñ neh kong cau sền òsơp mơ sang lòi, git làm bơta moat jrùng, mòng mơ bơta jê sồt; be dô nă cau neh kong sền òsơp kung be cau mơ kòn mơnus pồn mat ò bài sền; bol he kung sền òsơp di Kơnràñ sơl.

Jeremi 20:7

Ơ Yàng Jehôwa, Kơnràñ neh bơto pơndòm añ, Mơ añ neh geh bơto pơndòm; Kơnràñ pràn rlau mơ añ mơ Kơnràñ neh geh pha. Jơh ngai añ gơlik bơta dơñŏ tơnhial, Cau lơi kung bơtat bơtròh añ.

Mathiơ 20:19

bơtào Kơnràñ cau làng bol bơdìh in dơñŏ tơnhial, pù lơh mơ pơng hơđang chi pơng. Tus di ngai pe Kơnràñ rơp geh kis wơl.”

Mathiơ 26:49

Juda tus rềp mo di Yàng Jesu mơ đơs lah: “Rabi, niam să sơl?” Gen cum Kơnràñ.

Mathiơ 27:37

Hơđang chi pơng Kơnràñ geh cih tơnggume bơta lơh nền glài lah: “DO LA JESU, BƠTAU LÀNG BOL ISRAEL DÊ.”

Jơnau Niam Jat Mak 15:17

Bol khai tơnggòc Yàng Jesu in dô nơm ào gur, mơ tơndau di bồ Kơnràñ dô nơm sơgơn mơ lò bol khai neh tàñ,

Jơnau Niam Jat Mak 15:18

lồc behơ̆, bol khai khoai Kơnràñ lah: “Bơtau làng bol Juda, kis jŏ jòng!”