Mathiơ 26:72 - Sră Goh 2018

⁷² Mơ Pier srat să pơndang tai lah: “Añ ò git cau hơ̆ ò.”

Mathiơ 26:72 Mawu Ofanana

Lik Ejiptơ 20:7

Bol mê bañ ngui sơnđan Jehôwa Yàng Tom Trồ bol mê dê dô bă ò di pal, bơh Yàng Jehôwa rơp ò toh glài cau lơi in ngui sơnđan Kơnràñ dê dô bă ò di pal.

Esai 48:1

Ơm iat jơnau do, ơ hìu Jakôp, la cau geh hòi jat sơnđan Israel; mơ neh geh lik bơh tòm ryas Juda, la cau ai sơnđan Yàng Jehôwa mơ srat să, mơ hòi lùp Yàng Tom Trồ Israel dê, mơya ò di bơh jơnau song hala bơta song ring.

Sacari 8:17

Bañ rơndap bơta iơh tòmdră mơ cau gơp ƀòn bol mê dê; mơ bañ gơboh bơta srat să ma blac. Añ gơjrañ di jơh ală bơta hơ̆,” Yàng Jehôwa đơs behơ̆.

Malaci 3:5

Gen, Añ rơp tus rềp mơ bol mê nàng cahrña. Añ rơp sơrbac sơrbang lơh cơng tòmdră mơ ală cau gru jơnang, ală cau rềs àr dri tơlàr mơ ală cau srat să ma blac, tòmdră mơ ală cau sa kơñau jền tơngai cau lơh broă ơpah dê, rồn bơklơn ală cau ùr bơnrau mơ cau kòn đòi, ò lơh song ring gơwèt mơ cau ơm tòp, mơ ò duh rngòt di Añ,” Yàng Jehôwa Gơnap Gơnoar Dờng Làm Jơh đơs behơ̆.

Mathiơ 26:71

Tòm tŭ khai tus hơ rơng hìu dờng, gơs dô nă cau dĭ ùr ndai gŏ khai, gen đơs mơ ală cau ơm tềng hơ̆ lah: “Cau do kung ơm bal mơ Jesu cau Nasaret sơl.”

Mathiơ 26:73

Dô ơthoa tai, ală cau ntào tềng hơ̆ tus đơs mơ Pier lah: “Ngan mê kung bal mơ mpồl hơ̆, bơh sap đơs mê yal tơlik mê.”

Mathiơ 26:74

Gen khai srat rma mơ srat să lah: “Añ ò git cau hơ̆ ò.” Tŭ hơ̆ iar nrau mo.

Luka 22:34

Kơnràñ đơs lah: “Ơ Pier, Añ đơs mơ mê, ngai do tŭ iar òhềt nrau, gen mê rơp pơndang pe dơ̆ lah ò git Añ.”