Mathiơ 26:64 - Sră Goh 2018

⁶⁴ Yàng Jesu ho lah: “Ngan be ồng neh đơs. Mơya Añ đơs mơ bol mê, bơh do jơl hìng nau bol mê rơp gŏ Kòn Mơnus nggui đah ma Bơtau Gơnap Gơnoar dê, ơm hơđang mhwal trồ mơ tus.”

Mathiơ 26:64 Mawu Ofanana

Đơs Crih 110:1

Yàng Jehôwa đơs mơ Yàng añ lah: “Nggui tĕ đah ma Añ, Jơl tus di tŭ Añ ơn ală cau sò tơm mê lơh gơs kơrnòl jơng mê dê.”

Esai 19:1

Dô jơnau đơs hwơr bơh Ejiptơ: “Ne, Yàng Jehôwa hào hơđang dô puk mhwal tus mhar hơ Ejiptơ. Ală rùp ràk Ejiptơ dê rơm să rngòt di đap Kơnràñ, mơ nùs cau Ejiptơ dê lề lac tòm bol khai.

Daniel 7:13

Tòm bơta gơtơnggŏ tòm trồ mang, Añ kung gŏ dô Bơtau gơs rùp să be Kòn mơnus tus digùl ală puk mhwal hơđang trồ. Kơnràñ guh tus hơ Bơtau Yau Òr, mơ geh tơlik mat di đap Bơtau hơ̆.

Mathiơ 16:27

Bơh Kòn Mơnus rơp ai bơta gơklŏ Bèp Khai dê mơ tus bal mơ ală cau gơnrơh. Gen Khai rơp ai phan ƀàn kòp nă cau in jat be broă bol khai neh lơh.

Mathiơ 16:28

Di ngan Añ đơs mơ bol mê, tòm ală cau ntào tềng do, gơs cau rơp ò chơt lài mơ tŭ gŏ Kòn Mơnus tus tòm lơgar Khai dê.”

Mathiơ 22:44

‘Yàng neh đơs mơ Yàng añ lah: Nggui tĕ đah ma Añ, Jơl tus di tŭ Añ ơn ală cau sò tơm mê hơđơm mpàng jơng mê dê.’

Mathiơ 24:30

Tŭ hơ̆ tềl sơnio Kòn Mơnus dê rơp gơtơlik hơđang trồ, jơh ală jơi bơtiàn tòm ù rơp tur ntơh ñìm rac, mơ gŏ Kòn Mơnus ai gơnap gơnoar mơ bơta gơklŏ dờng ơm hơđang mhwal trồ mơ tus.

Mathiơ 25:31

“Tòm tŭ Kòn Mơnus ơm tòm bơta gơklŏ Kơnràñ dê tus bal mơ jơh ală cau gơnrơh, gen Kơnràñ rơp nggui hơđang sơbàn gơklŏ.

Mathiơ 26:25

Juda la cau pơrlơ̆ dră di Kơnràñ lùp lah: “Ơ Rabi, hơ̆ la añ ơ?” Kơnràñ ho lah: “Ngan be mê neh đơs.”

Mathiơ 27:11

Yàng Jesu ntào di đap cau kwang đơng lơgar. Cau kwang lùp lah: “Mê ngan la Bơtau làng bol Juda dê sơl?” Yàng Jesu ho lah: “Ngan be ồng đơs.”

Mathiơ 28:18

Yàng Jesu tus, đơs mơ bol khai lah: “Jơh gơnoar hơđang trồ mơ tòm ù neh jào Añ in.

Mathiơ 8:20

Yàng Jesu đơs lah: “Pì gơs trồm, sềm gơs rsòn, mơya Kòn mơnus ò gơs tiah gòl bồ.”

Jơnau Niam Jat Mak 14:62

Yàng Jesu ho lah: “Añ la cau hơ̆. Ală ồng rơp gŏ Kòn Mơnus nggui đah ma Bơtau Gơnap Gơnoar dê, ơm tòm mhwal trồ mơ tus.”

Luka 21:27

Tòm tŭ hơ̆, cau rơp gŏ Kòn Mơnus ai gơnap gơnoar dờng mơ bơta gơklŏ ryŭ ryơm ơm tòm mhwal mơ tus.

Luka 22:69

Mơya bơh do jơl hìng nau Kòn mơnus rơp nggui đah ma gơnap gơnoar Yàng Tom Trồ dê.”

Luka 22:70

Tơl nă cau lùp lah: “Behơ̆ mê la Kòn Yàng Tom Trồ ơ?” Kơnràñ ho lah: “Să tòm ală ồng neh đơs behơ̆.”

Jang 18:37

Gen Pilat đơs lah: “Behơ̆ gen mê la Bơtau ơ?” Yàng Jesu ho lah: “Be jơnau ồng đơs, Añ la Bơtau. Tài bơh hơ̆ mơ Añ neh lik lìng mơ kung tài bơh hơ̆ mơ Añ neh lòt tus tòm dunnia nàng lơh cơng bơh jơnau song. Kòp nă cau lơi bal mơ jơnau song gen iat jơnau đơs Añ jê.”

Broă 1:11

mơ đơs lah: “Ơ cau Galile, ñchi bơh tài bol mê ntào tơnggòr sền hơđang trồ behơ̆ taih? Jesu do neh geh guh rê hơđang trồ bơh digùl bol mê, gen kung rơp rê wơl be bol mê neh gŏ Kơnràñ guh rê hơđang trồ hơ̆ sơl.”

Rôma 14:10

Mơya mbe mê cahrña di oh mi he dê taih? Ai mê, mbe mê sền òsơp di oh mi he taih? Bơh jơh tơl nă bol he rơp ntào di đap sơbàn cahrña Yàng Tom Trồ dê.

I Tesalônika 4:16

Bơh să tòm Yàng rơp mù bơh đang trồ bal mơ jơnau driau sồr mơ jơnau hòi cau gơnrơh dờng rlau jơh dê, bal mơ ntas kơlwòk Yàng Tom Trồ dê, gen ală cau chơt tòm Bơtau Krist rơp kis wơl lài.

Hebrơ 1:3

Kòn hơ̆ pơnđàng wơl bơta gơklŏ Yàng Tom Trồ dê, mơ la rùp tòm toh ngan să tòm Yàng Tom Trồ dê. Kòn hơ̆ ai jơnau gơnap gơnoar Kơnràñ dê đo jơh ală phan. Tơnơ̆ mơ tŭ neh lơh sir bơta rào goh glài rau, gen nggui đah ma Yàng Tom Trồ Bơtau Gơnap Gơnoar dờng rlau jơh hơđang trồ,

Hebrơ 12:2

sền song tĕ di Yàng Jesu, la Bơtau sơnròp mơ lơh wil tơl bơta dòn, bơh bơta hòn chò neh ơn di đap Kơnràñ, mơ kong jai chi pơng, sền òsơp di bơta bơtat bơtròh, mơ ơm nggui đah ma sơbàn Yàng Tom Trồ dê.

Yal Tơlik 1:7

Ne, Kơnràñ ơm tòm mhwal mơ tus, mơ jơh ală gar mat rơp gŏ Kơnràñ, ală cau neh hwit Kơnràñ kung gŏ sơl; mơ jơh ală jơi bơtiàn tòm plai ù rơp ñìm rac bơh Kơnràñ. Ngan behơ̆. Amen.

Yal Tơlik 20:11

Chòp añ gŏ dô nơm sơbàn dờng mơ bò bal mơ Bơtau nggui hơđang sơbàn; trồ tiah dô jơh bơh di đap Kơnràñ, ò gơs tiah lơi bol gơ in tai.