Mathiơ 26:61 - Sră Goh 2018

⁶¹ Mơ đơs lah: “Cau do neh đơs: ‘Añ rgơi sòr tơrlah hìu duh khoai Yàng Tom Trồ dê gen bơtào gơs wơl tòm pe ngai.’”

Mathiơ 26:61 Mawu Ofanana

Sơnròp Gơlik Gơs 19:9

Làng bol đơs lah: “Mê pleh tĕ!” Mơ đơs tai: “Cau do neh tus tềng do be cau ơm ing mơ kòñ lơh gơs cau cahrña sơl ơ? Behơ̆ bol hi rơp lơh di mê iơh rlau mơ bàr nă cau ne.” Gen bol khai chồl jơlềt Lot mơ lòt tus nàng wà mpồng.

I Ală Bơtau 22:27

mơ đơs tĕ lah: ‘Bơtau đơs be do: Ơn tĕ cau do tòm hìu jàm, ròng siam mơ phan sa tă pơndut gam dô êt jơl tus añ rê wơl lơngap lơngai.’”

II Ală Bơtau 9:11

Tòm tŭ Jehu rê wơl hơ ală cau kwang cau tòm khai dê. Bol khai lùp lah: “Ală bơta lơngap lơngai sơl ơ? Ñchi bơh tài cau sơnrang do tus jòi bi taih?” Jehu ho mơ bol khai lah: “Bol mê git khai mơ mbe jơnau khai neh đơs.”

Esai 49:7

Yàng Jehôwa đơs be do: Bơtau Dong Tơwài Israel dê mơ la Bơtau Sàng Goh Kơnràñ dê, mơ cau kong sền òsơp, kong ƀòn lơgar sền ngkòr ngkàc cù kìr, la dĭ gơna ală cau kwang at bồ, lah: “Ală cau bơtau rơp gŏ mê mơ ñă ntào, ală cau kwang dờng rơp gŏ mơ tơmbic să, tài bơh Yàng Jehôwa la Bơtau dòn song, Bơtau Sàng Goh Israel dê la Bơtau neh sac rwah mê.”

Esai 53:3

Kơnràñ neh kong cau sền òsơp mơ sang lòi, git làm bơta moat jrùng, mòng mơ bơta jê sồt; be dô nă cau neh kong sền òsơp kung be cau mơ kòn mơnus pồn mat ò bài sền; bol he kung sền òsơp di Kơnràñ sơl.

Mathiơ 12:24

Tòm tŭ ală cau Pharisi kơno jơnau hơ̆ gen đơs lah: “Cau do mìng kơnòm di Beeljebul la bơtau cà mơ bơtrơh cà.”

Mathiơ 26:62

Cau gơnoar dờng lam bồ ơn phan duh khoai ntào đơs mơ Kơnràñ lah: “Mê ò ho wơl jơnau ală cau do lơh cơng yă mê ơ?”

Mathiơ 26:71

Tòm tŭ khai tus hơ rơng hìu dờng, gơs dô nă cau dĭ ùr ndai gŏ khai, gen đơs mơ ală cau ơm tềng hơ̆ lah: “Cau do kung ơm bal mơ Jesu cau Nasaret sơl.”

Mathiơ 27:40

mơ đơs lah: “Mê la cau sòr tơrlah hìu duh khoai mơ bơtào gơs wơl tòm pe ngai, dong klàs tĕ să tòm mê! Dilah mê la Kòn Yàng Tom Trồ, mù tĕ bơh chi pơng.”

Mathiơ 27:5

Gen Juda sơrbì ală pet priă tòm hìu duh khoai, mơ lik lòt yồng ngko.

Jơnau Niam Jat Mak 14:58

“Bol hi neh kơno khai đơs lah: ‘Añ rơp sòr tơrlah hìu duh khoai bơh tê cau bơt do; tòm pe ngai Añ rơp bơtào gơs wơl dô nơm hìu duh khoai ndai ò di bơh tê cau bơt.’”

Jơnau Niam Jat Mak 15:29

Ală cau lòt gan tềng hơ̆ dơñŏ tơnhial di Yàng Jesu, rtơs bồ mơ đơs lah: “Hơi! Mê la cau sòr tơrlah hìu duh khoai mơ bơtào gơs wơl tòm pe ngai,

Luka 23:2

Bol khai yă Kơnràñ lah: “Bol hi neh gŏ cau chồl bơtrut làng bol hi dê, bơkơŭ boh dia Sesa in, mơ khai sơnđan is să khai la Krist la Bơtau.”

Jang 9:29

Bol hi git Yàng Tom Trồ neh đơs mơ Môise, ai cau do gen bol hi ò git bơh lơi mơ tus.”

Broă 17:18

Gơs ală cau bơto tòm mpồl cau Epikurien mơ cau Stoic kung tòm pơndang mơ khai. Cau ƀà lùp lah: “Ñchi cau jak đơs do kòñ đơs taih?” Cau ƀà tai đơs lah: “Gơlơh be khai bơto yal bơh ală yàng lơgar bơdìh,” tài bơh Pol bơto yal Jơnau Niam bơh Yàng Jesu mơ bơta kis wơl.

Broă 18:13

mơ yă lah: “Cau do bơchồt làng bol duh khoai Yàng Tom Trồ tìs mơ bơta boh lam.”

Broă 22:22

Bol khai iat Pol tus di jơnau hơ̆, gen hòi driau lah: “Tơnroh tĕ cau be do bơh di plai ù! Khai ò di pal kis tai!”