Mathiơ 26:55 - Sră Goh 2018

⁵⁵ Tòm jơ hơ̆ Yàng Jesu đơs mơ mpồl làng bol lah: “Bol mê at đào mơ gai tus kup Añ be kup cau phà ơ? Kòp ngai Añ neh nggui bơto sồr tòm hìu duh khoai mơ bol mê ò kup Añ.

Mathiơ 26:55 Mawu Ofanana

Mathiơ 21:23

Dơ̆ Yàng Jesu mut tòm hìu duh khoai, tòm tŭ Kơnràñ bơto sồr gen gơs ală cau gơnoar lam bồ ơn phan duh khoai mơ ală cau kwang kra tòm làng bol tus lùp lah: “Bơh gơnoar lơi mơ ồng lơh ală bơta do, mơ ñcau neh ai ồng in gơnoar hơ̆ taih?”

Mathiơ 26:47

Tòm tŭ Kơnràñ gam đơs, gen Juda la dô nă cau tòm jơt bàr nă cau bơtê, tus bal mơ dô mpồl cau oă at đào mơ gai, tus bơh ală cau gơnoar lam bồ ơn phan duh khoai mơ ală cau kwang kra làng bol dê.

Jơnau Niam Jat Mak 10:1

Yàng Jesu ñă bơh hơ̆ lòt tus hơ kơnhwàl Jude mơ tiă đah ne hiòng Jordan. Mpồl làng bol oă pơjum tai gùt dar Kơnràñ. Kơnràñ bơto sồr bol khai kung be òs.

Jơnau Niam Jat Mak 12:35

Yàng Jesu ơm bơto sồr tòm hìu duh khoai, Kơnràñ lùp lah: “Mbe ală cau bơto bơta boh lam rgơi đơs lah Bơtau Krist la Kòn Dabit taih?

Luka 19:47

Kòp ngai Kơnràñ bơto sồr tòm hìu duh khoai. Ală cau gơnoar lam bồ ơn phan duh khoai, ală cau bơto bơta boh lam, mơ ală cau kwang kra tòm làng bol jòi bơta nàng tơnchơt Kơnràñ,

Luka 20:1

Gơs dô ngai ne, Yàng Jesu ơm bơto sồr làng bol tòm hìu duh khoai mơ bơto yal Jơnau Niam, nisơna ală cau gơnoar lam bồ ơn phan duh khoai, ală cau bơto bơta boh lam, mơ ală cau kwang kra lòt tus bal,

Luka 4:20

Gen Kơnràñ til Sră, tong wơl cau dong broă in, lồc behơ̆ nggui; ală mat cau tòm hìu jum sền trol di Kơnràñ.

Jang 7:14

Tòm gùl bơta pơjum sa, Yàng Jesu guh hơ hìu duh khoai mơ bơto sồr.

Jang 7:28

Tòm tŭ Yàng Jesu bơto tòm hìu duh khoai, gen đơs loh làng lah: “Bol mê git Añ mơ kung git Añ tus bơh lơi. Añ ò tus is Añ jê, mơya Bơtau neh sồr Añ lòt tus la song ngan mơ bol mê ò git Kơnràñ.

Jang 8:2

Rìng àng drim, Kơnràñ rê wơl hơ hìu duh khoai. Jơh làng bol lòt tus hơ Kơnràñ, Kơnràñ nggui bơto sồr bol khai.

Jang 8:20

Yàng Jesu đơs ală jơnau hơ̆ tòm tŭ ơm bơto sồr tòm hìu duh khoai, tiah gơs thùng ơn jền, mơya ò gơs cau lơi kup Kơnràñ bơh jơ Kơnràñ òhềt tus.