Mathiơ 26:5 - Sră Goh 2018

⁵ Mơya bol khai đơs lah: “Ò di lơh bơta hơ̆ tòm bơta pơjum sa ò, rngòt gơlik bơta nggồr nggàc digùl làng bol mòn.”

Mathiơ 26:5 Mawu Ofanana

Đơs Crih 76:10

Bơta gơhào gơjrañ kòn mơnus dê gơlik bơta jòng ro Yàng; Ai bơta gơjrañ rlau ir gen Yàng rơp kơryan wơl.

Jơnau Pơnđik 19:21

Tòm nùs kòn mơnus gơs oă kai gơrmơ̆i; mơya nùs kòñ Yàng Jehôwa dê rơp gơlik gơs.

Jơnau Pơnđik 21:30

Ò gơs bơta jak chài, bơta git jak, hala kai gơrmơ̆i, mơ rgơi tòmdră jai mơ Yàng Jehôwa.

Esai 46:10

Añ neh yal tơlik bơta lồi dut bơh tŭ sơnròp, bơh ală tŭ tơngai rài yau, ală bơta òhềt gơlik gơs. Añ đơs lah: “Tơnggume broă Añ jê rơp bơtào kơ̆, mơ Añ rơp lơh gơlik gơs ală bơta niam nùs Añ jê.”

Ñìm Rac 3:37

Ñcau rgơi ai gơnoar sồr mơ bơta hơ̆ geh lơh gơs, dilah ò di Yàng Jehôwa rơndap lơh nền taih?

Mathiơ 14:5

Khai kòñ tơnchơt Jang, mơya rngòt di mpồl làng bol tài bơh bol khai sền Jang la cau gơnoar hwơr.

Mathiơ 21:26

Ai dilah đơs: ‘Bơh cau,’ gen bol he rngòt di làng bol, bơh jơh tơl nă sơnđan Jang la cau gơnoar hwơr.”

Mathiơ 27:24

Tòm tŭ Pilat gŏ he ò rgơi lơh bơta lơi, mơ tai bơta nggồr nggàc sơlo gơbơtơl, gen khai ai dà rào tê di đap mpồl làng bol mơ đơs lah: “Añ ò gơs glài bơh mhàm cau song ring do; kong bol mê dê.”

Jơnau Niam Jat Mak 14:12

Tòm ngai sơnròp bơta pơjum sa piang lă ò gơs kañ la ngai hàl belàt pơjum sa Lòt gan dê, ală cau bơtê đơs mơ Yàng Jesu lah: “Ntềng đah Kơnràñ kòñ bol hi lòt rcang yò Kơnràñ in sa bơta pơjum sa Lòt gan taih?”

Jơnau Niam Jat Mak 14:2

Bol khai đơs lah: “Ò di lơh bơta hơ̆ tòm bơta pơjum sa, rngòt gơlik bơta nggồr nggàc tòm làng bol.”

Jơnau Niam Jat Mak 14:27

Yàng Jesu đơs mơ bol khai lah: “Jơh ală bol mê rơp dô mơ sang lòi Añ bơh gơs jơnau cih lah: ‘Yàng Tom Trồ rơp tơnchơt cau ê belàt, Gen ală belàt rơp gơprah gơpring.’

Luka 20:6

Ai dilah đơs: ‘Bơh cau,’ gen jơh làng bol rơp cơm lŭ dê bol he, bơh bol khai dòn nền ngan Jang la cau gơnoar hwơr.”

Luka 22:7

Tus di ngai pơjum sa piang lă ò gơs kañ, la ngai pal tơnchơt belàt kòn bơta pơjum sa Lòt Gan dê,

Jang 18:28

Behơ̆ bol khai lam Yàng Jesu bơh hìu Kaiphe lòt tus hơ hìu cahrña. Tŭ hơ̆ la àng drim. Să tòm bol khai ò mut tòm hìu cahrña, rngòt kòl bơta ƀơ̆ ƀơl mơ ò geh pơjum tòm bơta pơjum sa lòt gan.

Broă 19:29

Jơh ƀòn dờng sơlồng sơlàng, bol khai dô nùs bal ntoat ràn ur òr tus hơ hìu tòmya kơnhơl, hwài Gaius mơ Aritak, cau Masedoan, la ală cau bơyô lòt bal mơ Pol.

Broă 21:38

Behơ̆ gen mê ò di la cau Ejiptơ ne, tòm ngai lài òr neh lơh sơlồng sơlàng, lam poan rbô nă cau tơnchơt cau lòt tus tòm ƀlàng ngềt ngơt ò ơ?”

Broă 4:28

nàng lơh gơlik gơs ală broă gơnap gơnoar mơ nùs kòñ Kơnràñ dê neh lơh nền lài.