Mathiơ 26:45 - Sră Goh 2018

⁴⁵ Gen Kơnràñ rê wơl mơ ală cau bơtê mơ đơs lah: “Tŭ do gam bic lơhă mơ rlô ơ? Do, jơ neh tus rềp, Kòn Mơnus rơp gơkòl bơtào tòm tê ală cau glài.

Mathiơ 26:45 Mawu Ofanana

I Ală Bơtau 18:27

Tus di nggùl ngai, Eli dơñŏ tơnhial bol khai lah: “Driau nggà dờng tĕ, bơh khai la hwềng: digơlan khai ơm kơlôi sơnơng; digơlan gam ơm tiah ngài, digơlan gam lòt gùng; hala digơlan khai ơm bic, mơ rơp guh.”

Cau Bơto 11:9

Ơ cau kơnòm să, hòn chò tĕ tòm tŭ mê gam kơnòm să, lòi tĕ nùs mê hừh hơh tòm tŭ gam kơnòm să, lòt jat tĕ gùng dà nùs mê kòñ, mơ đal sền bơta mat mê hàm kòñ, mơya git lah bơh ală bơta hơ̆, Yàng Tom Trồ rơp hòi mê tus nàng cahrña.

Mathiơ 26:18

Kơnràñ sồr lah: “Lòt tĕ tòm ƀòn dờng, tus hơ hìu dô nă cau ne, mơ đơs lah: ‘Cau Bơto đơs lah: Jơ Añ mòr di; Añ rơp pơjum sa Lòt gan tòm hìu mê dê bal mơ ală cau bơtê Añ jê.’”

Mathiơ 26:2

“Bol mê git lah gam bàr ngai tai, gen tus di bơta pơjum sa Lòt Gan, mơ Kòn Mơnus rơp gơkòl bơtào nàng pơng di chi pơng.”

Mathiơ 26:44

Kơnràñ lòi bol khai mơ lòt hòi dan dơ̆ pe, đơs tai be jơnau dan lài sơl.

Mathiơ 26:46

Guh tĕ, lòt ih; ne, cau pơrlơ̆ dră di Añ neh tus rềp.”

Jơnau Niam Jat Mak 14:35

Gen Kơnràñ lòt dô êt cơnđòa tai, tơmbic să tòm ù mơ hòi dan lah dilah rgơi gen dan lòi jơ do klàs bơh di Kơnràñ.

Luka 22:53

Kòp ngai Añ ơm mơ bol mê tòm hìu duh khoai, mơ bol mê ò ai tê nàng kup Añ. Mơya do la jơ bol mê dê mơ gơnoar bơta klam jơngo dê.”

Jang 12:23

Yàng Jesu ho lah: “Jơ Kòn Mơnus pal geh gơklŏ neh tus rau.

Jang 12:27

“Tŭ do hwềng soàn Añ moat jrùng. Ñchi Añ rơp đơs taih? ‘Ơ Bèp, dan dong Añ klàs bơh di jơ do.’ Mơya kung bơh jơ do tàng Añ neh lòt tus.

Jang 13:1

Lài mơ bơta pơjum sa Lòt Gan, Yàng Jesu git jơ Kơnràñ pal sang dunnia do nàng rê wơl hơ Bèp neh tus rau; Kơnràñ neh kòñ gơboh di cau gơrê bal mơ Kơnràñ tòm dunnia, gen kư̆ kòñ gơboh jơl tus di lồi dut.

Jang 17:1

Tòm tŭ neh đơs ală jơnau hơ̆ rau, Yàng Jesu tơnggòr hơđang trồ mơ đơs lah: “Ơ Bèp, jơ neh tus, dan lơh gơklŏ Kòn in tồ Kòn kung lơh gơklŏ Bèp in sơl,