Mathiơ 26:38 - Sră Goh 2018

³⁸ Kơnràñ đơs mơ bol khai lah: “Hwềng soàn Añ moat jrùng jơl chơt; ơm tĕ tềng do mơ drơng kơp bal mơ Añ.”

Mathiơ 26:38 Mawu Ofanana

Đơs Crih 116:3

Bơta chơt be dă pơt gùt dar añ, añ gơtìp bơta jê sồt lơgar Làng ƀồc dê; Añ kong bơta bòl glar mơ bơta moat jrùng ò git lơh.

Đơs Crih 42:5

Ơ hwềng soàn añ jê, ñchi bơh tài mê gơplơ̆ nùs mơ ò suk ơm taih? Gơn kơnòm tĕ di Yàng Tom Trồ, bơh añ rơp jòng ro Kơnràñ tai, La Bơtau dong kòl añ mơ la Yàng Tom Trồ añ.

Đơs Chò 5:3

Añ neh hồ ào bơdìh rau, mbe rgơi soh wơl? Añ neh rào jơng rau, mbe rgơi lơh ƀơ̆ wơl?

Esai 53:10

Bulah behơ̆, hơ̆ la nùs kòñ Yàng Jehôwa dê mơ Kơnràñ kong pơnjê pơngkồr mơ kong jê sồt, mơ bulah Yàng Jehôwa neh lơh bơta kis Kơnràñ dê gơs phan ơn tơwài tồi glài, Kơnràñ rơp gŏ jơi bơtiàn Kơnràñ mơ rơp geh bơtơl jŏ jòng ală ngai Kơnràñ dê, mơ nùs kòñ Yàng Jehôwa dê rơp geh cồng nha niam tòm tê Kơnràñ.

Esai 53:12

Gen tàng Añ rơp ai Kơnràñ in dô pơnah bal mơ ală cau dờng ryŭ, Kơnràñ rơp tòmpà ală phan tòmpìt geh bal mơ ală cau pràn kơldang, tài bơh Kơnràñ neh tuh bơta kis Kơnràñ dê jơl chơt, mơ neh kong kòp bal mơ cau tìs glài. Bơh Kơnràñ neh àñ tồi glài oă cau in, mơ hòi dan ala ală cau tìs glài in.

Esai 53:3

Kơnràñ neh kong cau sền òsơp mơ sang lòi, git làm bơta moat jrùng, mòng mơ bơta jê sồt; be dô nă cau neh kong sền òsơp kung be cau mơ kòn mơnus pồn mat ò bài sền; bol he kung sền òsơp di Kơnràñ sơl.

Mathiơ 25:13

Behơ̆, drơng kơp tĕ bơh bol mê ò git ngai mơ kung ò git jơ Añ rê wơl.”

Jơnau Niam Jat Mak 14:34

Kơnràñ đơs mơ bol khai lah: “Hwềng soàn Añ moat jrùng ngan jơl chơt. Ơm tĕ tềng do mơ drơng kơp.”

Jang 12:27

“Tŭ do hwềng soàn Añ moat jrùng. Ñchi Añ rơp đơs taih? ‘Ơ Bèp, dan dong Añ klàs bơh di jơ do.’ Mơya kung bơh jơ do tàng Añ neh lòt tus.

Rôma 8:32

Kơnràñ neh ò pơlai Kòn tòm Kơnràñ dê, mơya tài bơh jơh ală bol he tàng neh jào phi Kòn hơ̆, gen Kơnràñ ò di kung rơp cèng jơh ală bơta bal mơ kòn hơ̆ mơ ai tơn bol he in ò ơ?

II Kôrintô 5:21

Yàng Tom Trồ neh lơh Bơtau ò git tồi glài gơlik gơs tồi glài bơh bol he, tồ ơm tòm Kơnràñ bol he geh gơlik gơs bơta song ring Yàng Tom Trồ dê.

Galati 3:13

Bơtau Krist neh tơwài bol he lik klàs bơh bơta srat sơntơm bơta boh lam dê, Kơnràñ neh tài bơh bol he mơ gơlik gơs bơta srat sơntơm, bơh neh cih lah: “Pal srat ngan di cau lơi kong yồng hơđang chi pơng,”

I Pier 2:24

Să tòm Kơnràñ neh àñ ơnòng tồi glài bol he dê tòm să jan Kơnràñ hơđang chi pơng, nàng bol he in chơt gơwèt hơ tồi glài mơ kis gơwèt hơ bơta song ring. Bơh kơnòm di ală tềl sồt Kơnràñ dê mơ oh mi neh geh sơmbòi.

I Pier 3:18

Bơh Bơtau Krist kung tài bơh tồi glài mơ kong chơt dô dơ̆ tơl rau, Kơnràñ la Bơtau song ring kong ala cau ò song ring in, nàng lam bol he tus hơ Yàng Tom Trồ; Kơnràñ neh kong chơt đah pơnah poac să, mơya geh kis đah pơnah hwềng.

I Pier 4:7

Bơta lồi dut jơh ală phan neh rềp rau, behơ̆ ngac mat tĕ, mơ drơng kơp tòm bơta hòi dan.