Mathiơ 26:35 - Sră Goh 2018

³⁵ Pier đơs mơ Kơnràñ lah: “Bulah añ pal chơt bal mơ Kơnràñ, añ kung ò pơndang sang Kơnràñ ò.” Jơh tơl nă cau bơtê kung đơs behơ̆ sơl.

Mathiơ 26:35 Mawu Ofanana

Lik Ejiptơ 19:8

Jơh làng bol ho dô jơnau bal lah: “Bol hi rơp lơh jơh ală bơta Yàng Jehôwa neh đơs.” Behơ̆, Môise yal wơl jơnau ho làng bol dê mơ Yàng Jehôwa.

Jơnau Pơnđik 28:14

Cau lơi òs duh rngòt sùm sùm gơs lơngai ngan; ai cau lơi kơldang nùs rơp dùh tòm bơta sơbơng rơng.

Jơnau Pơnđik 29:23

Bơta pơnhừ să cau dê rơp tơmù cau; mơya cau lơi gơs nùs pìn pơndêt să rơp geh jòng ro.

Mathiơ 10:33

Ai cau lơi pơndang sang Añ di đap cau, gen Añ kung rơp pơndang sang khai di đap Bèp Añ ơm hơđang trồ sơl.

Jang 13:37

Pier đơs lah: “Ơ Yàng, ñchi bơh tài tòm tŭ do añ ò rgơi jat Kơnràñ taih? Añ rơp bơh Kơnràñ mơ phi bơta kis añ!”

Rôma 11:20

Hơ̆ la song ngan; ală ntê neh jơh koh tài bơh ò dòn, mơ mê gam ntào tài bơh bơta dòn. Mê bañ pơnhừ să, mơya rngòt rngơt tĕ.

I Kôrintô 10:12

Behơ̆, cau lơi kơlôi he ntào kơ̆, gen kơrhia tĕ rngòt gơplơ̆.

Philip 2:12

Behơ̆ gen, ơ ală cau đềt mềr añ jê, be oh mi neh dòn bơr sùm sùm, ò di mìng tòm tŭ gơs añ lơm ò, mơya tòm tŭ do añ neh ngkòi, gen oh mi pal sơlo dòn bơr rlau tai, ai tĕ nùs rngòt rơm să nàng lơh gơs bơta dong klàs oh mi dê.

I Pier 1:17

Dilah oh mi hòi dan mơ sơnđan Kơnràñ la Bèp, la Bơtau ò sền òsơp di cau lơi mơ cahrña kòp nă cau jat be broă lơh bol khai dê, gen ai tĕ nùs duh rngòt nàng lơh lòt tòm tŭ ơm ing tòm rài do.