Mathiơ 26:29 - Sră Goh 2018

²⁹ Mơya Añ đơs mơ bol mê, bơh do jơl hìng nau Añ ò hùc dà plai ño tai, jơl tus di ngai Añ rơp hùc dà plai ño pa bal mơ bol mê tòm lơgar Bèp Añ jê.

Mathiơ 26:29 Mawu Ofanana

Đơs Crih 104:15

Mơ tơrnòm ño lơh nùs kòn mơnus in hòn chò, ai mơñà lơh muh mat hàng mơnĕ, Mơ gơs piang lă nàng bơtơl pràn kơldang kòn mơnus in.

Đơs Crih 4:7

Yàng lơh nùs añ in hòn chò oă rlau mơ bol khai, Tòm tŭ bol khai gơs oă kòi mi mơ tơrnòm ño tơngkah tơngkañ.

Đơs Crih 40:3

Kơnràñ ơn di bơr añ dô bơta đơs chò pa, Hơ̆ la bơta jòng ro Yàng Tom Trồ bol hi dê. Oă cau rơp gŏ bơta hơ̆ mơ rngòt, Gen dòn kơnòm di Yàng Jehôwa.

Đơs Chò 5:1

Ơ oh ùr añ, bau ùr pa añ jê, añ neh mut tòm suơn añ rau! Añ neh pic tơrgòm cài trŭ mơ chi ƀô bơlhu añ jê, Añ sa sìng lơwe mơ dà lơwe añ jê, añ ñô tơrnòm mơ dà toh añ jê. Ơ ală cau bơyô, sa tĕ; ơ ală cau bơyô đềt mềr, ñô bơñul tĕ bơta kòñ gơboh!

Esai 25:6

Hơđang mơnơm do, Yàng Jehôwa Gơnap Gơnoar Dờng rơp rcang yò ală làng bol in dô bơta ñô sa dờng gơs oă phan sa bơkah, dô bơta ñô sa dờng gơs tơrnòm yau, gơs phan dơngi gơs khu mơ tơrnòm bơkah rlau jơh.

Esai 53:11

Tơnơ̆ mơ tŭ hwềng soàn Kơnràñ neh kong jê sồt, Kơnràñ rơp gŏ bơta àng mơ bơta hừh nùs, gan di bơta git wă Kơnràñ dê. Cau duh broă song ring Añ jê rơp lơh oă bơta song ring, mơ Kơnràñ rơp àñ ơnòng ală bơta tồi glài bol khai dê.

Sôphôni 3:17

Jehôwa Yàng Tom Trồ ai dê ơm digùl ai; Kơnràñ la cau ling jak ai bơta pha lin. Kơnràñ rơp hòn chò bơh ai mơ bơta chò hòp, Kơnràñ rơp lơh pa wơl ai in, tòm bơta kòñ gơboh Kơnràñ dê; Mơ Kơnràñ rơp bơh ai, mơ hòn chò driau dờng.

Sacari 9:17

Bơta niam mơnĕ mơ hàng mơnĕ Kơnràñ dê ò git nđò! Kòi mbo rơp lơh ală klau pơnu in bơtào dờng mơ tơrnòm pa lơh cau ơruh in chò hòp.

Mathiơ 13:43

Tŭ hơ̆ ală cau song ring rơp gơcrà be mattơngai tòm lơgar Bèp bol khai dê. Cau lơi gơs tồr, iat tĕ!”

Mathiơ 16:28

Di ngan Añ đơs mơ bol mê, tòm ală cau ntào tềng do, gơs cau rơp ò chơt lài mơ tŭ gŏ Kòn Mơnus tus tòm lơgar Khai dê.”

Mathiơ 18:20

Bơh tiah lơi gơs bàr pe nă ai sơnđan Añ mơ pơjum bal, gen Añ ơm digùl bol khai.”

Mathiơ 25:34

Tŭ hơ̆ Bơtau rơp đơs mơ ală cau ơm đah ma lah: ‘Ơ ală cau geh lơngai bơh di Bèp añ jê, tus tĕ pơrdòn lơgar neh rcang sir bol mê in bơh tŭ crơng gơs trồ tiah.

Mathiơ 26:28

bơh do la mhàm Añ, hơ̆ la mhàm bơta ho bal dê, neh tuh nàng kòp nă cau in geh toh glài.

Mathiơ 26:30

Tòm tŭ neh đơs chò rau, Yàng Jesu mơ ală cau bơtê lik lòt tus hơ mơnơm Ôlibe.”

Mathiơ 28:20

Mơ bơto bol khai lơh jat jơh ală bơta Añ neh sồr bol mê. Mơ do, Añ ơm sùm mơ bol mê jơl tus di lồi dut rài.”

Jơnau Niam Jat Mak 14:25

Di ngan Añ đơs mơ bol mê, Añ ò hùc dà plai ño do tai, jơl tus di ngai Añ rơp hùc dà plai ño pa tòm lơgar Yàng Tom Trồ.”

Luka 12:32

Ơ mpồl dềt, bañ rngòt, bơh Bèp bol mê niam nùs ai bol mê in lơgar.

Luka 15:32

Mơya di pal ngan sa chò hòp mơ hòn chò, bơh oh mê do neh chơt mơ kis wơl, neh roh mơ geh bàn wơl.’”

Jang 15:11

Añ neh yal bol mê in ală bơta hơ̆, tồ bơta hòn chò Añ jê ơm tòm bol mê, mơ bơta hòn chò bol mê dê geh wil tơl.

Jang 16:22

Behơ̆ tŭ do bol mê gơs bơta moat jrùng, mơya Añ rơp gŏ wơl bol mê gen nùs bol mê rơp hòn chò, mơ ò gơs cau lơi rgơi kơñau bơta hòn chò bol mê dê.

Jang 17:13

Tŭ do Añ rê wơl hơ Bèp, mơ Añ đơs ală bơta hơ̆ tòm dunnia, tồ bơta hòn chò Añ jê geh wil tơl tòm bol khai.

Broă 10:41

ò dimơ jơh làng bol, mơya tơlik să mơ bol hi la ală cau lơh cơng mơ Yàng Tom Trồ neh sac lài, la cau sa hùc bal mơ Kơnràñ, tơnơ̆ mơ tŭ Kơnràñ neh kis wơl bơh bơta chơt.

Hebrơ 12:2

sền song tĕ di Yàng Jesu, la Bơtau sơnròp mơ lơh wil tơl bơta dòn, bơh bơta hòn chò neh ơn di đap Kơnràñ, mơ kong jai chi pơng, sền òsơp di bơta bơtat bơtròh, mơ ơm nggui đah ma sơbàn Yàng Tom Trồ dê.

Yal Tơlik 14:3

Bol khai đơs chò dô bơta đơs chò pa di đap sơbàn, di đap poan nơm phan wìn kis mơ ală cau kwang kra. Ò gơs cau lơi rgơi bơtê bơta đơs chò hơ̆, mìng dô rhiang poan jơt poan rbô nă cau git lơm, hơ̆ la cau neh geh tơwài klàs bơh dunnia.

Yal Tơlik 7:17

Bơh Belàt Kòn ơm digùl sơbàn rơp ê gàr bol khai, mơ tề lam bol khai tus hơ ală croh dà bơta kis, mơ Yàng Tom Trồ rơp jùt jơh dà mat di mat bol khai.”