Mathiơ 25:44 - Sră Goh 2018

⁴⁴ Tŭ hơ̆ bol khai kung rơp ho lah: ‘Ơ Yàng, tŭ lơi bol hi neh gŏ Yàng jơgloh, hala tơhìr, hala cau nac crih, hala ơm kuh, hala kòl jàm, mơ ò duh broă Kơnràñ in ơ?’

Mathiơ 25:44 Mawu Ofanana

Jeremi 2:23

“Mbe mê khin đơs lah: ‘Añ ò ƀơ̆ ƀơl; Añ òhềt lòt jat rùp ràk Baal’? Sền tĕ gùng mê dê tòm thòng; git tĕ bơta mê neh lơh, Kung be làkđa dra sơrbac sơrbang mơ gơlềng gơlàng,

Jeremi 2:35

Mê đơs lah: ‘Añ ò gơs glài, Ngan bơta gơjrañ Kơnràñ dê neh pleh bơh di añ.’ Mơ do, Añ rơp cèng mê nàng cahrña Bơh mê đơs lah: ‘Añ ò gơs glài.’

Malaci 1:6

“Kòn klau ki ngàm di bèp khai dê, dĭ gơna ki ngàm di cau tòm khai dê. Dilah Añ la bèp gen ntềng đah bơta ki ngàm mơ Añ geh gơnoar dòp taih? Dilah Añ la cau tòm gen ntềng đah bơta duh rngòt mơ Añ gơs gơnoar dòp taih? Yàng Jehôwa Gơnap Gơnoar Dờng Làm Jơh đơs behơ̆. Ơ bol mê la ală cau gơnoar ơn phan duh khoai, bol mê la ală cau sền òsơp di sơnđan Añ. Mơya bol mê lùp lah: ‘Mbe bol hi sền òsơp di sơnđan Kơnràñ taih?’

Malaci 2:17

Bol mê neh lơh pơnjê Yàng Jehôwa bơh ală jơnau đơs bol mê dê. Bol mê lùp lah: “Mbe bol hi neh lơh pơnjê Kơnràñ taih?” Hơ̆ la tòm tŭ bol mê đơs lah: “Jơh tơl nă cau lơh bơta iơh la niam di đap mat Yàng Jehôwa, mơ Kơnràñ niam nùs di bol khai.” Hala “Ntềng đah Yàng Tom Trồ bơta song ngan dê taih?”

Malaci 3:13

Yàng Jehôwa đơs lah: “Bol mê neh đơs ală bơta ò niam tòmdră mơ Añ. Mơya bol mê lùp lah: ‘Ñchi bơta bol hi neh đơs tòmdră mơ Kơnràñ taih?’

Mathiơ 10:41

Cau lơi bơh sơnđan cau gơnoar hwơr mơ wă rò dô nă cau gơnoar hwơr, gen rơp geh phan ƀàn cau gơnoar hwơr dê; ai cau lơi bơh sơnđan cau song ring mơ wă rò dô nă cau song ring, gen rơp geh phan ƀàn cau song ring dê.

Mathiơ 25:43

Añ la cau nac crih, bol mê ò wă rò Añ; Añ ơm kuh, bol mê ò tơnsoh Añ in; Añ kòp jê mơ kòl jàm, bol mi ò lòt còp Añ.’

Mathiơ 25:45

Kơnràñ rơp ho lah: ‘Di ngan Añ đơs mơ bol mê, tòm tŭ bol mê ò lơh broă hơ̆ mơ dô nă cau dềt rhền rlau jơh do, hơ̆ la bol mê ò lơh să tòm Añ in.’

Mathiơ 5:6

Lơngai ală cau in jơgloh tơhìr bơh bơta song ring, bơh rơp geh hòm!

Mathiơ 7:22

Tòm ngai hơ̆ rơp gơs oă cau đơs mơ Añ lah: ‘Khoai Yàng, khoai Yàng, bol hi ò di neh ai sơnđan Kơnràñ mơ đơs hwơr, ai sơnđan Kơnràñ mơ bơtrơh ală cà, ai sơnđan Kơnràñ mơ lơh oă broă gơnap gơnoar ò ơ?’

Luka 10:29

Mơya khai kòñ sơnđan is să he la song ring, gen đơs mơ Yàng Jesu lah: “Ñcau la cau gơp ƀòn añ taih?”