Mathiơ 25:41 - Sră Goh 2018

⁴¹ Gen Kơnràñ rơp đơs mơ ală cau ơm đah kiau lah: ‘Ơ ală cau gơkòl srat rma, lik tĕ bơh di Añ mơ mut tòm ồs gam sùm sùm, la tiah neh rcang sir cà ràk in mơ ală cau gơnrơh gơ dê.

Mathiơ 25:41 Mawu Ofanana

Đơs Crih 119:115

Ơ ală cau lơh iơh bơsak, lòt ngài tĕ bơh di añ, Nàng añ in prap gàr bơta sồr lam Yàng Tom Trồ añ jê,

Đơs Crih 119:21

Yàng lah pơrhơng cau pơnhừ să, la cau pal srat rma, La cau tìs nrah ngài bơh di ală bơta sồr lam Kơnràñ dê.

Đơs Crih 139:19

Ơ Yàng Tom Trồ, dan Yàng tơnchơt ală cau iơh bơsak, Mơ bơtrơh tơlik bơh di añ ală cau lơh gơhòr mhàm.

Đơs Crih 6:8

Ơ jơh ală cau lơh bơta tồi glài iơh bơsak ne, dô tĕ ngài bơh di añ; Bơh Yàng Jehôwa neh kơno jơnau ñìm rac añ jê.

Esai 66:24

Bol khai rơp lik lòt mơ sền gŏ ƀồc chơt ală cau tòmdră mơ Añ; tu rhài bol khai dê rơp ò chơt, ồs bol khai dê kung rơp ò tŭ lơi chơt; mơ bol khai rơp la dô bơta ƀơ̆ ƀơl cù kìr jơh jơi poac să in.”

Jeremi 17:5

Yàng Jehôwa đơs be do: “Pal srat rma ngan cau lơi in dòn kơnòm di kòn mơnus, lơh pràn kơldang poac să bol khai dê, Nùs bol khai neh ơm ngài bơh Yàng Jehôwa.

Mathiơ 13:40

Behơ̆, tơrgòm ñhơt drung mơ chu tòm ồs be lơi, gen ngai lồi dut rài do kung rơp behơ̆ sơl.

Mathiơ 13:42

gen sơrbì tòm brong ồs, tềng hơ̆ gơs bơta ñìm rac mơ rkiat sề.

Mathiơ 13:50

gen sơrbì bol iơh bơsak hơ̆ tòm brong ồs; tềng hơ̆ gơs bơta ñìm rac mơ rkiat sề.”

Mathiơ 18:8

Dilah tê hala jơng mê lơh mê in gơtup tìs, koh tĕ mơ sơrbì gơ, chan mê lut tê hala lut jơng mơ geh mut tòm bơta kis la niam rlau mơ gơs bàr nơm tê hala bàr nơm jơng mơ gơkòl sơrbì tòm ồs gam sùm sùm.

Mathiơ 25:42

Bơh Añ jơgloh, bol mê ò ai Añ in sa; Añ tơhìr, bol mê ò ai Añ in hùc;

Mathiơ 25:46

Gen ală cau do rơp mut tòm bơta lơh glài gam sùm sùm, ai ală cau song ring gen rơp mut tòm bơta kis gam sùm sùm.”

Mathiơ 3:12

Tê Kơnràñ at đồng, rơp puh làn goh ngan, chŏ kòi mi ơn tòm đam, ai nsiap gen chu tòm ồs hơng sùm.”

Mathiơ 4:10

Gen Yàng Jesu đơs mơ gơ lah: “Ơ cà Satan, ruc tĕ. Bơh gơs jơnau cih lah: ‘Mê duh khoai tĕ Yàng la Yàng Tom Trồ mê dê, mơ duh broă mìng dô nă Kơnràñ lơm.’”

Mathiơ 5:22

Mơya Añ đơs mơ bol mê: Dilah cau lơi gơjrañ dê oh mi he, gen ò rgơi pleh dê bơta cahrña; cau lơi wàc oh mi he, gen ò rgơi pleh di Mpồl Kwang Tơrña; ai cau lơi lah sơrpah oh mi he, gen ò rgơi pleh di ồs brah tìng.

Mathiơ 7:23

Tŭ hơ̆ Añ rơp yal loh bol khai in git lah: ‘Ơ ală cau lơh bơta tồi glài iơh bơsak, Añ ò tŭ lơi git bol mê ò, lik lòt tĕ bơh di Añ.’”

Luka 13:27

Kơnràñ rơp ho tai lah: ‘Ơ jơh ală bol mê la cau lơh bơta iơh bơsak, Añ đơs mơ bol mê, Añ ò git bol mê bơh ntềng đah tus; lik lòt tĕ bơh di añ!’

Luka 16:24

Cau pas sơm hòi driau lah: ‘Abraham ơ bèp, dan nđàc sơngit di añ, sồr ƀà Lasarơ iurŭ ràs tê tòm dà nàng lơh mrềt lơmpiat añ in, bơh añ kòl pơnjê pơngkồr oă ir tòm ồs do.’

Jang 8:44

Bol mê lik bơh bèp bol mê dê la cà ràk, mơ kòñ lơh jat bơta hàm kòñ is bèp bol mê dê. Bơh sơnròp gơ neh la cau tơnchơt cau, ò ntào tòm jơnau song, bơh ò gơs jơnau song tòm gơ ò. Tŭ lơi gơ đơs blac, gen đơs jat nùs is gơ dê, tài bơh gơ la cau đơs blac mơ la bèp bơta đơs blac dê.

II Tesalônika 1:7

gen Kơnràñ ngan rơp ai oh mi in la cau kong jê sồt bòl glar geh rlô bal mơ bol hi, tòm tŭ Yàng Jesu bơh đang trồ tơlik mat bal mơ ală cau gơnrơh bềng gơnoar pràn Kơnràñ dê digùl lơmpiat ồs hơng,

II Tesalônika 1:9

Bol khai rơp kòl lơh glài jàm roh rui sùm sùm ngài bơh di mat Yàng mơ bơh di bơta gơklŏ gơnoar pràn Kơnràñ dê,

Hebrơ 6:8

Mơya dilah ù hòn lò mơ lò mrơt, gen kong sang lòi mơ kong srat sơntơm, lồi dut gen kong ồs sa.

II Pier 2:4

Bơh dilah Yàng Tom Trồ ò pơlai ală cau gơnrơh neh tìs glài, mơya neh sơrbì bol khai tòm brah tìng, krơ̆ tòm tiah klam jơngo, lòi jàm tus di tơngai cahrña.

I Jang 3:10

Kơnòm dê bơta do rgơi cah is loh làng kòn Yàng Tom Trồ mơ kòn cà ràk dê. Cau lơi ò lơh bơta song ring gen ò bal mơ Yàng Tom Trồ, cau ò kòñ gơboh di oh mi he ò di la kòn Yàng Tom Trồ.