Mathiơ 25:40 - Sră Goh 2018

⁴⁰ Cau Bơtau rơp ho lah: ‘Di ngan Añ đơs mơ bol mê, tòm tŭ bol mê neh lơh broă hơ̆ mơ dô nă cau dềt rhền rlau jơh tòm ală oh mi Añ, hơ̆ la lơh să tòm Añ in.’

Mathiơ 25:40 Mawu Ofanana

II Samuel 9:1

Dabit lùp lah: “Gơs cau lơi tòm hìu Sol gam kis nàng añ rgơi yal tơlik bơta nđàc khai in, tài bơh Jônathan sơl?”

II Samuel 9:7

Dabit đơs mơ khai lah: “Bañ rngòt, bơh añ rơp yal tơlik bơta nđàc mê in, tài bơh Jônathan bèp mê dê. Añ rơp ai wơl mê in jơh ală ù tiah Sol, ồng mê dê, mơ să tòm mê rơp sa di cơnòng sa bal mơ añ sùm.”

II Ală Bơtau 4:10

Bol he lơh tĕ dô nơm ơdŭ dềt hơđang rkàng mơ ală dơrñang, mơ ơn tòm hơ̆ dô nơm cơnòng bic, dô nơm cơnòng cih; dô nơm cơnòng nggui, mơ dô nơm ồs đèng khai in. Behơ̆ nàng khai in ơm tềng hơ̆ kòp dơ̆ khai tus hìu he.”

Jơnau Pơnđik 14:31

Cau rồn bơklơn cau rƀah sền òsơp Bơtau crơng gơs he; Ai cau lơi nđàc sơngit cau rƀah rƀừp sền dờng màng di Kơnràñ.

Jơnau Pơnđik 19:17

Cau lơi nđàc sơngit cau rƀah, hơ̆ la ai Yàng Jehôwa in càn jồm; Kơnràñ rơp tơm wơl broă bơta nđàc hơ̆ khai in.

Jeremi 39:17

Yàng Jehôwa đơs: ‘Mơya tòm ngai hơ̆, Añ rơp dong tă mê, gen mê rơp ò kong jào tòm tê ală cau mê rngòt.

Mathiơ 10:40

“Cau lơi wă rò bol mê, hơ̆ la wă rò Añ, mơ cau lơi wă rò Añ, hơ̆ la wă rò Bơtau neh sồr Añ lòt tus.

Mathiơ 10:42

Cau lơi ai dô nă tòm mpồl kơnòm dềt do in mìng hùc dô mơngàn dà ngềt lơm, tài bơh kơnòm hơ̆ la cau bơtê Añ jê, di ngan Añ đơs mơ bol mê, cau hơ̆ rơp ò gơs tŭ lơi roh phan ƀàn khai dê.”

Mathiơ 18:10

“Kơrhia tĕ, bañ sền òsơp di dô nă tòm ală cau dềt do, bơh Añ đơs mơ bol mê, hơđang trồ ală cau gơnrơh bol khai dê gŏ sùm mat Bèp Añ ơm hơđang trồ. [

Mathiơ 25:34

Tŭ hơ̆ Bơtau rơp đơs mơ ală cau ơm đah ma lah: ‘Ơ ală cau geh lơngai bơh di Bèp añ jê, tus tĕ pơrdòn lơgar neh rcang sir bol mê in bơh tŭ crơng gơs trồ tiah.

Mathiơ 25:39

Tŭ lơi bol hi neh gŏ Yàng kòp jê hala kòl jàm, mơ lòt còp Yàng taih?’

Mathiơ 25:45

Kơnràñ rơp ho lah: ‘Di ngan Añ đơs mơ bol mê, tòm tŭ bol mê ò lơh broă hơ̆ mơ dô nă cau dềt rhền rlau jơh do, hơ̆ la bol mê ò lơh să tòm Añ in.’

Mathiơ 28:10

Yàng Jesu đơs mơ bol khai lah: “Bañ rngòt, lòt tĕ yal ală oh mi Añ in tus hơ Galile; tềng hơ̆ bol khai rơp tìp Añ.”

Jơnau Niam Jat Mak 9:41

Behơ̆ dilah cau lơi ai bol mê in hùc dô mơngàn dà bơh bol mê la bal mơ Bơtau Krist, di ngan Añ đơs mơ bol mê, cau hơ̆ rơp ò gơs tŭ lơi roh phan ƀàn khai dê ò.”

Luka 19:38

mơ đơs lah: “Lơngai Bơtau ai sơnđan Yàng mơ tus! Ring lơngai hơđang trồ mơ gơklŏ Yàng Tom Trồ in!”

Jang 20:17

Yàng Jesu đơs lah: “Bañ ƀư di Añ, bơh Añ òhềt guh rê hơ Bèp. Mơya ai lòt tus tĕ hơ oh mi Añ, mơ đơs mơ bol khai lah: Añ guh rê hơ Bèp Añ, mơ la Bèp bol mê sơl, hơ Yàng Tom Trồ Añ mơ la Yàng Tom Trồ bol mê sơl.”

Rôma 8:29

Bơh ală cau Kơnràñ neh git lài, gen Kơnràñ kung neh lơh nền lài nàng bol khai in gơlik gơs be rùp să Kòn Kơnràñ dê, tồ Kòn hơ̆ lơh gơs kòn tơnhoa ơm digùl oă oh mi;

II Kôrintô 4:5

Mơ tai, bol hi ò bơto yal bơh să tòm he dê, mơya bơto yal bơh Jesu Krist la Yàng, mơ să tòm bol hi tài bơh Yàng Jesu mơ lơh gơs dĭ gơna oh mi in.

Galati 5:13

Ơ oh mi, oh mi neh geh hòi sac lòt tus hơ bơta khat gơboh, mơya bañ ai bơta khat gơboh hơ̆ lơh kai oh mi in lơh jat poac să, mơya ai tĕ nùs kòñ gơboh duh broă bal mơ gơp.

Galati 5:22

Mơya plai Yàng Hwềng dê hơ̆ la kòñ gơboh, hòn chò, lơngap lơngai, kong ơt, kơ̆ dơn, lơbơn niam, dòn song,

Galati 5:6

Bơh tòm Yàng Krist Jesu, bơta siat gơltau hala ò siat gơltau kung ò gơs kwơ, mơya bơta dòn geh yal tơlik bơh broă lơh tòm bơta kòñ gơboh sồng gơs kwơ.

Ephesô 5:30

tài bơh bol he la pơnah tòm să jan Kơnràñ dê.

Hebrơ 6:10

Bơh Yàng Tom Trồ ò di la ò song ring mơ hŭi ală broă mơ bơta kòñ gơboh oh mi neh yal tơlik bơh sơnđan Kơnràñ, tòm tŭ neh duh broă ală cau sàng goh in mơ kung gam duh broă tai sơl.

I Pier 1:22

Oh mi neh dòn jat jơnau song mơ lơh sàng goh hwềng nùs he dê, tồ kòñ gơboh di oh mi he dô bă song ngan, gen kòñ gơboh tĕ bal mơ gơp dô bă jơh nùs đềt mềr.

I Jang 4:20

Dilah cau lơi đơs lah: “Añ kòñ gơboh di Yàng Tom Trồ,” mơya gơjrañ kơuềng di oh mi he, gen khai la cau đơs blac; bơh cau lơi ò kòñ gơboh di oh mi he la cau he neh gŏ, gen ò rgơi kòñ gơboh di Yàng Tom Trồ la Bơtau he ò gŏ.

Yal Tơlik 17:14

Bol khai rơp tòmlơh mơ Belàt Kòn. Belàt Kòn rơp geh pha lin rlau, bơh Kơnràñ la Yàng ală yàng dê, Bơtau ală bơtau dê; mơ ală cau ơm bal mơ Kơnràñ la ală cau geh hòi sac, sac rwah mơ dòn song.”

Yal Tơlik 19:16

Hơđang ào mơ di bơnô Kơnràñ dê gơs cih dô sơnđan lah: BƠTAU ALĂ BƠTAU DÊ MƠ YÀNG ALĂ YÀNG DÊ.