Mathiơ 25:12 - Sră Goh 2018

¹² Mơya cau tòmho lah: ‘Di ngan añ đơs mơ bol ai, añ ò git bol ai ò.’

Mathiơ 25:12 Mawu Ofanana

Đơs Crih 1:6

Bơh Yàng Jehôwa rơp sền gàr gùng dà cau song ring dê, Mơya gùng dà cau iơh bơsak dê rơp kong roh rui.

Đơs Crih 5:5

Cau pơnhừ să ntào ò jai di đap Kơnràñ; Kơnràñ gơjrañ kơuềng di jơh ală cau lơh bơta tồi glài iơh bơsak.

Habakuk 1:13

Mat Yàng sàng goh ngan tian gơs ò rgơi sền di bơta iơh bơsak, Kơnràñ ò rgơi sền di bơta lơh tìs; Ñchi bơh tài Kơnràñ ơm mŏ mŏ taih? Ñchi bơh tài Kơnràñ ơm mŏ mŏ tòm tŭ cau iơh bơsak sa loan ală cau song ring rlau mơ bol khai taih?

Mathiơ 25:11

Lồc behơ̆, ală cau ơruh ne kung tus mơ đơs lah: ‘Ơ Yàng, ơ Yàng, dan pò mpồng bol hi in!’

Mathiơ 25:13

Behơ̆, drơng kơp tĕ bơh bol mê ò git ngai mơ kung ò git jơ Añ rê wơl.”

Luka 13:25

Dơ̆ cau tòm hìu guh mơ til mpồng rau, bol mê ntào đah bơdìh, teh mơ hòi lah: ‘Ơ Yàng, dan pò bol hi in.’ Kơnràñ rơp ho lah: ‘Añ ò git bol mê bơh ntềng đah tus.’

Jang 10:27

Belàt Añ kơno jơnau Añ, Añ git bol gơ mơ bol gơ jat Añ.

Jang 9:31

Bol he git lah Yàng Tom Trồ ò dòp jơnau cau glài dê, mơya dilah cau lơi duh rngòt di Kơnràñ mơ lơh jat nùs kòñ Kơnràñ dê, gen Kơnràñ iat jơnau khai dê.

I Kôrintô 8:3

Mơya dilah cau lơi kòñ gơboh dê Yàng Tom Trồ, gen Kơnràñ git cau hơ̆.

Galati 4:9

Mơya tŭ do oh mi neh git Yàng Tom Trồ, hala pal đơs lah geh Yàng Tom Trồ git oh mi, gen mbe oh mi rê wơl hơ bơta ƀă liă lơbơn lơño ò kwơ hơ̆? Mơ ñchi bơh tài kòñ lơh dĭ gơ in tai taih?

II Timôthe 2:19

Bulah behơ̆ mơnàng kơ̆ wền Yàng Tom Trồ dê gam ntào kơ̆ sùm, gơs tap ƀang kì lah: “Yàng git cau gơrê bal mơ Kơnràñ;” mơ “Kòp nă cau lơi yal tơlik sơnđan Yàng gen pal pleh tĕ di bơta ò song ring.”