Mathiơ 25:1 - Sră Goh 2018

¹ “Tŭ hơ̆ lơgar đang trồ rơp tòm toh be jơt nă cau ơruh at đèng lòt wă rò bơrtơu.

Mathiơ 25:1 Mawu Ofanana

Đơs Crih 45:14

Khai soh ào oă bơnga mơ geh lam tus di đap bơtau, Bơh tơnơ̆ cau ơruh la bơyô lòt jat khai.

Đơs Chò 1:3

Mơñà bong mê dê ƀô bơlhu; Sơnđan mê be mơñà ƀô bơlhu hòr lik; Gen tàng ală cau ơruh dềt kòñ gơboh di mê.

Đơs Chò 5:16

Bơr khai lơngồt bơkah; jơh ală bơta gơs tòm khai di pal kòñ gơboh ngan. Ơ ală kòn ùr Jerusalem, cau kòñ gơboh añ behơ̆, cau bơyô gơboh añ la behơ̆!

Đơs Chò 5:8

Ơ ală kòn ùr Jerusalem, añ rac dan mơ bol ai, dilah bol ai bàn cau kòñ gơboh añ jê, yal tĕ mơ khai lah: añ gơs kòp jê bơh bơta kòñ gơboh.

Esai 54:5

Bơh Bơtau Crơng Gơs ai la bau klau ai dê, Sơnđan Kơnràñ la Yàng Jehôwa Gơnap Gơnoar Dờng Bơtau Sàng Goh Israel dê la Bơtau dong tơwài ai, Kơnràñ geh sơnđan la Yàng Tom Trồ jơh plai ù dê.

Daniel 2:44

Tòm rài ală cau bơtau do, Yàng Tom Trồ ơm hơđang trồ rơp bơtào tơngguh dô nơm lơgar ò gơs tŭ lơi kòl tơnroh hala kong alah. Lơgar hơ̆ rơp jan bơcah mơ tơnroh jơh ală lơgar jơl lồi dut, mơ lơgar hơ̆ rơp bơtào kơ̆ gam sùm sùm.

Mathiơ 13:24

Yàng Jesu đơs pơnyơu ndai mơ bol khai lah: “Lơgar đang trồ la kung be dô nă cau sih gar niam tòm sre khai dê.

Mathiơ 13:31

Kơnràñ ai jơnau pơnyơu ndai đơs mơ bol khai lah: “Lơgar đang trồ kung be dô gar sơbê mơ cau ne ai sih tòm sre khai dê.

Mathiơ 13:38

sre la dunnia, gar niam la kòn sau lơgar đang trồ dê, ñhơt drung la kòn sau cau iơh bơsak dê

Mathiơ 13:47

“Lơgar đang trồ kung be dô nơm bơtơng dang tòm dàlềng, tơrgòm tơl ală jơi ka.

Mathiơ 20:1

“Bơh lơgar đang trồ kung be cau tòm suơn ne, rìng àng lik lòt nàng ơpah cau lơh broă tòm suơn ño khai dê.

Mathiơ 22:2

“Lơgar đang trồ kung be dô nă cau bơtau ne lơh dô bơta yò sa tòmbau kòn klau khai in.

Mathiơ 25:7

Gen ală cau ơruh hơ̆ kah rngal jơh, rcang đèng bol khai dê.

Mathiơ 3:2

“Gơjrañ sang glài tĕ, bơh lơgar đang trồ neh tus rềp.”

Mathiơ 5:16

Behơ̆, bơta àng bol mê dê pơnđàng tĕ di đap ală cau, nàng bol khai in gŏ ală broă niam bol mê dê, mơ jòng ro Bèp bol mê ơm hơđang trồ.”

Mathiơ 9:15

Yàng Jesu ho lah: “Tòm tŭ cau bơrtơu gam ơm mơ oh mi bơyô he, gen bol khai rgơi moat jrùng sơl? Mơya tus di tŭ cau bơrtơu geh cèng lik bơh bol khai, gen sồng bol khai ơt sa.

Jang 18:3

Behơ̆ Juda lam dô mpồl ling bal mơ ală cau duh broă bơh ală cau gơnoar lam bồ ơn phan duh khoai mơ ală cau Pharisi dê, lòt tus tềng hơ̆, at ồs đèng, ồs sơmpòl mơ pềs tà.

Jang 3:29

Cau lơi pa tòmbau hơ̆ la bơrtơu, mơya oh mi bơyô bơrtơu dê ơm ntào mơ iat jơnau khai, dơ̆ kơno jơnau đơs bơrtơu dê gen hòn chò oă ngan; hơ̆ la bơta hòn chò añ jê geh wil tơl behơ̆.

Broă 20:8

Gơs oă ồs đèng tòm ơdŭ tap hơđang la tiah bol hi ơm pơjum bal.

I Kôrintô 11:2

Añ jòng ro oh mi tài bơh oh mi kah añ sùm tòm jơh ală bơta mơ prap gàr ală jơnau añ neh bơto sồr oh mi.

II Kôrintô 11:2

Bơh añ ai nùs ƀoah pơrñat Yàng Tom Trồ dê mơ pơrñat oh mi, bơh añ neh lap oh mi mơ dô nă bau klau nàng tơlik mat oh mi Bơtau Krist in be dô nă cau ơruh sàng goh.

II Timôthe 4:8

Bơh do jơl hìng nau sơgơn bơtau bơta song ring neh prap lòi añ in; Yàng la Kwang Cahrña song ring rơp ai sơgơn hơ̆ añ in tòm ngai hơ̆, ò di mìng añ in lơm ò, mơya kung ai jơh ală cau kòñ gơboh di bơta tơlik mat Kơnràñ dê sơl.

Sră Pơyoa Pol Dê Pơyoa Tit In 2:13

tòm tŭ kơp gơn bơta gơn kơnòm lơngai lơngò, la bơta tơlik mat dô bă gơklŏ Yàng Tom Trồ dờng dê mơ Yàng Dong Klàs bol he dê la Yàng Jesu Krist,

Yal Tơlik 14:4

Ală cau hơ̆ òhềt gơs ƀơ̆ ƀơl mơ ală cau ùr, bơh bol khai gam rlùng. Belàt Kòn lòt tiah lơi gen bol khai jat tiah hơ̆. Bol khai neh geh Yàng Tom Trồ tơwài bơh digùl jơi kòn mơnus, tồ gơlik gơs ală cau sơnròp geh ơn Yàng Tom Trồ in mơ Belàt Kòn in.

Yal Tơlik 19:7

Bol he hòn chò mơ hừh hơh tĕ, jòng ro tĕ Kơnràñ; Bơh bơta tòmbau Belàt Kòn dê neh tus rau, mơ bau ùr Kơnràñ dê neh sơmpô să sir rau.

Yal Tơlik 21:2

Añ gŏ ƀòn dờng sàng goh la Jerusalem pa, mù bơh đang trồ bơh dê Yàng Tom Trồ; gơ neh rcang sir be dô nă bau ùr pa neh bơka să ơm gơn bau klau khai dê.

Yal Tơlik 21:9

Gơs dô nă tòm poh nă cau gơnrơh neh at poh nơm mơngàn bềng poh bơta rung rài lồi dut, lòt tus đơs mơ añ lah: “Tus tĕ hơ do, añ rơp sơnio mê in ƀan, la bau ùr Belàt Kòn dê.”

Yal Tơlik 4:5

Bơh dê sơbàn hơ̆ gơlik ală puhlèp, jơnau ntas mơ ntơr kơnàs; mơ di đap sơbàn gơs poh nơm sơmpòl ồs, hơ̆ la poh Hwềng Yàng Tom Trồ dê.

Yal Tơlik 8:10

Cau gơnrơh dơ̆ pe uh kơlwòk, gen gơs dô nơm sơmañ dờng dùh bơh đang trồ, gơ gơs ồs sa be dô nơm sơmpòl, mơ gơrung hơđang dô pơnah pe ală hiòng mơ ală croh dà.