Mathiơ 24:8 - Sră Goh 2018

⁸ Mơya jơh ală bơta hơ̆ mìng la bồ dà bơta jê sồt be cau jê deh.

Mathiơ 24:8 Mawu Ofanana

Esai 10:4

Bol khai mìng kun tơnliah să digùl ală cau ơm jàm, hala gơpừ digùl ală cau gơkòl tơnchơt. Bơh jơh ală bơta hơ̆, bơta gơjrañ Kơnràñ dê kung ò wèt ngài, tê Kơnràñ dê gam pò tơlik.

Esai 9:12

Cau Siri đah mattơngai lik mơ cau Philistin đah mattơngai mut neh ha bơr sa loan Israel. Bulah neh gơs jơh ală bơta hơ̆, bơta gơjrañ Kơnràñ dê kung ò pơrlac ngài; tê Kơnràñ gam pò tơlik.

Esai 9:17

Behơ̆ tàng, Yàng Jehôwa ò niam nùs di ală cau pơnu, mơ Kơnràñ kung rơp ò nđàc sơngit cau kòn đòi mơ cau ùr bơnrau, bơh kòp nă bol khai la cau ò duh rngòt mơ iơh bơsak, bơr lơi kung đơs jơnau bơrngơl gơla. Bulah neh gơs jơh ală bơta hơ̆, bơta gơjrañ Kơnràñ dê kung ò pơrlac ngài, tê Kơnràñ dê gam pò tơlik.

Esai 9:21

Manase rơp sa loan Epraim, mơ Epraim rơp sa loan Manase; bol khai lơh gơs dô bă bal nàng tòmdră mơ Juda. Bulah neh gơs jơh ală bơta hơ̆, bơta gơjrañ Kơnràñ dê kung ò pơrlac ngài, tê Kơnràñ dê gam pò tơlik.

Sră Ôse 13:13

Bơta jê sồt kung be cau ùr jê deh rơp tus mơ khai, mơya khai la dô nă kòn klau ò gơs bơta jak chài; tòm tŭ jơ neh tus, khai ò tơlik mat khai di mpồng hìu kòn.

Jơnau Niam Jat Mak 13:8

Bơh làng bol do rơp bơtào tòmsò mơ làng bol ne, lơgar do tòmlơh mơ lơgar ndai. Oă tiah rơp gơs lơnggơr ù mơ jơgloh rung. Ală bơta hơ̆ mìng la bồ dà bơta jê sồt bòl glar dê.

Luka 21:12

Mơya lài mơ tŭ gơs ală bơta hơ̆, cau rơp ai tê kup bol mê mơ kup kơryan bol mê, bơtào tòm hìu jum, tơmut tòm hìu jàm, hwài bol mê tus di đap ală cau bơtau mơ ală cau kwang đơng lơgar tài bơh sơnđan Añ.

Yal Wơl 28:59

gen Yàng Jehôwa rơp đùh oă bơta rung rài pal rngòt rngơt hơđang bol mê mơ hơđang ală kòn sau bol mê dê, ală bơta rung rài kơnjơ̆ ngan mơ gơ ơm jŏ jòng ngan, ală bơta kòp jê pal rngòt rngơt gơ ơm tòm jŏ ngai.

I Tesalônika 5:3

Tòm tŭ cau đơs: “Ring lơngai mơ lơngap lơngai,” gen bơta tơnroh nisơna tus hơđang bol khai be bơta jê deh gơtơntus cau ùr bun in, mơ bol khai ngan ò geh pleh klàs ò.

Jakơ 5:1

Tŭ do, ơ oh mi la ală cau pas sơm! Ñìm rac tĕ, hòi driau tài bơh ală bơta rung rài rơp tuh hơđang bol mê.