Mathiơ 24:7 - Sră Goh 2018

⁷ Bơh làng bol do rơp bơtào tòmsò mơ làng bol ne, lơgar do tòmlơh mơ lơgar ndai. Oă tiah rơp gơs jơgloh rung mơ tơrlơm ù.

Mathiơ 24:7 Mawu Ofanana

II Yal Yau 15:6

Bol khai bơcah lề lac lơgar do rồn bơklơn lơgar ndai, ƀòn dờng do rồn bơklơn ƀòn dờng ne, tài bơh Yàng Tom Trồ lơh dơrcul bol khai mơ oă bơta bòl glar kalke.

Esai 19:2

Añ rơp chồl cau Ejiptơ tòmdră mơ cau Ejiptơ, cau do rơp tòmlơh mơ cau ne, cau gơp ƀòn tòmdră mơ cau gơp ƀòn, ƀòn dờng tòmdră mơ ƀòn dờng, lơgar tòmdră bal mơ lơgar.

Esai 29:6

Yàng Jehôwa Gơnap Gơnoar Dờng rơp còp mê, mơ ntơr kơnàs, gơlơnggơr ù mơ ntas nggồr dờng, càl rbut, mơ lơmpiat ồs sa pơrguc.

Ejekiel 14:21

Bơh Jehôwa Yàng Tom Trồ đơs lah: ‘Tơ ài lah Añ rơp ngui poan bơta cahrña lơh glài kơnjơ̆ hơđang Jerusalem, hơ̆ la đào, jơgloh rung, phan poan jơng tòm brê, mơ pluh plàng nàng tơnchơt jơh kòn mơnus bal mơ phan poan jơng gơ dê.

Ejekiel 21:27

Dô gơnru tơrlah tơrling! Dô gơnru tơrlah tơrling! Añ rơp lơh gơ in gơlik gơs dô gơnru tơrlah tơrling! Gơ rơp ò geh bơt wơl tai jơl tus di tŭ tus Bơtau mơ khai gơrê bal dô bă di pal; Añ rơp jào gơ Bơtau hơ̆ in.’

Sacari 14:13

Tòm ngai hơ̆, Yàng Jehôwa rơp đùh bơta rngòt rngơt dờng ngan hơđang ală cau. Kòp nă rơp at di tê dô nă cau gơp ƀòn he, mơ bol khai rơp brồ lơh cau do mơ cau ne.

Luka 21:11

rơp gơs lơnggơr ù dờng, oă tiah gơs jơgloh rung mơ pluh plàng; kung gơs ală broă rngòt cù kìr mơ tềl krơi dờng bơh trồ.

Broă 11:28

Tòm mpồl hơ̆ gơs dô nă cau sơnđan la Agabus geh Yàng Hwềng yal lài, gen khai ntào mơ đơs hwơr lah rơp gơs bơta jơgloh rung dờng tòm làm ù; bơta jơgloh rung hơ̆ gơlik gơs tòm rài bơtau Klaudius.

Broă 2:19

Mơ tai, Añ rơp tơlik bơta krơi hơđang trồ, Mơ tềl is tòm ù; hơ̆ la mhàm, ồs mơ ñhŭ;

Hebrơ 12:27

Mơ ală jơnau, “gam dô dơ̆ tai,” yal tơlik lah ală phan òs lơnggơr la ală phan neh geh crơng gơs rơp kòl pơrdô jơh, tồ ală phan ò tŭ lơi lơnggơr gen rơp geh gam wơl.

Yal Tơlik 6:12

Tòm tŭ belàt Kòn tă ƀang kì dơ̆ prau, gen añ sền gŏ, ne, gơs lơnggơr ù dờng ngan, mattơngai gơlik jù be bài sơnò kiat jù, mơ kơnhai gơlik gơs be mhàm.

Yal Tơlik 6:5

Tòm tŭ Belàt Kòn tă ƀang kì dơ̆ pe, añ kơno phan wìn kis dơ̆ pe đơs lah: “Tus tĕ!” Mơ añ gŏ, ne, gơs dô nơm ơseh jù. Cau hào ơseh at di tê dô nơm phan kơr

Yal Tơlik 6:6

Añ kơno digùl poan nơm phan wìn kis gơlơh be gơs jơnau đơs lah: “Dô kơr kòi mi tac dô dơnie, pe kơr kòi tac dô dơnie ai mơñà mơ tơrnòm gen bañ lơh roh.”

Yal Tơlik 6:8

Mơ añ gŏ, ne, gơs dô nơm ơseh pàl pàl. Cau hào ơseh hơ̆ sơnđan la Bơta chơt, mơ Lơgar Làng ƀồc jat bơh tơnơ̆ khai. Neh ai bol khai in geh gơnoar tơnchơt dô pơnah poan tòm plai ù, la tơnchơt mơ đào, mơ jơgloh rung, mơ pluh plàng mơ ală phan poan jơng jàñ bơsak tòm plai ù.