Mathiơ 24:42 - Sră Goh 2018

⁴² Behơ̆ drơng kơp tĕ, bơh bol mê ò git ngai lơi Yàng he tus.

Mathiơ 24:42 Mawu Ofanana

Mathiơ 24:36

“Bơh ngai mơ jơ hơ̆ gen ò gơs cau lơi git, bulah cau gơnrơh hơđang trồ hala Kòn kung ò git sơl, mơya mìng Bèp lơm git.

Mathiơ 24:43

Mơya git tĕ bơta do, dilah cau tòm hìu neh git jơ drơng lơi cau kơñau tus, gen drơng kơp ò lòi khai tò ƀlong hìu he.

Mathiơ 24:44

Behơ̆ gen bol mê kung pal rcang kơp tĕ, bơh Kòn mơnus tus tòm jơ bol mê ò kơlôi.”

Mathiơ 25:10

Mơ tòm tŭ bol khai lòt rwat, gen bơrtơu tus; ală cau neh rcang sir lòt bal mơ bơrtơu mut tòm tiah sa tòmbau, mơ til mpồng.

Mathiơ 25:13

Behơ̆, drơng kơp tĕ bơh bol mê ò git ngai mơ kung ò git jơ Añ rê wơl.”

Luka 21:34

Behơ̆ bol mê kơrmap gàr tĕ să he, rngòt bơta ñô sa oă ir, bơta bơñul lơmbè mơ bơta kơlôi rcang rài do dê lơh giga nùs bol mê dê, mơ ngai hơ̆ tus nisơna hơđang bol mê be tras jàl mòn;

Luka 21:36

Behơ̆ bol mê pal drơng kơp tĕ mơ hòi dan sùm, tồ bol mê in gơs tơl pràn nàng lik klàs bơh di ală bơta pal tus hơ̆ mơ ntào di đap Kòn Mơnus.”

Rôma 13:11

Lơh tĕ behơ̆, bơh oh mi git tŭ tơngai do la tŭ oh mi pal guh, bañ bic tai; bơh tŭ do bơta dong klàs neh rềp mơ bol he rlau mơ tŭ bol he pa dòn òr.

I Kôrintô 16:13

Oh mi drơng kơp tĕ, ơm kơ̆ tĕ tòm bơta dòn, lơh tĕ be cau dờng, mơ pràn kơldang tĕ.

I Tesalônika 5:6

Behơ̆, bol he bañ bic be cau ndai, mơya pal drơng kơp mơ ngac mat.

I Pier 4:7

Bơta lồi dut jơh ală phan neh rềp rau, behơ̆ ngac mat tĕ, mơ drơng kơp tòm bơta hòi dan.

I Pier 5:8

Kơrmap gàr mơ drơng kơp tĕ. Cau sò tơm oh mi dê la cà ràk be klìu triă ơluh lòt gơrwàng gùt dar, jòi jat cau ƀà nàng sa loan.

Yal Tơlik 16:15

“Do, añ tus be cau kơñau. Lơngai cau lơi in drơng kơp mơ rcang ồi ào he dê, rngòt khai ơm kuh lòi rồ mơ lòt, mơ ò kòl cau gŏ bơta ƀàssìl ƀàsso khai dê!”