Mathiơ 24:36 - Sră Goh 2018

³⁶ “Bơh ngai mơ jơ hơ̆ gen ò gơs cau lơi git, bulah cau gơnrơh hơđang trồ hala Kòn kung ò git sơl, mơya mìng Bèp lơm git.

Mathiơ 24:36 Mawu Ofanana

Sacari 14:7

Hơ̆ rơp la dô ngai pơnjat sùm, ò gơs trồ ngai hala trồ mang, dô ngai Yàng Jehôwa git. Tòm tŭ tus trồ mang gen rơp gơs bơta àng.

Mathiơ 24:42

Behơ̆ drơng kơp tĕ, bơh bol mê ò git ngai lơi Yàng he tus.

Mathiơ 24:44

Behơ̆ gen bol mê kung pal rcang kơp tĕ, bơh Kòn mơnus tus tòm jơ bol mê ò kơlôi.”

Mathiơ 25:13

Behơ̆, drơng kơp tĕ bơh bol mê ò git ngai mơ kung ò git jơ Añ rê wơl.”

Jơnau Niam Jat Mak 13:32

“Bơh ngai mơ jơ hơ̆ gen ò gơs cau lơi git, bulah cau gơnrơh hơđang trồ hala Kòn kung ò git sơl, mìng Bèp git lơm.

Broă 1:7

Yàng Jesu đơs mơ bol khai lah: “Pah tơngai mơ tŭ jơ Bèp neh lơh nền jat gơnoar Kơnràñ dê, hơ̆ la broă bol mê ò càng git.

I Tesalônika 5:2

bơh să tòm oh mi git loh ngan lah ngai Yàng dê rơp tus be cau kơñau tòm trồ mang.

II Pier 3:10

Mơya ngai Yàng dê rơp tus be dô nă cau kơñau. Tŭ hơ̆ ală tap trồ rơp gơs jơnau ntas nggồr ur mơ roh, jơh ală bơta rơp kong ồs sa lề jơh, plai ù mơ ală broă lơh hơđang gơ rơp kong chu jơh.

Yal Tơlik 16:15

“Do, añ tus be cau kơñau. Lơngai cau lơi in drơng kơp mơ rcang ồi ào he dê, rngòt khai ơm kuh lòi rồ mơ lòt, mơ ò kòl cau gŏ bơta ƀàssìl ƀàsso khai dê!”

Yal Tơlik 3:3

Behơ̆ kah wơl tĕ ală jơnau mê neh dòp mơ neh iat; prap gàr tĕ ală jơnau hơ̆ mơ gơjrañ sang glài tĕ. Dilah mê ò kah rngal, Añ rơp tus be cau kơñau, mơ mê ò git jơ lơi Añ rơp lòt tus hơ mê.