Mathiơ 24:31 - Sră Goh 2018

³¹ Kơnràñ rơp sồr ală cau gơnrơh Kơnràñ dê lòt uh kơlwòk ntas dờng ngan mơ pơjum ală cau geh sac rwah Kơnràñ dê bơh tòm poan đah, bơh jơng trồ do tus hơ jơng trồ ne.”

Mathiơ 24:31 Mawu Ofanana

Đơs Crih 22:27

Jơh ală tiah lồi dut dunnia dê rơp kah mơ rê wơl hơ Yàng Jehôwa; Jơh ală jơi bơtiàn ală làng bol dê rơp duh khoai di đap Kơnràñ.

Đơs Crih 67:7

Yàng Tom Trồ gam ai lơngai sùm bol hi in; Jơh ală cau tòm làm plai ù pal duh rngòt di Kơnràñ.

Đơs Crih 81:3

Uh tĕ kơlwòk tòm tŭ mat kơnhai pa lik, Tòm tŭ mat kơnhai àng dar tòm ngai pơjum sa bol he dê.

Lik Ejiptơ 19:16

Tòm àng drim ngai pe, gơs ntơr kơnàs mơ puhlèp bal mơ dô puk mhwal lơut hơđang mơnơm, mơ gơs kơlwòk ntas dờng. Jơh làng bol ơm tòm sàl rơm să rngòt.

Esai 11:12

Kơnràñ rơp bơtào dô nơm bồng bi ală lơgar in, mơ rơp pơjum wơl ală cau Israel neh kòl sang lòi; Kơnràñ rơp tơrgòm wơl làng bol Juda neh gơprah gơpring bơh di poan đah plai ù.

Esai 13:5

Bol khai tus bơh lơgar ngài, bơh tiah lồi plai ù mơ dut trồ dê, Yàng Jehôwa mơ ală phan tòmlơh, bơta gơjrañ dờng Kơnràñ dê, nàng tơnroh jơh plai ù.

Esai 27:13

Tòm ngai hơ̆, dô nơm kơlwòk dờng rơp geh uh. Ală cau neh roh rui tòm Asiri, mơ ală cau neh kòl cèng pơrdô tòm Ejiptơ rơp tus duh khoai Yàng Jehôwa hơđang mơnơm sàng goh tòm Jerusalem.

Esai 42:10

Đơs chò tĕ Yàng Jehôwa in dô bơta đơs chò pa, bơta đơs chò jòng ro Kơnràñ bơh tiah lồi dut plai ù dê. Ơ ală cau lòt tòm dàlềng mơ ală phan tòm hơ̆, ală bồt pơlào mơ jơh ală cau kis tòm gơ.

Esai 43:6

Añ rơp đơs mơ đah đang lah: ‘Tơngklàs tĕ!’ mơ đah đơm: ‘Bañ kup bol khai.’ Cèng tĕ ală kòn klau Añ jê bơh tiah ngài, mơ ală kòn ùr Añ jê bơh ală tiah lồi dut plai ù dê,

Esai 45:22

Ơ jơh ală cau ơm tòm jơh ală tiah lồi dut plai ù dê, rê wơl tĕ mơ Añ rơp geh dong klàs! Bơh Añ la Yàng Tom Trồ, ò gơs yàng lơi ndai tai.

Esai 49:18

Mê pò tĕ mat mơ sền gùt dar; bol khai jơh tơl nă pơjum bal mơ tus hơ mê.” Yàng Jehôwa đơs lah: “Di ngan kung be Añ kis, mê rơp ngui jơh ală bol khai kung be ală phan bơka să, mê rơp dòp soh bol khai kung be dô nă ƀan pa.

Esai 60:4

Pò tĕ mat mê dê mơ sền gùt dar: Jơh tơl nă pơjum bal mơ lòt tus hơ mê; ală kòn klau mê dê tus bơh tiah ngài, mơ ală kòn ùr mê dê rơp geh ròng kơnđu tòm tơwòr tê.

Daniel 7:2

Daniel yal lah: “Tòm bơta gơtơnggŏ tòm trồ mang añ tơnggòr sền mơ gŏ gơs poan đah càl hơđang trồ khồm lơh lơnggac dàlềng dờng.

Sacari 14:5

Bol mê rơp dô tòm thòng mơnơm Añ jê, bơh thòng digùl ală mơnơm rơp lòt ngài tus Ajal. Bol mê rơp dô kung be neh dô bơh bơta gơlơnggơr ù tòm ală ngai Ôsia dê la bơtau Juda. Gen Jehôwa Yàng Tom Trồ añ jê rơp tus, mơ jơh ală cau sàng goh tus bal mơ Kơnràñ.

Sacari 2:6

Yàng Jehôwa đơs lah: “Guh tĕ! Guh tĕ! Dô tĕ bơh di lơgar đah đang; bơh Añ neh rsìh bol mê hơ tiah ngài be poan đah càl hơđang trồ.” Yàng Jehôwa đơs behơ̆.

Sacari 6:5

Cau gơnrơh ho wơl mơ añ lah: “Hơ̆ la poan nơm hwềng hơđang trồ dê, lik bơh di tiah bol gơ ơm ntào di đap mat Yàng jơh ală trồ tiah dê.

Sacari 9:10

Añ rơp tă tơlik ală rơndeh lòs tòmlơh bơh dê Epraim, mơ ală ơseh tòmlơh bơh di Jerusalem: mơ àtak tòmlơh rơp kong dơrpă. Kơnràñ rơp ai gơnoar sồr bơta lơngap lơngai ală lơgar in. Gơnoar at bồ Kơnràñ dê rơp pò ơnàng bơh dàlềng do tus hơ dàlềng ne, mơ bơh Hiòng me tus di lồi plai ù.

Sacari 9:14

Gen Yàng Jehôwa rơp tơlik mat hơđang bol khai, kam Kơnràñ rơp àng gơcrà kung be puhlèp. Jehôwa Yàng Tom Trồ Gơnap Gơnoar Làm Jơh rơp uh kơlwòk; Kơnràñ rơp lòt tòm ală càl rbut đah đơm.

Mathiơ 13:41

Kòn Mơnus rơp sồr ală cau gơnrơh Kơnràñ lòt, tơrgòm jơh ală bơta lơh gơtup tìs mơ ală cau lơh bơta tồi glài iơh bơsak mơ tơlik bơh di lơgar Kơnràñ,

Mathiơ 24:22

Dilah ală ngai hơ̆ ò gơtơnhuc, gen ò gơs kòn mơnus lơi geh dong klàs; mơya tài bơh ală cau geh sac rwah gen ală ngai hơ̆ rơp gơtơnhuc.

Mathiơ 24:24

Bơh rơp gơs ală krist ma blac mơ ală cau gơnoar hwơr ma blac tơlik să mơ lơh gơlik oă bơta tềl krơi is dờng, tian gơs dilah rgơi gen kung pơrlồm ală cau geh sac rwah sơl.

Mathiơ 24:32

“Do, bơtê tĕ bơh chi ƀal. Tòm tŭ ntê sơmbut nha gơcat, gen bol mê git kơnhai duh mòr tus.

Mathiơ 25:31

“Tòm tŭ Kòn Mơnus ơm tòm bơta gơklŏ Kơnràñ dê tus bal mơ jơh ală cau gơnrơh, gen Kơnràñ rơp nggui hơđang sơbàn gơklŏ.

Mathiơ 28:18

Yàng Jesu tus, đơs mơ bol khai lah: “Jơh gơnoar hơđang trồ mơ tòm ù neh jào Añ in.

Jơnau Niam Jat Mak 13:27

Kơnràñ rơp sồr ală cau gơnrơh pơjum ală cau sac rwah Yàng Tom Trồ dê bơh tòm poan đah jơng trồ, bơh tiah lồi dut ù tus di tiah lồi dut trồ.”

Luka 24:47

mơ cau pal ai sơnđan Kơnràñ mơ bơto yal bơta gơjrañ sang glài mơ bơta toh glài jơh ală làng bol in, rơp sơntòm bơh Jerusalem.

Jang 11:52

Ò di mìng bơh làng bol lơm ò, mơya kung nàng pơjum tơrgòm dô bă bal ală kòn sau Yàng Tom Trồ dê neh nrah nring.

Rôma 10:18

Mơya añ lùp lah: Bol khai òhềt kơno ơ? Ngan neh kơno rau, “Jơnau ntas bol khai dê neh pơnro làm ù, Mơ jơnau bol khai dê neh gơyal tơlik làm jơh dunnia.”

I Kôrintô 15:52

tòm dô êt, tòm dô kơnđip mat, tòm tŭ uh kơlwòk lồi dut. Bơh kơlwòk rơp ntas, gen ală cau chơt rơp geh kis wơl ò ồm lề, mơ bol he rơp geh gơlik gơs să pa.

Ephesô 1:10

nàng lơh gơlik gơs di di tŭ tŭ tơngai geh wil tơl, hơ̆ la nàng pơjum bal jơh ală bơta tòm Bơtau Krist, bulah bơta hơđang trồ hala bơta tòm ù.

Yal Wơl 30:4

Bulah dilah bol mê neh kong cèng pơrdô tus hơ tiah lồi dut plai ù, bơh tềng hơ̆ Jehôwa Yàng Tom Trồ bol mê dê rơp pơjum tơrgòm, mơ cèng bol mê rê wơl bơh tềng hơ̆.

Yal Wơl 4:32

Tŭ do lùp tĕ bơh ală ngai yau òr, jŏ jòng lài mơ pah rài bol mê dê, bơh ngai Yàng Tom Trồ neh crơng gơs kòn mơnus hơđang plai ù; lùp tĕ bơh dê jơng ală tap trồ do tus hơ đah ne.

I Tesalônika 4:16

Bơh să tòm Yàng rơp mù bơh đang trồ bal mơ jơnau driau sồr mơ jơnau hòi cau gơnrơh dờng rlau jơh dê, bal mơ ntas kơlwòk Yàng Tom Trồ dê, gen ală cau chơt tòm Bơtau Krist rơp kis wơl lài.

II Tesalônika 2:1

Ơ oh mi, đơs bơh bơta tus wơl Yàng Jesu Krist bol he dê, mơ bơta bol he pơjum tìp bal mơ Kơnràñ, bol hi dan oh mi,

Hebrơ 12:19

ntas kơlwòk, jơnau đơs, la jơnau cau lơi kơno gen kung dan bañ đơs jơnau lơi mơ bol khai tai.

Yal Tơlik 1:20

Ai bơta ndơp ndơr bơh poh nơm sơmañ mơ mê neh gŏ tòm tê ma Añ, mơ bơh poh nơm jơng ồs đèng mơ màh, gen poh nơm sơmañ la ală cau gơnrơh poh nơm Hìu Jum Goh dê, mơ poh nơm jơng ồs đèng la poh nơm Hìu Jum Goh.”

Yal Tơlik 11:15

Cau gơnrơh dơ̆ poh uh kơlwòk, gen gơs ală jơnau dờng hơđang trồ đơs lah: “Lơgar bơtau dunnia dê neh gơlik lơgar Yàng bol he dê mơ Bơtau Krist Kơnràñ dê, Kơnràñ rơp at bồ jơl sùm sùm.”

Yal Tơlik 7:1

Tơnơ̆ mơ hơ̆ añ gŏ poan nă cau gơnrơh ơm ntào di poan đah plai ù, kup wơl poan nơm càl plai ù dê, tồ ò gơs càl lơi khồm hơđang plai ù, hơđang dàlềng hala hơđang chi che.

Yal Tơlik 8:2

Gen añ gŏ poh nă cau gơnrơh ntào di đap Yàng Tom Trồ, mơ neh ai bol khai in poh nơm kơlwòk.