Mathiơ 24:21 - Sră Goh 2018

²¹ Bơh tŭ hơ̆ rơp gơs bơta rung rài dờng, tian gơs bơh tŭ crơng gơs jơl tus di tŭ do òhềt gơs, mơ kung rơp ò tŭ lơi gơs behơ̆.

Mathiơ 24:21 Mawu Ofanana

Ejekiel 5:9

Tài bơh ală bơta ngkòr ngkàc mê dê, Añ rơp lơh di mê bơta mơ Añ òhềt tŭ lơi lơh, mơ Añ rơp ò tŭ lơi lơh bơta behơ̆ tai.

Daniel 12:1

“Tòm tŭ tơngai hơ̆, Mikael la cau gơnrơh dờng, cau sền gàr làng bol mê dê rơp guh. Rơp gơs dô tŭ tơngai jê sồt bòl glar tian gơs bơh tŭ pa bơtào gơs ală lơgar tus di tŭ tơngai hơ̆ kung ò gơs tŭ lơi gơs behơ̆. Mơya tòm tŭ hơ̆, làng bol mê dê cau lơi geh cih sơnđan mat tòm sră gen rơp geh dong klàs.

Daniel 9:26

Tơnơ̆ mơ prau jơt bàr nơm poh hơ̆, Bơtau geh bong mơñà rơp kòl tơnroh, mơ ò gam bơta lơi tai. Mpồl ling Bơtau rơp tus dê rơp tơnroh ƀòn dờng mơ tiah sàng goh. Bơta lồi dut rơp tus kung be dà kŏ: bơta tòmlơh gơpơnjat jơl tus lồi dut, mơ ală bơta tơnroh gơprah neh lơh nền.

Jôel 1:2

Ơ ală cau dờng cau kra, iat tĕ jơnau do: Ơ jơh làng bol ơm tòm lơgar, ai tồr iat tĕ! Gơs bơta lơi be bơta do neh gơlik gơs tòm rài bol mê dê, hala tòm rài ală ồng pàng bol mê dê sơl?

Jôel 2:2

Dô ngai klam jơngo, mơ ngềt ngơt, dô ngai bềng mhwal mơ jơngo cik. Be bơta jơngo jù cik gòm hơđang ală mơnơm, dô mpồl ling dờng mơ pràn kơldang lòt tus; bơta behơ̆ bơh rài yau òhềt tŭ lơi gơs, mơ kung rơp ò tŭ lơi gơs behơ̆ tòm rài tơnơ̆ rơp tus sơl.

Malaci 4:1

“Sền tĕ, ngai hơ̆ rơp tus, gơ sa hơng kung be bơnhă ồs. Jơh ală cau pơnhừ să bal mơ cau lơh bơta iơh bơsak rơp kung be rhe, mơ ngai hơ̆ rơp tus be ồs sa pơrguc bol khai,” Yàng Jehôwa Gơnap Gơnoar Dờng Làm Jơh đơs behơ̆. “Gen tàng rơp ò gam dô nơm ryas hala dô nơm ntê lơi lòi wơl bol khai in.

Mathiơ 24:20

Hòi dan tĕ nàng bơta dô bol mê dê ò di di kơnhai mrềt hala ngai Saƀat.

Mathiơ 24:29

“Tơnơ̆ mơ ală ngai rung rài, gen tŭ hơ̆ mo mattơngai gơlik klam jơngo, kơnhai ò àng tai, ală sơmañ bơh đang trồ dùh, mơ ală gơnoar trồ gơlơnggơr.

Jơnau Niam Jat Mak 13:9

Ai bol mê gen kơrhia tĕ să he, bơh bol khai rơp bơtào bol mê tòm Mpồl Kwang Tơrña, pù lơh bol mê tòm ală hìu jum; mơ tài bơh Añ tàng bol mê rơp ntào di đap ală cau kwang đơng lơgar mơ ală cau bơtau nàng lơh cơng bol khai in.

Luka 21:24

Bol khai rơp gơplơ̆ hơđơm mat đào, gơkòl cau kup lơh dĭ digùl jơh ală làng bol, Jerusalem rơp gơkòl ală làng bol bơdìh jă trơm jơl tus di ală tŭ tơngai làng bol bơdìh dê geh wil tơl.

I Tesalônika 2:16

Bol khai bơkơŭ bol hi bơto cau làng bol bơdìh tồ bol hơ̆ geh dong klàs. Tòm broă do lơh tồi glài bol khai dê sơlo gơbơtơl bềng lìu. Mơ lồi dut bơta gơjrañ dờng neh dùh dô bă nền cê hơđang bol khai rau.

Yal Tơlik 16:18

Gen gơs ală puhlèp, jơnau ntas dờng, ntơr kơnàs mơ lơnggơr ù dờng ngan, tian gơs bơh di tŭ gơs jơi kòn mơnus hơđang ù kung òhềt gơs bơta lơnggơr ù lơi dờng mơ pràn ngan behơ̆.

Yal Tơlik 7:14

Añ đơs lah: “Ơ Kơnràñ, Kơnràñ git.” Khai đơs mơ añ lah: “Hơ̆ la ală cau lik bơh bơta rung rài dờng, neh pìh mơ lơh bò ào jrùh bol khai dê tòm mhàm Belàt Kòn dê.