Mathiơ 24:14 - Sră Goh 2018

¹⁴ Jơnau Niam bơh lơgar Yàng Tom Trồ rơp geh bơto yal làm jơh dunnia, tồ lơh cơng jơh ală làng bol in; tŭ hơ̆ bơta lồi dut rơp tus.”

Mathiơ 24:14 Mawu Ofanana

Ejekiel 7:10

Ngai hơ̆ neh tus! Gơ neh tus rau! Bơta rung rài neh gơlik gơs; gai lồng neh cat sơmbut, bơta jòng să neh lik bơkào!

Mathiơ 10:7

Tòm tŭ lòt, bơto yal lah: ‘Lơgar đang trồ neh tus rềp rau.’

Mathiơ 18:19

Añ đơs tai mơ bol mê, dilah bàr nă tòm bol mê gơs dô nùs bal tòm ù mơ dan bơta lơi, gen Bèp Añ ơm hơđang trồ rơp lơh bol khai in bơta hơ̆.

Mathiơ 24:3

Tòm tŭ Kơnràñ nggui hơđang mơnơm Ôlibe, ală cau bơtê tus lùp is Kơnràñ lah: “Dan yal bol hi in git tŭ lơi rơp gơs ală bơta hơ̆, mơ rơp gơs tềl sơnio lơi bơh bơta tus wơl Kơnràñ dê mơ ngai lồi dut rài do dê taih?”

Mathiơ 24:6

Bol mê rơp kơno bơh kơlìn mơ jơnau pơnro bơh kơlìn. Kơrmap gàr tĕ, bañ dơrcul, bơh ală bơta hơ̆ pal gơlik tus mơya hơ̆ òhềt la lồi dut ò.

Mathiơ 4:23

Yàng Jesu lòt làm Galile, bơto sồr tòm ală hìu jum, bơto yal Jơnau Niam lơgar đang trồ dê, mơ sơmbòi tơl ală bơta kòp jê tòm làng bol.

Mathiơ 9:35

Yàng Jesu lòt làm ală ƀòn dờng ƀòn dềt, bơto sồr tòm ală hìu jum, bơto yal Jơnau Niam lơgar đang trồ dê, mơ sơmbòi ală bơta kòp jê lơbơn lơño.

Jơnau Niam Jat Mak 13:10

Mơya lài ngan Jơnau Niam pal geh bơto yal làm jơh ală làng bol in.

Luka 2:1

Tŭ hơ̆, bơtau Ôgustơ tơlik dô jơnau gơnoar sồr, sồr jơh ală lơgar dunnia pal cih sơnđan mat tòm sră.

Luka 24:47

mơ cau pal ai sơnđan Kơnràñ mơ bơto yal bơta gơjrañ sang glài mơ bơta toh glài jơh ală làng bol in, rơp sơntòm bơh Jerusalem.

Luka 4:5

Cà ràk cèng Kơnràñ guh hơđang, sơnio Kơnràñ in jơh ală lơgar tòm dunnia tòm dô êt jŏ,

Broă 1:2

jơl tus di ngai Kơnràñ geh guh rê hơđang trồ, tơnơ̆ mơ tŭ Kơnràñ kơnòm di Yàng Hwềng Goh nàng bơto sồr ală cau gơnoar bơto dờng Kơnràñ neh sac rwah.

Broă 11:28

Tòm mpồl hơ̆ gơs dô nă cau sơnđan la Agabus geh Yàng Hwềng yal lài, gen khai ntào mơ đơs hwơr lah rơp gơs bơta jơgloh rung dờng tòm làm ù; bơta jơgloh rung hơ̆ gơlik gơs tòm rài bơtau Klaudius.

Broă 17:31

bơh Yàng Tom Trồ neh lơh nền dô ngai, tòm tŭ Kơnràñ rơp ai bơta song ring cahrña dunnia bơh Cau Kơnràñ neh pồ bơtào. Kơnràñ lơh cơng tàng nền cê kòp nă cau in gŏ, Kơnràñ neh lơh Khai in kis wơl bơh bơta chơt.”

Broă 17:6

Jòi ò bàn, bol khai hwài Jasôn bal mơ dô êt nă cau dòn tus di đap ală cau kwang at bồ tòm ƀòn dờng mơ yă lah: “Ală cau do neh lơh sơlồng sơlàng tòm ƀòn lơgar, tŭ do bol khai kung neh tus tềng do,

Broă 19:27

Behơ̆, ò di mìng broă kă bro he dê roh bơta dòn kơnòm lơm ò, mơya hìu duh khoai yàng ùr dờng Dian dê kung gơkòl sền òsơp, mơ bơta dờng ryŭ yàng ùr dê tòm làm Asia bal mơ dunnia duh khoai kung rơp roh jơh gơklŏ sơl.”

Broă 20:25

Mơ tŭ do, añ git lah jơh ală oh mi la cau mơ añ neh bơto yal bơh lơgar Yàng Tom Trồ, gen ò gơs dô nă lơi rơp gŏ mat añ tai.

Rôma 10:18

Mơya añ lùp lah: Bol khai òhềt kơno ơ? Ngan neh kơno rau, “Jơnau ntas bol khai dê neh pơnro làm ù, Mơ jơnau bol khai dê neh gơyal tơlik làm jơh dunnia.”

Kôlôse 1:23

Mìng la oh mi kư̆ ơm tòm bơta dòn, kơ̆ cê, ò gơlơnggac lơnggơr, ò gơtơrđeh bơh bơta gơn kơnòm tòm Jơnau Niam mơ oh mi neh kơno, gơ neh geh bơto yal digùl jơh ală làng bol hơđơm trồ; să tòm añ la Pol kung neh geh lơh gơs cau gơnoar duh broă Jơnau Niam hơ̆ dê.

Kôlôse 1:6

Jơnau Niam hơ̆ neh tus hơ oh mi, kung be neh tus tòm làm jơh dunnia, gơlik plai mơ gơbơtơl kung be tòm oh mi, bơh ngai oh mi neh kơno mơ git wă bơta nđàc Yàng Tom Trồ dê jat be jơnau song,

Hebrơ 1:6

Mơ tai, dơ̆ Kơnràñ jun Kòn tơnhoa tus tòm dunnia, gen đơs lah: “Jơh ală cau gơnrơh Yàng Tom Trồ dê pal duh khoai Kòn.”

Hebrơ 2:5

Yàng Tom Trồ ò ơn ală cau gơnrơh in at bồ hơđang dunnia rơp tus, la dunnia mơ bol he đơs hơ̆.

Yal Tơlik 14:6

Chòp añ gŏ dô nă cau gơnrơh ndai par digùl trồ, gơs Jơnau Niam gam sùm sùm nàng bơto yal ală cau ơm tòm plai ù, hơ̆ la jơh ală lơgar, jơi bơtiàn, jơnau đơs mơ làng bol.

Yal Tơlik 16:14

Bol gơ la hwềng ală cà dê, lơh ală tềl krơi, lik lòt tus hơ ală cau bơtau tòm làm jơh dunnia, nàng pơjum bol khai tòm bơta kơlìn tòm ngai dờng Yàng Tom Trồ dê, la Bơtau Gơnoar Dờng Làm Jơh.

Yal Tơlik 3:10

Tài bơh mê neh prap gar jơnau Añ jê mơ ntào kơ̆, gen Añ kung rơp sền gàr mê tòm jơ gơlòng bòl glar, la jơ rơp gơlik tus làm jơh dunnia nàng lòng ală cau ơm tòm plai ù.